Kreu i Hipotekës së Durrësit do të jetë tanimë Florjan Alimadhi. Ky vendim është bërë i ditur dy ditë pasi kryeministri Edi Rama njoftoi shkarkimin e Ardjan Iljazaj. Ndërkohë, ministrja e Drejtësisë Etilda Gjonaj e ka vizituar institucionin këtë të premte sëbashku me një ekip prej 12 punonjësish nga Tirana, të cilët do të ushtrojnë kontroll të të gjitha dosjeve në këtë hipotekë.
Vendimi për shkarkimin e ish-drejtorit u komunikua nga kryeministri Rama gjatë një bashkëbisedimi live me qytetarë që kishin gjetur zgjidhje në platformën e bashkëqeverisjes. Po në të njëjtën ditë, ministrja Gjonaj njoftoi zyrtarisht në një deklaratë për mediat edhe shkarkimin e dy specialistëve, duke u shprehur më tutje se do të ndërtohej nga e para e gjithë zyra vendore e Hipotekës së Durrësit.
Ardjan Iljazaj është denoncuar nga qytetari Albert Doda nga Durrësi, i cili, ndonëse ishte paraqitur më shumë se 300 herë në zyrat e Hipotekës së Durrësit për 6 vite, e ishte ankuar në portalin “Shqipëriaqëduam.al” për pamundësinë për të regjistruar pronën e tij në Hipotekë, Doda ishte pritur keq nga Iljazaj.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)