POP 5

Lajmet më të lexuara të 5 minutave të fundit

Ekonomi

Rënie e ndjeshme e
parave nga emigrantët

Paratë që emigrantët dërgojnë në shtëpitë e tyre kanë shënuar një rënie të ndjeshme në tremujorin e parë të vitit, në krahasim me të njëjtën periudhë të një viti më parë, duke pasqyruar krizën ekonomike që po kalojnë dy fqinjët tanë, Italia dhe Greqia, ku jetojnë pjesa më e madhe e emigrantëve shqiptarë.
TIRANE - Paratë që emigrantët dërgojnë në shtëpitë e tyre kanë shënuar një rënie të ndjeshme në tremujorin e parë të vitit, në krahasim me të njëjtën periudhë të një viti më parë, duke pasqyruar krizën ekonomike që po kalojnë dy fqinjët tanë, Italia dhe Greqia, ku jetojnë pjesa më e madhe e emigrantëve shqiptarë.

Të dhënat e publikuara nga Banka e Shqipërisë, në kuadër të bilancit të llogarisë korente, për tremujorin e parë 2013, bëjnë të ditur se transfertat hyrëse të emigrantëve në Shqipëri për janar-marsin e këtij viti ishin 117 milionë euro, me rënie 30% në raport me të njëjtën periudhë të një viti më parë, duke shënuar në shifra absolute edhe nivelin më të ulët të 10 viteve të fundit.

Pas një rritjeje në muajt e parë të 2012-s, trendi i remitancave është kthyer sërish në kahun rënës, teksa si Greqia dhe Italia nuk po arrijnë të dalin nga recesioni nga njëra anë dhe lidhjet e emigrantëve me vendin amë po shkëputen, një tendencë e natyrshme kjo, nga ana tjetër.

Një pjesë e konsiderueshme e individëve apo familjeve që jetonin e punonin në Greqi janë kthyer në atdhe. Sipas burimeve të ministrisë së Punës, numri i tyre kalon 40 mijët.

Krahas ndikimit të krizës, një tjetër faktor që ka ndikuar në këtë tendencë është edhe ai ciklik, ku, pas mëse 20 vitesh, teksa janë integruar pothuajse tërësisht dhe janë legalizuar në shtetet ku jetojnë e punojnë, emigrantët po i shkëpusin gradualisht lidhjet me vendin mëmë.

Këto transferta kanë qenë një burim i rëndësishëm jetese për një shtresë relativisht të varfër të popullsisë, ndërkohë që kanë qenë një nxitje e rëndësishme e konsumit në vend. Rënia e tyre është një sinjal i keq për shitjen e banesave, në një sektor të ekonomisë, ku numërohen prej vitesh 6 mijë apartamente të mbetura pa u shitur.

Shkrimi u botua sot në gazetën Shqiptarj.com (print) 11.06.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

Joe Biden: Arritja e marrëveshjes së armëpushimit në Gaza, një nga sfidat më të vështira të karrierës sime

15 Janar, 20:26