Rama: "Elhaida, ashtu siç duhet
të jetë Shqipëria para botës"
Në rrjetin social të tij, Twitter kreu i Partisë Socialiste, Edi Rama i ka dedikuar një status talentit dhe imazhit të artistes. “Elhaida është Shqipëria siç duhet të jetë në sytë e botës! Rrezatuese, tërheqëse, mbresëlënëse, modeste, këmbëngulëse. Komplimentet më të
të jetë Shqipëria para botës"">
Aspak nuk i kishte shkuar në mendje jurisë italiane dhe teleshikuesve të “RaiDue” se 19-vjeçarja shkodrane, nga Shqipëria do të ishte një e papritur kaq e madhe në edicionin e parë, të “The Voice of Italia”. Muzikanti Piero Pelu, i grupit “Litfi ba”, u shpreh se me zërin që ka kjo vajzë mund të bëjë ç’të dojë, e pyeti nëse emri i saj është Uragan dhe nuk fshehu admirimin për këtë zë të pabesueshëm. Ndërsa Raffaela Carra e cilësoi thjesht “të mrekullueshme”dhe bëri ç’është e mundur që ta bindte për ta marrë në skuadër. Elhaida, qe këngëtarja surprizë që publiku e përshëndeti me entuziazëm duke u ngritur në këmbë, do të jetë nën drejtimin e këngëtarit dhe autorit Riçardo Coçiante, pas zgjedhjes që bëri ajo vetë, ku e pret një sfidë e rëndësishme dhe jo e lehtë. Elhaida Dani me zërin potent bëri një audicion të jashtëzakonshëm duke çuar në këmbë publikun dhe 4 trajnerët.
Ajo kishte zgjedhur këngën “Mama Knoës Best” të këngëtares Jessie J, të shkruar nga Jessica Cornish dhe Ashton Thomas ku u pëlqye dhe u duartrokit gjatë. Kënga kërkonte një zë të fortë dhe me ekstension vokal dhe performanca e Elhaidës mori komplimente nga të gjithë trajnerët. Piero Pelù e pyeti nëse emri i saj ishte “uragan”, por këngëtarja u përgjigj: “Quhem Elhaida dhe vij nga Shqipëria”. Në mes të “betejës” së trajnerëve se kush ta merrte në skuadër Elhaidën, u fol për herë të parë për një candidature për fitoren e këtij programi të zhvilluar për herë të parë në Itali dhe të transmetuar në kanalin Italian ku nuk munguan dhe shprehjet , por nuk munguan dhe shprehjet: “E adhurueshme, uragan, fantastike apo shkatërruese”.
E ndërsa komentet në drejtim të së talentuarës nga Shqipëria kanë qenë të pakursyera, si nga publiku Italian ashtu dhe ai shqiptarë, ku ajo u vlerësua për perfomancën e saj, forcën e zërit, interpretimin dhe talentin e saj. Por pas një suksesi të tillë u pa se video e Elhaidës në Youtube u hoq nga qarkullimi me arsyen e të drejtës së autorit të “Rai Due”.
RAMA: ELHAIDA ËSHTË SHQIPËRIA, SIÇ DUHET TË JETË NË SYTË E BOTËSNë Tiranë gjatë këtyre ditëve është diskutuar gjerë e gjatë mbi Elhaidën dhe suksesin e saj që po ndodh në vendin fqinjë Itali. Në emisione të ndryshme, debate dhe forume është vlerësuar së tepërmi talenti dhe interpretimi i saj. Në rrjetin social të tij, Twitter kreu i Partisë Socialiste, Edi Rama i ka dedikuar një status talentit dhe imazhit të artistes. “Elhaida është Shqipëria siç duhet të jetë në sytë e botës! Rrezatuese, tërheqëse, mbresëlënëse, modeste, këmbëngulëse. Komplimentet më të pakursyer për Elhaidën”përfundon Rama. “S’je më”, është kënga që e bëri mjaft të njohur Elhaida Danin në edicionin e 9-të të Festivalit në Top Fest ku ajo ajo u vlerësua me çmim të parë në vitin 2012.
Ajo njihet si një këngëtare me talent dhe si vokaliste ku më 2009 regjistroi këngën e saj të parë, “Si asnjëherë”. Ka studiuar piano që në moshën 6-vjeçare në shkollën ‘Prenkë Jakova’ në Shkodër. Ka marrë pjesë në talent–shoë “Star Academy”, ku është shpallur fituese në vitin 2009, pastaj ka marrë pjesë në festivale ndërkombëtare në Rumani, Bullgari etj, ku është shpallur fituese e çmimit të madh. Viti 2011 ishte shumë i suksesshëm për të. Në gusht të vitit, ajo ishte një nga konkurrentët e Suncane Skale ku fitoi çmimin për artisten më të mirë të re. Në 23-24 shtator ajo ishte pjesë e Festivalit Zlaten Kesten në Petriç, Bullgari ku ajo u zgjodh Best Singer. Konkurrimi i saj në festivale filloi në RTSH-në në vitin 2011 me festivalin kombëtar shqiptar, ku kënga e saj u nderua me çmimin “Melodia më e mirë”, por 2013 mbetet bumi i saj.
Shkrimi u botua në numrin e sotëm të suplementit "THASH&THEM" të gazetës "Shqiptarja.com"Redaksia Online(xh.k/shqiptarja.com)
109/2
Sondazhi i ditës:
A jeni dakord me arrestimin e Ilir Metës?
-
Po
84.9%
-
Jo
10.3%
-
Nuk e di
4.9%
Vota total: 779
Votat totale janë unike
Lajme të tjera
-
'Si guxon një deputet dhe fsheh një njeri që akuzohet për vrasje?', Kulluri për arrestimin e Çyrbes: Gjëja më e rëndë këto 34 vite
21 Tetor, 22:16
-
Australi/ Mbreti Charles sulmohet verbalisht nga një senatore: Nuk je monarku ynë
21 Tetor, 22:10
-
Spahiu: Dosja e Metës është blinduar nga shërbimet sekrete të huaja dhe disa të penduar
21 Tetor, 22:04
-
U arrestua sot nga SPAK, i biri i dërgon Ilir Metës ndërresat dhe ujë në qeli (VIDEO)
21 Tetor, 21:47
-
Arrestimi i Ilir Metës/ Gazetarja Keti Banushi: SPAK ka marrë edhe video-përgjimin e Dritan Priftit për ryshfetin 700 mijë euro
21 Tetor, 21:42
-
Ardit Rada: Pse nuk proteston njeri sonte para burgut ku ndodhet Ilir Meta?
21 Tetor, 21:40
-
Aksioni i policisë për arrestimin e Metës, ja momenti kur agjentët e policisë ecin mbrapsht dhe bllokojnë makinën e kreut të PL (VIDEO)
21 Tetor, 21:34
-
'Një ish president nuk tërhiqet zvarrë', Mentor Kikia për arrestimin e Metës: Ishte demonstrim, u zgjodh një moment kur kishte trafik dhe njerëz
21 Tetor, 21:32
-
Spahiu: Arrestimi në rrugë ishte mesazh për çdo politikan që shantazhon drejtësinë si Meta
21 Tetor, 21:27
-
Spahiu: Meta duhej të ishte arrestuar 13 vjet më parë, por u mbrojt nga Berisha dhe Rama
21 Tetor, 21:21
-
Zgjedhjet presidenciale në Moldavi, 10 kandidatë në garë! Më 3 nëntor raundi i dytë! BE: Rusia bleu vota që të ndikojë të dyja votimet
21 Tetor, 21:15
-
Shiu ‘pushton’ Italinë, përmbytje masive në disa zona! Emilia Romagna më e prekura
21 Tetor, 21:11