Kreu i PD, Sali Berisha mori edhe njëherë në mbrojtje GJKKO për vendimin për pezullimin e Belinda Ballukut nga detyra si zv.kryeministre. Berisha akuzoi kryeministrin Edi Rama se po e mbron Ballukun, duke e ankimuar vendimin në Kushtetuese, pasi vetë ai është bashkautor në vjedhje.

“Super skandali Rama Balluku ka marrë përmasa të papara. Për herë të parë në historinë e Europës, një kryeministër, padit Gjykatën që pezulloi nga detyra zv.kryeministren hajdute. Rama u tha shqiptarëve se pezullimi s’ka ndodh ndonjëherë në Europë. Pezullimi nuk është i shpeshtë në Europë, sepse në Europë sapo ngrihet një akuzë, i akuzuari jep dorëheqjen. Në Shqipëri, jo vetëm që nuk jep dorëheqjen, por merr edhe mbështetjen e kryeministrit për të paditur në Kushtetuese. Në gjykatë nuk shkoi Balluku, e pezulluara, por Edi Rama. Për shkak të problemit madhor të vet, se ai është bashkautor në këto vjedhje. Është ai që dërgoi Ballukun në Ankara dhe takoi kompanitë turke që morën 50 mln euro më shumë për Tunelin, se sa kompania që de facto ndërtoi tunelin”, tha Berisha.


Lajmi kryesor:

PD nis ‘analizën’ për disfatën e 11 majit, por Berisha nuk dorëhiqet: Zgjedhjet ishin farsë, iki vetëm me votë! Protesta edhe jashtë Tirane