Rama: Çdo sulm ndaj Kosovës është edhe ndaj Shqipërisë! Por Prishtina duhet të dalë nga loja e Serbisë dhe të shkëlqejë në dialog

Kryeministri Edi Rama ka deklaruar se çdo sulm ndaj Kosovës është edhe sulm ndaj Shqipërisë. Në një lidhje skype për “ATV”, Rama u shpreh se qasja strategjike e shqiptarëve nuk duhet të jetë fajësimi i njëri-tjetrit për çështjen e njohjes së Kosovës.

“Jo, në këndvështrimin tim dhe unë këtë e kam thënë gjithmonë, qasja jonë strategjike e shqiptarëve dhe në këtë rast flasim për Kosovën, por mendoj që kështu është edhe për Shqipërinë dhe kështu duhet të jetë për të gjithë shqiptarët, nuk është që të fajësojnë të tjerët, apo të hyjmë në lojën e fajësimit të njëri-tjetrit në sensin ‘jo shiko, dakord, ne jemi mbase këtë, po shiko ata”- u shpreh kryeministri.

LEXO EDHE:
Akuzohet për marrje ryshfeti, ligjvënësi Cuellar: Do vazhdoj fushatën për një mandat tjetër

Ai theksoi se Kosova duhet të tregojë se nuk vepron në asaj të çfarë bën Serbia dhe se e ka detyrim të shkëlqejë në procesin e dialogut.

“Kosova, për veten e saj duhet të tregojë ndërkombëtarisht një qenie e cila është plotësisht e vetëdijshme për barrën e flamurit që ka, për barrën e Kushtetutës që ka, për barrën e përgjegjësisë që ka, si një aktor i ri, si një anëtar i ri i bashkësisë ndërkombëtare. Nuk është Serbia etaloni dhe nuk është Serbia standardi dhe nuk është Serbia pika e referimit”, -tha Rama.

Sa i takon sulmeve të vazhdueshme ndaj Kosovës nga ana e Serbisë, përfshirë edhe ato diplomatike, Rama u shpreh se sulme të tilla mund të konsiderohen edhe ‘sulme ndaj Shqipërisë’.

“Kosova nuk është vetëm, jo thjesht se ka Shqipërinë, po sepse ka aleat strategjik, që i dimë fare mirë kush janë, pa të cilin Kosova s’do të ekzistonte sot si shtet dhe me të cilët Kosova mund t’i arrijë të gjitha ato që ne të gjithë duam që Kosova t’i arrijë”- nënvizoi kreu i qeverisë.  

Lajmi kryesor:

Sekretari amerikan, Blinken sot në Tiranë! Rama: Bashkëpunimi me SHBA, jo vetëm në fushën e sigurisë

B.V/Shqiptarja.com

TAG:
• Antony Blinken
• SHBA
• edi rama
• Blinken ne Tirane