LEZHË- Kryeministri Edi Rama është ndalur në Lezhë, ku ka bërë prezantimin e kandidatëve të këtij qarku, e ndërsa është ndalur të flasë edhe për disa nga premtimet kryesore të qeverisë. Një prej tyre është edhe rindërtimi, për të cilën Rama tha se do e shfrytëzojnë, në një plan më të gjerë, pjesë e së cilit do të jetë edhe Kisha e Shna Ndout.
“Laçi do të jetë një qytet rrezatues i kësaj fuqie ndryshimi, i këtij angazhimi për njerëzit, i ambicies sonë për të bërë Shqipërinë të ardhmen tonë.
Do të jetë një qytet, ku cilësia e jetës do të ndryshojë dhe ku falë edhe bekimit që Laçi ka me atë pikë pelegrinazhi, ne aty kemi një instrument që do ta shfrytëzojmë më së mirë për turizmin fetar, duke kombinuar rindërtimin pikërisht me nevojën e qindra, mijëra njerëzve që e vizitojnë Shna Ndoun e që deri sot nuk kanë patur mundësi të ndalonin se s’kishin ku të ndalonin po thjeshtë parkonin, ngjiteshin, ktheheshin, merrnin makinën dhe iknin.
Nuk e teproj fare po të them që plani ynë i veprimit për ta futur Laçin në mes të këtyre dy pikave që bashkohen, nga një anë magneti i Shna Ndout dhe nga ana tjetër prurja e jashtëzakonshme e njerëzve që vijnë për Shna Ndou, do të japë ekonomi, do të japë punësim, do të japë transformim të mëtejshëm për Laçin”, tha Rama.
Kryeministri Edi Rama ka sulmuar nga Lezha LSI dhe Presidentin Ilir Meta. Duke iu referuar deklaratës së këtij të fundit i cili tha se nëse Rama fiton në zgjedhje pa prekur votën, ai do të japë dorëheqjen pas 25 prillit, kryeministri iu bëri thirrje të gjithëve se ky është momenti për të çliruar vendin nga imazhi që i jep Presidenti aktual. Sipas Ramës, Meta ka marrë peng Presidencën dhe Kushtetutën dhe se kush zgjedh LSI-në më 25 prill, zgjedh Ilir Metën dhe jo drejtësinë.
”Në këtë, skuadra e Monikës është problemi i madh i vendit tonë, problemi i madh i jetës sonë politike. I vetë politikës shqiptare. Këto zgjedhje mes të ardhmes dhe të shkuarës. Mes taksës progresive, dhe të sheshtë që është armiku real. Zgjedhje mes rilindjes urbane që duhet të vazhdojë, dhe edhe më thellë në zonat rurale. Dhe anti-qytetarisë planifikim. Është zgjedhje mes shëndetësisë që duam, dhe kështu me radhë.
Troç fare, thjesht fare. Është zgjedhje mes drejtësisë së re dhe Ilir Metës. Kush zgjedh sidomos LSI-në, sidomos LSI-në zgjedh Metën dhe jo drejtësinë. Duke qenë se Ilir Meta është gati të japë dorëheqjen pas 25 prillit, ky është rasti për të gjithë ata që duan të çlirojnë nga barra gjithmonë e më e rëndë e imazhit që krijon ky njeri që ka marrë peng Presidencën dhe ka marrë peng Kushtetutën duke e shpërfytyruar rolin e kryetarit të shtetit. Të bëjnë zgjedhjen".
Në këtë takim nuk mungoi as ironia për kreun e PD Lulzim Basha, për të cilin thotë se është kukull që nuk argëton askënd e nuk i duhet askujt.
"Basha s’është rrezik për demokracinë. Nuk është problemi i këtij vendi. Është kukull në duart e Saliut dhe Metës, që e kanë rrethuar me një tabor krushqish, të uritur. Një kukull që nuk argëton askënd. Përkundrazi nuk i duhet askujt. Besoj se është koha për të bërë një zgjedhje për familjen, qytetin, për fshatin, për vendin e punës, në sensin që secilin, për të rritur pagat, pagën minimale. Për të ulur tatimin mbi fitimin, si forcë e kualifikuar në ndërmarrjet e këtij vendi. Në organizmat ekonomikë të këtij vendi. Për të fuqizuar mjekët dhe infermierët, mësuesit e policët. Për të shkuar përtej ndasisë politike pasi nuk kemi alternativë qeverisëse, përveç PS. Nuk mundet dot ta hedhim poshtë këtë punë të mundimshme, duke i lënë shteg mbijetese në pushtet Ilir Metës. Kjo është më e thjeshta", tha Rama.
Më herët Meta teksa sulmoi Reformën në Drejtësi dhe tha se nuk pret zgjedhje të lira nga kjo drejtësi pasi SPAK sipas tij nuk ka hetuar krimin zgjedhor. Ndërkaq presidenti tha hapur se do të shkojë në të gjithë Shqipërinë dhe nuk do të qëndrojë indiferent deri në 25 prill. Ai përsëriti se do dorëhiqet më 26 prill nëse PS fiton pa prekur votën.
Komente
Lajme të tjera
-
Reduktohet personeli Italian në qendrat e emigrantëve në Lezhë, fillojnë rikthimet në Itali
23 Nëntor, 09:58 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
E rëndë në Kurbin/ 61-vjeçari bie në makinerinë e përpunimit të inerteve, humb jetën te Trauma! Ishte i pastrehë, tërmeti i shembi shtëpinë
23 Nëntor, 09:34 -
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Moti i keq/ Shiu i dendur krijon vështirësi për lëvizjen në autostradën Lezhë-Thumanë
22 Nëntor, 17:04 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Moti i keq në Lezhë, stuhia dëmton linjat e energjisë elektrike, disa fshatra pa drita! Vijon i pezulluar lundrimi në Shëngjin
22 Nëntor, 09:09
Kollosi Rama,ju lumtë!Dio ti benedica!
Përgjigju