Rama fton në podcast stafin mjekësor që i hoqën apendicitin, i bëjnë dhuratë çipin që tregon të gjithë operacionin

 

Këtë herë, në podcast-in ‘Flasim’ kryeministri Edi Rama ftoi stafin mjekësor të QSUT-së, që mori pjesë në operimin e tij për heqjen e apendicitit. Që në nnisje, shefi i Shërbimit të Kirurgjisë, Arben Gjata i bëri dhuratë një çip që është video e gjithë operacionit që është bërë.

Gjata: Në fakt unë para se të filloja, do doja t’ju bëja një dhuratë që është një çip që është video e gjithë operacionit që është bërë.

LEXO EDHE:
Dritan Hila: Pse Micotaqis duhet ta pranojë dorën e shtrirë të Ramës!

Rama: Me thënë të drejtën unë pashë vetëm një moment vetëm nga skaneri se mua më pëlqejnë shumë skanerat, se janë si vepër arti, por kur më thatë se ky këtu është apendisiti, m’u duk një gjë aq e shëmtuar.

Gjata: Kjo është edhe më e bukur sesa skaneri kështu që..

Rama: Është edhe më i shëmtuar këtu se është më i..

Gjata: Është i edituar këtu po në fakt  është standard, nuk është se u bë ndonjë privilegj. Standard është.

Rama: Pse, gjithmonë ka 3 mjekë, 3 kirugë?

Gjata: Përgjithësisht janë 3 kirurgë dhe 2 anestezist në operacione, sidomos në operacionet e shkallës së mesme e të lartë të vështirësisë, në apendicit mund të jenë edhe 2 anestezistë e 2 kirurgë. Duke qene se kjo ishte me laparoskopi, ne menduam që të ishim me 3 kirurgë dhe 2 anestezistë dhe jemi brenda standardeve. Nuk kemi bërë asnjë gjë të veçantë. Faktikisht ekipi ishte i përzgjedhur, u përgatit që përpara në mënyrë që ne të kishim mundësinë që t’u ofronim ndihmën më të mirë të mundshme dhe asistencën mjekësore më të mirë të mundshme.

Lajmi kryesor:

Heqja e apendicitit, Ramën e operoi ish-ministri i 'Qeverisë teknike', përfaqësues i PD! Kryeministri: Më tha shefja e kabinetit që je profesionist i hajrit

A.M./Shqiptarja.com

TAG:
• QSUT
• edi rama