POP 5

Lajmet më të lexuara të 5 minutave të fundit

Politikë

Rama goditje protestës kundër teatrit të ri përmes fjalëve të aktores ish-deputete të PD-së

Shefi i mazhorancës nga ana e tij thotë se protestuesit janë një minorancë e zhurmshme siç ai shprehet që nuk shprehin opinionin e shumicës. 

TIRANE - Kryeministri Edi Rama ka bërë reagimin e tretë brenda ditës në lidhje me protestën politike të artistëve mbështetur nga PD dhe LSI kundër ndërtimit të Teatrit të ri Kombëtar mbi rrënojat e të vjetrit. Kreu i qeverisë përmes një postimi në Facebook, sjell në vëmendje një deklaratë të aktores së mirënjohur Rajmonda Bulku, njëherazi ish-deputete e Partisë Demokratike, e cila thotë se nuk ka asnjë dyshim që godina e teatrit duhet shembur. Ajo flet për kushtet mizerabël me të cilat përballen aktorët.

Shefi i mazhorancës nga ana e tij thotë se protestuesit janë një minorancë e zhurmshme siç ai shprehet që nuk shprehin opinionin e shumicës. 

Çfarë shkruan kreu i qeverisë

Minoranca e zhurmshme dhe e verbër teatralo -politike, nuk përfaqëson asfare opinionin e shumicës së komunitetit të artistëve të skenës, për projektin e Teatrit Kombëtar!

Ja çfarë mendon një aktore e njohur e skenës kombëtare, e cila jo vetëm s’ka asnjë lidhje me këtë shumicë qeverisëse, po ka qenë aktive si qytetare qysh në kohën e ndryshimeve historike dhe më pas edhe si deputete, në radhët e Partisë Demokratike:

RAIMONDA BULKU

Aty duhet të ketë një teatër shumë të mirë, ç’më duhet mua se çfarë ndërtohet anës teatrit, apo mbi teatër. Në qiell le të ndërtohet, s’kam ndonjë gjë; unë dua të ndërtohet një teatër. Nuk ka rëndësi fare se çfarë. Godina e teatrit duhet shembur, pa dyshim. Ne po përjetojmë kushte mizerabël. Unë nuk e di se si punojmë aty, është turp të punosh aty. Tani që u gjet Turbina, shumë mirë, ajo sallë është për atë zonë, atë lagje dhe si ajo duhet të ndërtohet edhe një në Kombinat, edhe një në Laprakë, që padyshim është një lagje afër Tiranës. Unë do të dëshiroja që të ngrihet një Teatër i ri Kombëtar, me parametra të tjerë.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i rëndë në Korçë – Pogradec/ Përplasen dy makina, një i vdekur

Aksident i rëndë në Korçë – Pogradec/ Përplasen dy makina, një i vdekur

8 Janar, 23:55