Në prag të festave të Krishtlindjeve autostrada Tiranë–Elbasan mbeti e bllokuar nga trafiku i rënduar për më shumë se 4 orë, duke krijuar një radhë automjetesh prej më shumë se 4 kilometrash.

Pamjet e siguruara nga Report TV, treguan një numër të madh automjetesh të bllokuara në të dyja anët e qarkullimit, ndërsa Policia Rrugore ndodhet e pozicionuar në zonën e Bradasheshit dhe po menaxhon situatën. Aktualisht, trafiku vijon të mbetet i pandryshuar. 

Një situatë e ngjashme trafiku është regjistruar edhe në autostradën Tiranë-Durrës dhe anasjelltas, si dhe në rrugët dytësore. 

Gjendja e trafikut në vend mbetet e rënduar për shkak të numrit të lartë të emigrantëve që kanë ardhur në vend në prag të festave të fundvitit.   

Statistikat tregojnë se në periudhën 19–23 dhjetor, vetëm nga dogana e Kapshticës kanë hyrë 24.141 shtetas, ndërsa kanë dalë 11.844 shtetas shqiptarë dhe të huaj.

 

Rendit zhvillimet sipas orarit:
Ora 20:26
PAMJE ME DRON/ Prag Krishtlindjesh, Tirana 'paralizohet' nga trafiku

Pasditja e sotme ka sjellë një kaos dhe një trafik tepër të rënduar edhe në Tiranë. Në vigjilje të Krishtlindjeve, në shumë prej rrugëve të kryeqytetit, drejtuesit e automjeteve po qëndrojnë të bllokuar në rrugë për shkak të trafikut. Pamjet me dron tregojnë lëvizje të rënduar makinash në Kthesën e Kamzës dhe në dalje të qytetit, në autostradë. Radhë të gjata kilometrike janë raportuar edhe në rrugët që lidhin Tiranën me qytetet e Elbasanit dhe Durrësit.

 

U.D/Shqiptarja.com

U.D/S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera