POP 5

Lajmet më të lexuara të 5 minutave të fundit

Politikë

Marrëveshja për emigrantët me Italinë miratohet në Qeveri, projektligji kalon në Kuvend

Marrëveshja me Italinë për emigrantët e paligjshëm shumë shpejt do t’i futet procedurave të ratifikimit në Kuvend. Qeveria ka miratuar në mbledhjen e kësaj të mërkurë projektligjin që kërkon ratifikimin.

Marrëveshja për emigrantët me Italinë miratohet në Qeveri, projektligji kalon në Kuvend

Kryeministria

TIRANË- Marrëveshja me Italinë për emigrantët e paligjshëm shumë shpejt do t’i futet procedurave të ratifikimit në Kuvend. Qeveria ka miratuar në mbledhjen e kësaj të mërkurë, 15 nëntor projektligjin që kërkon ratifikimin, teksa me dorëzimin e tij në Kuvend fillojnë edhe diskutimet në komisionet përkatëse parlamentare, deri në votimin në seancë plenare.

Që marrëveshja të ratifikohet nga ligjvënësit kërkon minimalisht 71 vota në Kuvendin e Shqipërisë.
Më 6 nëntor 2023 kryeministri Edi Rama dhe kryeministrja italiane Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve. Sipas marrëveshjes për emigrantët porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre. Kapaciteti maksimal i numrit që do të presë qendra në Shqipëri nuk mund të jetë më shumë se 3 mijë emigrantë në muaj.

Emigrantët do të qëndrojnë në pritje të përgjigjes për azil nga autoritetet italiane në strukturën që do ndërtohet po nga italianët. Shpenzimet do të përballohen nga Italia dhe sipas përllogaritjeve shteti fqinj do t’i paguajë vendit tonë fondin e parë në shumën 16.5 milionë eurove brenda një 3-mujori. Kohëzgjatja e marrëveshjes do jetë 5 vjet, por mund të shtyhet automatikisht edhe me 5 vite të tjera nëse ndonjëra nga palët nuk komunikon të paktën gjashtë muaj përpara afatit të përfundimit qëllimin e saj për të mos e rinovuar këtë protokoll. Marrëveshja pritet të kalojë dhe në kuvend.

 

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qobani: 16/11/2023 18:30

    Në jetën e përditshme shohim gjana të cilat nuk na pëlqejn,ja vlen mos ti zmadhojmë,rrespektë për shpirtat të cilët prangosën në xhama,kta na e lehtsojn jetën,na e kursejn ekonomin

    Përgjigju
  • Julian: 15/11/2023 16:45

    Tradheti kombetare!

    Përgjigju
    • LINDITA: 15/11/2023 23:43

      Fiks pa logjikuar Gabim Fatal

  • Ndergjegja: 15/11/2023 14:55

    Qeveria dhe kuvendi jane instrumenta te edvinitSalehut orteeejjj

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43