‘Referendum’ për vendimet strategjike për vendin, sa do t'u kushtojë shqiptarëve Këshillimi Kombëtar?

 ‘Referendum’ për vendimet strategjike për vendin, sa do t'u kushtojë shqiptarëve Këshillimi Kombëtar?

Këshillimi Kombëtar do t'u kushtojë shqiptarëve 25 milionë lekë, para që do të merren nga fondi rezervë i buxhetit të shtetit i miratuar për vitin 2022. Përmes kësaj nisme qytetarët do të pyeten për disa nga çështjet më me rëndësi për vendin.  Këshilli i Ministrave ka miratuar fondin, një ditë pasi u bë publike dhe anketa me 12 pyetjet që do u drejtohen shqiptarëve.

Konkretisht ky fond është i ndarë  në 19.7 milionë për reklamat në mediat audiovizive dhe të shkruara dhe realizimin e materialeve promocionale dhe 5.3 milionë do i kalojnë INSTAT për hedhjen në format digjital të të dhënave të pyetësorëve fizikë (të mbledhur nga posta dhe nga pikat e dedikuara për plotësimin e tyre në sheshet dhe/ose ambientet e tjera publike), në funksion të programit të Këshillimit Kombëtar.

Këshillimi Kombëtar për Shqipërinë është një nismë e re, ku kryeministri Rama thekson se në mandatin e 3-të qeverisës do të forcojë edhe më shumë rolin e qytetarëve në vendimmarrjet politike, ekonomike dhe shoqërore për vendin duke dëgjuar zërin e tyre.

Formulari me 12 pyetje i bërë publik një ditë më parë do të mbërrijë në shtëpitë e të gjithëve, dhe qytetarët mund të shprehin opinionet e tyre. Këtij pyetësori qytetarët do mund t'u përgjigjen edhe përmes faqes online të Këshillimit Kombëtar për Shqipërinë.

Nga vaksinimi i detyrueshëm te legalizimi i kanabisit, integrimi i Shqipërisë apo Ballkani i Hapur janë disa nga pyetjet që qytetarët do të japin opinionin e tyre përmes Këshillimit Kombëtar.  

Vendimi i qeverisë
 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 19/01/2022 20:41

    Vendosja e referendumeve per ceshtjet strategjike ,eshte hap i madh i demokracise dhe force e sovranit per vendimet ne permirwsimin e sgtetit dhe jeyes se tij.Shtoni dhe presidenti te zgjidhet direjt nga populli.Shembulli me ideal i referendumeve eshte Zvicra

    Përgjigju
    • redina: 26/01/2022 16:38

      Po cfare referendumi aman? Ca do partia ben populli kjo historite e KM. Se une kam hyre 100 here e kam plotesuar nga IP te ndryshme. Sa te sakta do dalin keto rezultate? Apo ce deshe thuaj - jane vendos ca do behet dhe kjo eshte fasada...

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish ministri dhe ish kryebashkiaku i Sarandës Stefan Çipa në SPAK

Ish ministri dhe ish kryebashkiaku i Sarandës Stefan Çipa në SPAK