POP 5

Lajmet më të lexuara të 5 minutave të fundit

Sport

Raklli: I kënaqur që humbëm 2:0
në Belgjikë, fqinjët tanë rrihen 9:0

Në një intervistë për "Shqiptarja.com", trajneri i Kombëtares së futbollit për femra, Altin Raklli shprehet i pakënaqur nga kritikat në media mbi humbjen 2:0 në Belgjikë.
DURRËS - I pakënaqur nga kritikat në media mbi humbjen 2:0 në Belgjikë trajneri  i Kombëtares së futbollit për femra, Altin Raklli.

I gjendur këto ditë pranë resort “Tropikal”-it në Durrës, ku relaksohen gjithë lojtarët e Kombëtares, pyetjes së gazetares së "Shqiptarja.com" në ndjehet i mërzitur pas humbjes i përgjigjet me: "Jo. Jam thjesht i lodhur. Në fakt, është e kundërta, pasi ndihem shumë i kënaqur edhe me humbjen”.

Më pas futet direkt në analizimin e ndeshjes dhe kritikave ndaj saj dhe pse është i "kënaqur me humbjen":  “Kemi vetëm një vit e gjysmë ekip, që s’ka ekzistuar ndonjëherë. Është mrekulli që po njihemi, që po bëjmë gara me ekipe të mëdha, po ndeshemi në grupe, u futëm në Tur Eleminator të Kampionatit Botëror, një mundësi që erdhi pas ndeshjeve paraeliminatore dhe ndeshjes me pikë të barabarta me Maltën. Si mund të pretendojnë fitore?!”, thotë i çuditur Raklli.

Ai i përmend të gjitha këto, pasi ka lexuar dhe duke cituar një gazetë të madhe të përditshme vendase, e cila kritikonte sot humbjen, duke theksuar edhe: “Mirë që ishte portierja se kushedi sa do të ishim mundur!”.

 “U ndeshëm me një skuadër si ajo e Belgjikës, e cila ka 30 vjet përvojë në futbollin e femrave dhe ku luajnë futboll 60 mijë femra. Ndërsa në Shqipëri luajnë vetëm 120 vajza.

“Në 26 shtator kemi ndeshje në Tiranë me Holandën, por Holanda po ashtu ka 120 mijë gra futbolliste. A mund të matemi ne me këto ekipe?”, shton inspektori i Kombëtareve shqiptare në FSHF, Kristaq Toçi.

“Humbja 2:0 është një rezultat dinjitoz në Europë. Janë vende në rajon si Maqedonia, Serbia, që kanë ekipe futbolli për femra prej15-20 vjetësh dhe janë rrahur edhe 9:0 siç ishte rasti i ndeshjes Rumani-Maqedoni etj”, komenton Raklli.

Së fundi shpreh keqardhjen, që s'mund t'i mbledhë vajzat dy javë përpara, por vetëm katër ditë përpara se e tillë është rregullorja. Në 11-she ai ka 6 futbolliste që luajnë jashtë vendit (2 në Suedi, 1 në Finalnadë, 1 në Itali, 1 në Gjermani dhe 1 në Australi) dhe 5 nga ekipet brenda vendit. 

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31