POP 5

Lajmet më të lexuara të 5 minutave të fundit

Kronikë

Qeveria: Ok shpronësimeve në
segmentin nga “Brryli” te “Ali Demi”

Këshilli i Ministrave ka vendosur shpronësimin, për interes publik, të pronarëve të pasurive të paluajtshme, pronë private (tokë truall dhe objekte), që preken nga ndërtimi i segmentit rrugor bulevardi “Bajram Curri” deri në rrugën “Ali Demi”, faza e dytë.
TIRANE - Këshilli i Ministrave ka vendosur shpronësimin, për interes publik, të pronarëve të pasurive të paluajtshme, pronë private (tokë truall dhe objekte), që preken nga ndërtimi i segmentit rrugor bulevardi “Bajram Curri” deri në rrugën “Ali Demi”, faza e dytë. Fjala është për një segment që bashkon zonën e “Brrylit” me rrugën “Ali Demi” dhe Shkozën, që ka mbetur deri tani peng pa u përfunduar.

Shpronësimi bëhet në favor të Bashkisë së Tiranës. Pronarët e pasurive të paluajtshme, që shpronësohen, do të kompensohen në vlerë të plotë, sipas masës së kompensimit përkatës, që paraqitet në tabelën bashkëlidhur këtij vendimi, si më poshtë vijon:
për sipërfaqen 930 m2 (tokë truall), me vlerë 27 740 970 lekë;
për objekte me sipërfaqe 767 m2, me çmimet e konfirmuara prej Hipotekës, me vlerë 94 987 734.4 lekë.

Vlera e përgjithshme e shpronësimit prej 122 728 704.4 lekësh do të përballohet nga Bashkia e Tiranës, prej fondit të miratuar nga Këshilli Bashkiak i Tiranës.

Për pasurinë në pronësi të bashkëpronarëve Burreli, do të bëhet likuidimi pas paraqitjes së dokumentacionit të pronësisë si dhe pasi të jetë liruar prona nga barrat përkatëse hipotekore, fakt i cili do të konfirmohet zyrtarisht nga Hipoteka. Për pasurinë nr.8/271, në pronësi të bashkëpronarëve Puci, do të bëhet likuidimi pas mbarimit të regjistrimit të pasurisë në Hipotekëdhe pas paraqitjes së dokumentacionit të plotë të pronësisë, me të gjitha të dhënat, sipas listës bashkëlidhur.
Shpronësimi do të fillojë më 1 korrik.

(gk/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur (VIDEO)

Aksident i rëndë në Korçë – Pogradec/ Përplasen dy makina, një i vdekur (VIDEO)

8 Janar, 23:55