POP 5

Lajmet më të lexuara të 5 minutave të fundit

Rama drejt Kievit, ekspertja Voda: Me mbështetjen e Ukrainës, Shqipëria në anën e duhur të historisë

Kryeministri Edi Rama dhe homologu Dritan Abazoviç janë nisur drejt Kievit me ftesë të presidentit ukrainas Volodymyr Zelensky. Teuta Voda, lektore e gjeopolitikës në Paris thotë se Shqipëria duhet të jetë krenare për mbështetjen që ka dhënë për Ukrainën, pasi tregoi që është në anën e duhur të historisë.

Kryeministri Edi Rama dhe homologu Dritan Abazoviç janë nisur drejt Kievit me ftesë të presidentit ukrainas Volodymyr Zelensky. Teuta Voda, lektore e gjeopolitikës në Paris thotë emisionin 'Repolitix' në Report Tv se Shqipëria duhet të jetë krenare për mbështetjen që ka dhënë për Ukrainën, pasi tregoi që është në anën e duhur të historisë.

Vizita e Ramës dhe Abazoviç në Kiev, sipas Vodës tregon që vende të vogla si Shqipëria kanë një domethënie kyç në marrëdhëniet ndërkombëtare. Voda thekson se vizita e Ramës është e rëndësishme për vetë faktin se Shqipëria drejton presidencën e Këshillit të Sigurimit në OKB.  

“Shqipëria duhet të jetë krenare për gjithë përkrahjen që i ka dhënë Ukrainës që prej 2014, kriza në krime, kjo është një nga ato qasjet që Ukraina nuk e ka harruar, e ka çmuar edhe përgjatë shumë takimeve me ambasadorin ukrainas. Shqipëria është në anën e duhet të historisë duke u treguar kaq aktive, ka presidencën të muaj në Këshillin e Sigurimit, e rëndësishme prezenca e Ramës. Tregon edhe njëherë që vende aq të vogla si Shqipëria kanë një domethënie kyç në marrëdhëniet ndërkombëtare”, tha Voda.

Ish-deputeti Arben Çuko thotë se Shqipëria po luan një rol të konsiderueshëm në skenën e politikës europiane, pasi është pjesë e Këshillit të Sigurimit, por ka qenë në krah të SHBA-së si bashkëpenëmbajtëse për hartimin e rezolutës që dënoi luftën në Ukrainë.  

“Do të thotë që Shqipëria ka tashme vendin e saj dhe luan rolin e saj të konsiderueshëm në skenën e politikës europiane. Këtë gjë e shton edhe qenia e Shqipërisë si presidente e Këshillit të Sigurimit në OKB. Një shtet i madh që Rusia, e quan bezdi të madhe hartimin e dekoratës nga SHBA dhe Shqipëria. Por zgjodhën Shqipërinë. Sepse roli i Shqipërisë në lindje të Europës nuk është i pakët, një nga synimet e Putin për destabilzim është edhe Ballkani”, tha Çuko.

Kryeministri Rama dhe Abazoviç janë nisur drejt Kievit. Dy kryeministrat shqiptarë do të takohen në Kiev me presidentin e Ukrainës Volodomyr Zelensky.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Mero Baze: 21 Janari si betejë e familjes Nika me drejtësinë

Mero Baze: 21 Janari si betejë e familjes Nika me drejtësinë

22 Korrik, 20:38 nga Mero Baze