Çdo qytet që ka mbi 100 mijë banorë do të ketë një varrezë private me sipërfaqe mbi 10 hektarë. Ky është korrektimi i ri që Komisioni Parlamentar i Veprimtarisë Prodhuese miratoi në mbledhjen e djeshme. Rregullat për ngritjen e këtyre varrezave pritet të përcaktohen nga vendimi i Këshillit të Ministrave, duke marrë parasysh këto dy kritere numerike.

Këto ndryshime që u votuan vetëm me votat e mazhorancës, u bënë për të frenuar ndërtimin e varrezave të shumta me sipërfaqe të vogla, në qytetet e mëdha si Tirana dhe Durrësi.