"Goodmorning Fitness", çdo
mëngjes në A1 Report

Për hërë të parë në A1 Report transmetohet emisioni më i veçantë i fitness-it i cili do t`ju shoqëroi çdo mëngjes nga ora 8 e 15 deri në 8 e 30 me informacionet kryesore, programet e fitnesit, hapësirën dietike, pilates dhe sekrete të këtij sporti.

Bashkë me instruktoren Dorina Mema do t`i ofrohen të gjithë teleshikuesve, vetëm në ekranin më të popullarizuar A1 Report, ushtrimet dhe udhëzimet përkatëse për të mbajtur trupin në formë.
 


Në puntatën e parë të këtij emisioni u prezantuan tre elementët bazë dhe më të domosdoshme të fitnesit. Duke i demostruar, Dorina Mema tha se frymëmarrja është elementi më i rëndësishëm që duhet të kemi parasysh.

“Një frymëmarrje e kombinuar me ushtrimet do të mund t`ju sjellin rezultatin që ju kërkoni në mënyrë që trupi të ketë oksigjen dhe të përballoni ushtrimet duke mos i krijuar vetes tensionin dhe sikletin që vjen nga mosfrymëmarrja e rregullt”, tha ajo.



Elementi i dytë dhe i mjaft i rëndësishëm është uji i cili duhet të ju shoqëroi gjatë gjithë stërvitjes. Duke e përjashtuar atë në ushtrimet e abdominales.

Uji na ndihmon për të rritur oksigjenin në trup. Kjo sasi oksigjeni ndihmon në rregullimin e frymëmarrjes. Dhe, elementi i tretë i fitnes është streç-ing, i cili është i domosdoshëm për të bërë ç`tensionimin e muskujve.



Çdo mëngjes kur zgjoheni është e këshillueshme të bëni streç-ing si dhe para, gjatë dhe në fund të ushtrimeve.
 
Duke prezantuar grupet e muskujve dhe duke i vënë në lëvizje ato instruktoria, Dorina Mema, që nga e hëna deri në vazhdim do të hyjë çdo mëngjes në famijet shqiptare nëpërmjet ekranit të A1 Report, në shtëpitë e të gjithë personave që e duan dhe e respektojnë trupin për ta mbajtur atë në formë. Redaksia Online (m.z/shqiptarja.com)