Rakacolli: Nuk ka ndryshim masash, nata e ndërrimit të viteve, pa orë policore

 

Kryetarja e Komitetit Teknik të Ekspertëve, Mira Rakacolli ka bërë me dije se nuk do të ketë ndryshim të masave COVID në vend. Ajo u shpreh se masat që janë në fuqi mjaftojnë për të kontrolluar situatën, ndërsa shtoi se në natën e ndërrimit të viteve nuk do të ketë orë policore, ndërsa do të jenë hapur edhe lokalet, por do të funksionojnë vetëm me 30% të kapacitetit.

"Niveli i masave që janë në fuqi është i përshtatshëm për ta kontrolluar këtë situatë. Do të mbeten në fuqi të njëjtat masa. Por situata epidemiologjike në botë dhe përhapja e Omicron bën të domosdoshëm respektimi e këtyre masave që nuk po zbatohen në nivelin e kërkuar. Studiuesit po bëjnë thirrje për vaksinimin. Infektohen shumë më tepër të pavaksinuarit dhe rastet e rënda dhe humbjet e jetës janë më shumë te të pavaksinuarit. Siç ka thënë dhe Fauci 'Omicron do t'i gjejë të gjithë të pavaksinuarit'. Jemi në prag të festave të fundvitit, mosrespektimi i masave vitin e kaluar solli rritje infektimesh. Të jemi të përgjegjshëm, të respektohen standardet e kërkuara, të përdorim maskat. Ora policore do mbetet e njëjtë, 23:00, me përjashtim të natës së ndërrimit të viteve. Në 4 janar, të gjithë punonjësit e administratës publike, supermarketeve dhe qendrave tregtare, duhet të sjellin certifikatën e vaksinimit", tha Rakacolli.

LEXO EDHE:
‘Pfizergate’/ Prokurorët Europianë hetojnë porosinë 20 miliardë euro të Von der Leyen për vaksinat e COVID

Lajmi kryesor:

COVID/ Konfirmohen 2 rastet e para me Omicron në Shqipëri! Nuk ndryshojnë masat, por s'ka orë policore natën e Vitit të Ri! Komiteti i Ekspertëve: Vetëm me vaksinim fitojmë luftën (VIDEO)

/KT/Shqiptarja.com

TAG:
• COVID-19
• koronavirusi ne shqiperi
• komiteti teknik i eksperteve