POP 5

Lajmet më të lexuara të 5 minutave të fundit

Ekonomi

Qeveria në ikje vendos blerjen
e pullave fiskale për ilaçet

Megjithëse vendosja e pullave fiskale tek ilaçet është shtyrë deri në dhjetor të këtij viti me një Udhëzim të ministrave Bode dhe Kosova, qeveria vendosi blerjen e 84 mln lekë pulla për ilaçet.
TIRANË - Megjithëse vendosja e pullave fiskale tek ilaçet është shtyrë deri në dhjetor të këtij viti me një Udhëzim të përbashkët të ministrave Ridvan Bode dhe Halim Kosova, qeveria vendosi të lejojë Qendrën Kombëtare të Kontrollit të barnave të blejë menjëherë 84 milionë lekë të vjetra pulla për ilaçet.

Ende nuk dihet nëse qeveria e re do të anulojë apo do të lërë në fuqi vendimin për pajisjen me pulla të ilaçeve, pasi subjektet importuese kanë kundërshtuar me forcë një masë të tillë, që, sipas tyre, rrit koston. Por qeveria në ikje, gjithsesi, tashmë e ka marrë vendimin për blerje të pullave, shpenzim që nuk mund të kthehet më mbrapsht nga Ekzekutivi Rama, pasi ka hyrë në fuqi menjëherë.
 
Vendimi i sotëm përcakton sa më poshtë:
 
V E N D I M

PËR

LEJIMIN E QENDRËS KOMBËTARË TË KONTROLLIT TË BARNAVE, SI AUTORITET KONTRAKTOR, PËR KRYERJEN E PROCEDURËS  SË PROKURIMIT PUBLIK PËR BLERJE PULLASH KONTROLLI  ME ELEMENT SIGURIE PËR BARNAT DHE AKSESORË  PËR SHTYPJEN E TYRE

Në mbështetje të nenit 100 të Kushtetutës, të ligjit nr.9643, datë 20.11.2006,     “Për prokurimin publik”, të ndryshuar, të ligjit nr.119/2012, “Për buxhetin e      vitit 2013”, dhe në vijim të vendimit nr.591, datë 10.7.2013, të Këshillit të Ministrave, “Për disiplinimin e përdorimit të shpenzimeve buxhetore, për vitin 2013”, me propozimin e ministrit të Shëndetësisë, Këshilli i Ministrave

 V E N D O S I:

1. Lejimin e Qendrës Kombëtare të Kontrollit të Barnave, si autoritet kontraktues, për kryerjen e procedurës së prokurimit publik me objekt “Blerje pullash kontrolli me element sigurie për barnat dhe aksesorë për shtypjen e tyre”, me fond limit 8 400 000 (tetë milionë e katërqind mijë) lekë.
 
2. Ngarkohen Ministria e Shëndetësisë, Ministria e Financave dhe Agjencia e Prokurimit Publik për ndjekjen e zbatimit të këtij vendimi.

 Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI  BERISHA

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

15 Janar, 22:04