Qytetarët pro portit të ri të Durrësit në Sondazhin 'Piepoli', Igli Cara: Vjedhje, do bëj gjithçka për ta ndaluar nëse zgjidhem kryebashkiak

 

Qytetarët Durrësakë janë pro projektit të Portit të Durrësit. Të pyetur nga Institutit Piepoli në bashkëpunim me Report Tv, 63% e tyre presin që kushdo të dalë fitues nga zgjedhjet e 14 majit dhe të jetë kryetar i bashkisë do të duhet ta mbështesë projektin e Portit të ri të Durrësit. Mirëpo, i ftuar në Report Tv, kandidati i koalicionit Meta-Berisha, Igli Cara tha se Porti i Durrësit është një aferë korruptive. I pyetur se si do ta kundërshtojë nëse më 15 maj do të jetë kryebashkiaku i Durrësit, ai tha se do të gjejë çdo rrugë ligjore për të ndaluar.

Këtë projekt e kemi në GJK. Pa u shprehu gjykata nuk marr rolin e gjyqtarit. Është miratuar pa garë, i është dhënë mikut të Ramës, Alabbar. Kam bindjen time se ky projekt do rrëzohet se ka shkelje të shumë neneve. Do gjej të gjitha rrugët ligjore për ta kundërshtuar projektin e vjedhjes. I gjithë projekti është korruptiv.

LEXO EDHE:
Flota e peshkimit në Durrës në krizë ekonomike, kryesindikalisti: Ka burokraci në Ministrinë e Bujqësisë, u dogjën fondet!

Nga ana tjetër, deputetja e PS, Klodiana Spahiu tha se Porti i Durrësit është një investim strategjik jo vetëm për qytetarët durrsakë, por për të gjithë vendin.

“Përfiton atë pronë publike të portit të Durrësit që i ka munguar qytetarëve. Kthehet në pronë publike të qytetarëve durrsakë. 45% është sipërfaqe e lirë, iu kthehet qytetarëve që s’kanë patur mundësi të përfitojnë nga porti i Durrësit, do përfitojnë shëtitore, hapësirën e gjelbër, investimin. Porti aktual tregtar nuk mund të jetë më ndotës në poziciononin që është. Mbetet pronë publike, 700 m linear plazh”, tha Spahiu.

Lajmi kryesor:

‘Vendoret’/ Në Durrës pritet garë e fortë, Cara: Përballë kam një bandë kriminale, PS nuk bëri asgjë në 10 vite! Spahiu: Harroje se do fitosh

SI.E./KT/Shqiptarja.com

TAG:
• pa protokoll
• Klodiana Spahiu
• zgjedhjet vendore 2023
• igli cara
• Durres