"Skulptura e parkut" mbledh
artistë nga e gjithë bota në Korçë

"Skulptura e parkut" mbledh<br />artistë nga e gjithë bota në Korçë
Parkut të Korçës do t’i shtohen disa gurë me lartësi mbi dy metra dhe me peshë dy tone, të cilët do të gdhenden nga artistë nga e gjithë bota. Një gjë e tillë do të bëhet në kuadër të simpoziumit të pestë ndërkombëtar “Skulptura e Parkut”. Simpoziumi, i çelur më 30 gusht do të vazhdojë deri në datën 10 shtator dhe ka si qellim bashkimin e artistëve për ngritjen e Muzeut të Artit Bashkëkohor.

simpoziumi

Skulptorët do të gdhendin gurin në sy të publikut korçar por edhe të vizitorëve, duke i dhuruar parkut të Korcës në copëz histori nga vendet qe vijnë. Për herë të parë këtij aktiviteti i bashkohet Greqia dhe Hungaria. 


“Unë do të doja që nëpërmjet skulpturave të mia të shfaq komunikime midis njerëzve, lidhjes midis njerëzve dhe popujve sidomos mes dy popujve tona. Jep mesazhin e socializmit dhe komunizmit më të mirë mes njerëzve,” -u shpreh artisti grek Antonis Myrodias


Për herë të parë ky simpozium ka gjetur mbështetjen e ministrisë së Kulturës. Pjesë e këtij simpoziumi do të jenë edhe laboratorët për edukimin e fëmijëve dhe konkursi i fotografive.

simpoziumi

Ajo çka vjen në qytetin tonë ka vlera jo vetëm artistike por edhe historike për shkak të faktit që ne na vinë shumë skulptorë nga e gjithë bota në qytet dhe veprat që punojnë ata sjellin diçka që ka të bëjë me historinë e vendeve prej nga vinë, ka te bëjë më misticizmin, me kulturën e vendit të tyre dhe kjo bashkohet dhe rri bukur”,-tha artisti Genti Tavanxhiu.
 
simpoziumi

Pjesëmarrës në këtë simpozium do të jenë përfaqësues nga Turqia, Hungaria dhe Greqia. Aktiviteti u krijua në vitin 2008 me iniciativë të Bashkisë së Korçës, e cila atë vit mirëpriti 32 skulptorë nga e gjithë bota dhe nga Shqipëria. Në momentin kur të jenë realizuar 140 vepra arti, do të ngrihet muzeu i Artit Bashkëkohor, i certifikuar në të gjithë botën.

  • Sondazhi i ditës:

    Si do e drejtojë Kuvendin Elisa Spiropali krahasuar me Lindita Nikollën?



×

Lajmi i fundit

Media amerikane “CN Traveler”: Plazhet më të mira në Shqipëri

Media amerikane “CN Traveler”: Plazhet më të mira në Shqipëri