VLORE - Vidhen 1500 metër linear përcjellës bakri në Linjën ‘30-31/2’ në zonën e Ujit të Ftohtë në Vlorë. Si pasojë e këtij akti kanë mbetur pa energji elektrike nënstacioni Radhimës dhe nënstacioni Orikum.  

Drejtuesit e CEZ Shpërndarjes, duke dënuar këto akte kriminale u kanë kërkuar organeve të rendit të ndërhyjnë në mënyrë urgjente, ndërsa kanë bërë denoncimin në polici.

Aktualisht, specialistët e kompanisë CEZ Shpërndarje po punojnë për të riparuar dëmin e shkaktuar duke zëvendësuar përcjellësit e grabitur, me qëllim rikthimin e energjisë elektrike për të gjithë banorët e këtyre zonave.   

Redaksia Online
(e.c/shqiptarja.com)