Rama: BD-ja, partia e re e Saliut, në rast se bie Luli nga pema

Kryeministri Edi Rama i qëndron mendimit të tij se "Bindja Demokratike" është krijuar nga Sali Berisha. Ai nuk i ka kursyer ironitë, sipas së cilit është një skenar i Berishës, që të mos dalë krejtësisht i humbur nga zgjedhjet e 30 qershorit.

 “Skuadra që i fitojnë të gjitha ndeshjet s’ka, por kampionët dijeni se fitojnë gjithmonë në fund. Ata që s’dalin dot kampion kanë zgjedhur të dalin nga stadiumi. Mos kini frikë për trazira, maksimumi që bëjnë këta është ajo që bëri profesori sot, për turpin e atyre që i kanë dhënë gradën profesor. Ne nuk jemi parti rrugore, në 30 qershor do marrim përsipër të vazhdojmë më tutje rrugën për Elbasan dhe gjithë baskitë. Ka dalë edhe partia më e re e Saliut. Futu ti i tha Patozit, të jemi 50% me 50% në rast se bie Luli nga pema”,- tha Rama

Lajmi kryesor:

Rama në Elbasan: Pijanecët bllokojnë rrugën, kush i tha Lulit që kështu merret pushteti?

B.K./r.k./Shqiptarja.com

TAG:
• rama ne elbasan