'Ra bombola e oksigjenit që po transportonte vinçi apo preku telat e tensionit?' Dy pistat e hetimit për shpërthimin në Lushnje

 

Foto: Një ditë pas shpërthimit në Lushnje, 2 mars 2024

Grupi hetimor po punon mbi dy pista hetimi mbi shpërthimin e rëndë të ndodhur dje në Lushnje ku humbën jetën babë e bir dhe 7 u plagosën.

Babe e bir, Roland dhe Elidon Hoxha, manovratorë, kane qene duke ngritur me vinç dy bombula oksigjeni që do të përdoreshin për saldime në çatinë e magazinës (kapanonit). 

Dyshimi i parë: Ka rënë nga lartësia njëra prej bombolave të oksigjenit që ka shkaktuar shpërtimin.
Dyshimi i dytë: Vinçi ka prekur telat e energjise dhe më pas ka ndodhur shpërthimi.

Çfarë dimë deri tani? 

Deklarata e ministrit Balla dje pas shpërthimit, 1 mars 2024

"Sot pasdite, rreth orës 15:37 minuta në zonën industriale të Lushnjes pranë një kompleksi magazinash ka ndodhur një shpërthim ndoshta i shkaktuar për shkak të kontaktit me linjën e tensionit të lartë. Dhe si pasojë e këtij kontakti, për shkak të shkarkimit të rrymës së tensionit të lartë duhet të ketë shpërthyer një mjet eskavator, i cili po bënte punimet në atë zonë. Për pasojë ka humbur jetën në mënyrë të menjëhershme manovratori i këtij mjeti. Në atë zonë bashkë me persona të tjerë që janë 7 në total të plagosur është gjendur edhe deputeti i Lushnjes, Bujar Çela, i cili ka marrë një plagë për shkak të shpërthimit.

 

Lajmi kryesor:

Shpërthimi në Lushnjë me 2 të vdekur e 7 të plagosur, dyshohet se bombola me oksigjen ra nga vinçi! Hetohet leja e magazinës nën tensionin e lartë dhe shkelja e sigurisë në punë

S.G/Shqiptarja.com

TAG:
• BUjar Çela
• lushnje
• shperthimi ne lushnje
• elidion hoxha
• roland hoxha
• Sajmir Korreshi