TIRANE- Përfaqësues të nismës 'Thurje' të shoqëruar nga deputetët e opozitës së re, Rudina Hajdari dhe Ralf Gjoni kanë depozituar sot në Kuvend një peticion të firmosur nga mbi 50 mijë qytetarë ku me anë të një projektligji kërkojnë disa ndryshime në Reformën Zgjedhore. Gjatë fjalës së saj Hajdari falenderoi qytetarët që i janë bashkuar kësaj nisme.
"Kanë 30 vite që e kanë zaptuar Shqipërinë. Falenderoj çdo qytetar që i është bashkuar kësaj nisme. Duam të jemi në gjendje të kërkojmë vullnetin e çdo partie politike. Ju faleminderit shumë qytetarëve që i bashkohen kësaj nisme", tha Hajdari.
Ndërsa Gjoni deklaroi se pas reformës në drejtësi sfida më e madhe mbetet ndryshimi rrënjësor i Reformës Zgjedhore.
![](https://shqiptarja.com/template/img/NO_ALFA_Kuadrate shqiptarja.png)
"Kjo ka të bëjë me hapsirat që duhen krijuar në parlament. Pas reformës në drejtësi sfida më e madhe është ndryshimi rrënjësor i reformës zgjedhore Ky do të jetë viti i së vërtetës. Nuk është koha për parti të reja. Do kemi mundësi të flasim gjatë javëve në vazhdim", u shpreh Gjoni.
( Kliko këtu ) Projekt-Ligji i plotë që u dorëzua nga deputetët Hajdari e Gjoni
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)