TIRANË- Artistët dhe Aleanca për Mbrojtjen e Teatrit kanë dalë në protestë ditën e sotme kundër shembjes së godinës. Protesta ka nisur rreth orës 8:30 të kësaj të mërkure dhe ka vijuar deri në mbrëmje (vijon ende).Në mbështetje të tyre u bashkuan edhe përfaqësues të opozitës, ish-deputetë të LSI-së dhe PD-së mes tyre dhe kryedemokrati Lulzim Basha. Ky i fundit, qëndoi rreth një orë në mesditë, e ndërsa u rikthye në mbrëmje ku dhe mbajti një fjalim...i cili ishte i ngjashëm me atë që kryedemokrati ka mbajtur në mbyllje të protestave të opozitës.
Fatkeqësisht kjo protestë nuk ka qenë krejtësisht qytetare apo vetëm e artistëve, por ka marrë ngjyrime politike. Detaje nga ajo çfarë ndodhi ditën e sotme, ishin një pamje pak a shumë e ngjashme me atë që është parë në protestat e opozitës, si këndimi i himnit kombëtar, thirrjet e protestuesve "Rama ik", apo kërkesa e tyre për rrëzimin e kësaj qeverie.
VIDEO-Çfarë ndodhi pasdite te TK
Protesta ka pasur dy momente kulminante! Në mesditë, ku u futën me forcë në ambientet e godinës protestuesit, mbështetësit dhe Basha, duke u ngujuar aty për disa orë, edhe pse u shkëput energjia elektrike, e ndërsa nuk kanë munguar tensionet ku turma u konfrontua me policinë, madje ndaj tyre u hodh edhe shishe plastike. Momenti i dytë ishte në mbrëmje, ku protestuesit çanë gardhin metalik, e për pasojë policia hodhi spraj djegës për të qetësuar turmës. Pas 12 orësh, efektivët si dhe FNSH janë tërhequr, duke lënë protestuesit të futen në oborrin e brendshëm të Teatrit.
Nisur nga ajo çfarë Basha, protesta do të vijojë edhe ditën e nesërme ku në orën 11:30 do të nënshkruhet marrëveshja mes opozitës dhe Aleancës për Mbrojtjen e Teatrin.
VIDEO-Çfarë ndodhi paradite te TK
I pranishëm në protestën e Opozitës dhe disa artistëve nuk mungonte as simpatizanti më i flaktë, ish-bodyguard i Sali Berishës, Sali Lushaj.
Lushaj është dhe babai i reperit të njohur me nofkën ‘Stresi’ (Arkimed Lushaj)
Kreu i PD-së Lulzim Basha ka qenë i pranishëm këtë mbrëmje në protestën e artistëve. Në fjalën e tij, Basha përsëriti fjalimin që ai ka mbajtur edhe në fund të protestave të opozitës, teksa njoftoi se nesër në orën 11:30 opozita do të nënshkruajnë marrëveshjen me Aleancën për Mbrojtjen e Teatrit.
"Miqtë e mi, e kuptoj çlirimin dhe gëzimin e shumë prej jush dhe është plotësisht i përligjur për shumë prej jush që e nisët rezistencën që në orët e para të mëngjesit dhe nuk i jeni ndarë asnjë çast mbështetjes për artistët. Kemi parë sot brutalitetin e një shteti mafioz dhe kriminal në shërbim të një hajduti psikik, që për të vjedhur dhjetëra millionë euro dhe për të pastruar paratë e drogës, do që të shkatërrojë gjithçka. Do që të shkatërrojë edhe këtë truall fisnik, këtë godinë që është më shumë se shtëpia e Teatrit Kombëtar, është kujtesë e trashëgimisë kulturore dhe është tregues i qytetarisë së Tiranës dhe të gjithë Shqipërisë. Duke filluar me të nesërmen, ku kërkoj nga të gjithë qytetarët e Tiranës, nga të gjithë mbështetësit e Aleancës për Teatrin dhem natyrisht, nga mbështetsit tanë, të Pd, të opozitës së bashkuar, të jemi të gjithë këtu, sepse, brenda kësaj godine do të nënshkruajmë Marrëveshjen me Aleancën për Teatrin, marrëveshjen për Teatrin Kombëtar, për kulturën kombëtare, e cila që do të bëhet realitet ditën e parë që vendi do të ketë një qeveri nga njerëzit, të njerëzve dhe për njerëzit. Edhe njëherë, mirënjohje për qendresën tuaj. Nesër në orën 11.30 do të bëhet nënshkrimi këtu. Të jemi të gjithë bashkë këtu, të tregojmë forcën tonë, fuqinë tonë, fuqinë e qytetarëve të bashkuar për Liri, Demokraci dhe vlera europiane", tha Basha.
Mbërrin në ambientet e Teatrit Kombëtare, kreu i PD-së Lulzim Basha. Basha ka paralajmëruar se do mbërrinte në orën 22:00, por është vonuar me rreth 30 minuta.
Regjisori Edmond Budina, pas tërheqjes së policisë dhe FNSH nga Teatri, u shpreh se protestuesit do të vijojnë të qëndrojnë aty derisa kjo qeveri të rrëzohet dhe të rikonstruktohet teatri, e jo të shembet. Ai ka falenderuar protestuesit, teksa ka paralajmëruar se nuk do të tërhiqet.
"Politikanët shkojnë e vijnë, qytetarët mbeten. Në duhet ta drejtojmë demokracinë. Këtej e tutje mos na lini vetëm. Prej një viti e gjysmë që jemi natë për natë dhe kemi 5 netë që po e gdhijmë këtu. Ju falenderoj me shpirt që jeni këtu. Ne do të jemi këtu deri në fund, derisa sa të bjerë kjo qeveri dhe të rikonstruktohet ky teatër. Ne nuk tërhiqemi", u shpreh Budina.
Policia është tërhequr duke lejuar të gjithë protestuesit të futen brenda Teatrit. Mësohet se edhe Forcat e Ndërhyrjes së Shpejt (FNSH) janë larguar.
Julian Dedaj dhe Gent Zenelaj, dy ish-shokë të ngushtë janë bërë bashkë në protestën e artistëve kundër shembjes së Teatrit Kombëtar. Dyshja nuk ka folur prej kohësh dhe kjo është konfirmuar edhe nga Zenelaj, i cili tha se marrëdhënia e tyre shoqërore ka pësuar një krisje, për motive që nuk i bëri të ditura. Por sot ato janë parë bashkë me njëri-tjetrin në protestën e artistëve.
Situata te Teatri sërish është tensionuar! Protestuesit kanë çarë gardhin metalik dhe kanë shtyrë forcat e policisë me qëllimin për t'u futur në oborrin e Teatrit. Si pasojë e shtyrjes, disa protestues janë rrëzuar. Gazetarja e Report Tv, Xhensila Kodra raporton se për të qetësuar turmën, policia ka hedhur sprajt djegës. Si pasojë e sprajtit djegës, një nga qytetarët është ndjerë keq dhe ka humbur ndjenjat, por mësohet se tashmë gjendja e tij është më e mirë.
Protesta te Teatri Kombëtar ka sjellë edhe përplasje mes protestuesve me njëri-tjetrin. Teksa në sfond dëgjoheshin thirrje me mikrofon që të shtynin kordonin e policisë, dy protestues janë shtyrë me njëri-tjetrin në sy të sekretarit të Përgjithshëm të PD-së, Gazment Bardhit. Ai u ka bërë thirrje për t'u qetësuar, e ndërsa në video shihet aktori Vasjan Lami teksa i thotë qytetarit "nuk është polic".
Shkrimtari Rudi Erebara u shpreh se aleanca për teatrin ka mbështetjen e opozitës dhe tani janë bashkuar në një. "I kërkova llogari opozitës, që cdo emër që është këtu dhe i njohim do ta shohim sapo të marrim pushtetin. Ne jemi bashkuar me opozitën, opozita është bashkuar me ne" tha ai.
Aktori Nertian Liçaj u bëri thirrje qytetarëve për mbështetje për të çarë sikur tha ai rrethimin e policisë para teatrit, ndërsa kishte edhe një mesazh për kryeministrin Edi Rama duke i dërguar që cështja të shkojë në referendum për të vendosur.
"Ju lutemi qytetarëve për mbështetje për të çarë rrethimin e policisë. Kemi edhe një mesazh për kryeministrin; Nuk mund të sulmosh artistët, kulturën me dhunë. Nëse mendon se ne jemi pakicë le të përballemi në referendum. Jemi të vendosur që të mos lejojmë qeverinë për shembjen e teatrit". Ne momentin qe po fliste Liçaj rifilluan tensionet, ndërsa aktori u shpreh "Nuk trembemi, plasi...le të plasë" tha ai.
Teksa aktori Neritan Liçaj po mbante një deklaratë, një numër i caktuar qytetarësh kanë tentuar që të çajnë kordonin e Policisë. Fjalimi i tij është shoqëruar me tensione, ku protestues janë konfrontuar me policinë, madje kanë goditur këta të fundit edhe me shishe plastike.
Para godinës së Teatrit Kombëtar sot nuk ka pasur vetëm momente tensioni dhe shtyrje mes efektivëve të policisë dhe një grupi aktorësh e aktivistësh. Pas tensioneve në orët e paradites, aktivistët pasdite duket se kanë ndryshuar strategji, teksa një qytetare u ka ofruar biskota efektivëve. Report Tv sjell pamjet, teksa vetëm disa prej tyre i kanë pranuar, ndërsa qytetarja u është drejtuar duke u thënë se 'merre se nuk të mbyt, unë jam për teatrin'.
Policia ka tentuar të mbyllë dhe të nxjerrë nga lokali pronarët e lokalit pranë Teatrit Kombëtar, për shkak të urdhrit për shembjen e tij. Megjithatë, kjo ka hasur kundërshtimin nga ana e pronarit të këtij lokalit dhe një grup protestuesish që i kërkojnë djaloshit të mos lërë ambientet.
Forcat policore janë shtuar tek Teatri Kombëtar. Që prej mëngjesit të sotëm, artistët kanë vijuar ditën e sotme qëndresën në ambientet e teatrit kombëtar. Pranë tyre janë parë edhe militantë të PD-së dhe të LSI-së. Nuk kanë munguar edhe tensionet.
Ish-deputeti i LSI-së, Endri Braimllari ka qenë i pranishëm në ambientet e Teatrit Kombëtar, në mbështetje të artistëve. Në një reagim për mediat, ish-deputeti shkruan se Rama për interesat klienteliste po shkatërron kulturën dhe artin.
"Qytetaret po përballen me një bandë qeveritare që për interesat klienteliste të Edi Ramës po shkatërron kulturën dhe artin në vend. Teatri është pronë Kombëtare nuk mundet një hajdut dhe bandit si Edi Rama ta shemb atë për të ndërtuar kulla klienteliste", shkruan Braimllari.
Regjisori Edmond Budina ka deklaruar sot jashtë ambienteve të jashtme të Teatrit Kombëtar pas tensioneve ku artistët u shtynë me forcat e policisë. Budina tha se kjo që ndodhi sot nuk ka ndodhur as në kohën e diktaturës.
"Kjo ditë është e dhimbshme. Të dëgjosh ose të shikosh atë që ka ndodhur, nuk më ka ndodhur as në kohën e Ramiz Alisë. Policia e diktaturës nuk më ka tërhequr zvarrë si më kanë tërhequr sot", tha Edmond Budina.
Çështja e Teatrit Kombëtar ka marrë tërësisht nota politike pasi në krye të saj janë vendosur eksponentë të Partisë Demokratike. Bashkë me kreun demokrat, që në orët e para të mëngjesit tek Teatri Kombëtar kanë shkuar pothuajse të gjithë eksponentë të PD, si Albana Vokshi, Agron Shehaj, Edmond Spaho, Edi Paloka, Gazmend Bardhi etj. Në protestën e sotme ra në sy edhe ish-kryebashkiakja e Shkodrës Voltana Ademi, ndërkohë që të pranishëm ishin edhe Kastriot Çipi, Robert Budina, Jul Deda që janë anëtarë të Partisë Demokratike.
Ndërkaq sekretari organizativ i PD, Sait Dollapi po organizon gjithë degët e Tiranës të shkojnë me urgjencë para godinës së Teatrit. Ndërkaq, edhe LSI ka dërguar njerëzit e saj, ndërsa me organizimin po merret Petrit Vasili. Në mungesë të përkrahjes së artistëve të cilët janë shprehur në favor të nismës për t’i dhënë qytetit por edhe spektatorëve artdashës një teatër të ri modern, PD ka zgjedhur strategjinë që të organizojë simpatizantët e sj duke kryer turne me rotacion për ta mbajtur si kauzë pas dështimit në zgjedhjet 30 qershorit.
Çështja e Teatrit Kombëtar ka marrë tërësisht nota politike pasi në krye të saj janë vendosur eksponentë të Partisë Demokratike. Bashkë me kreun demokrat, që në orët e para të mëngjesit tek Teatri Kombëtar kanë shkuar pothuajse të gjithë eksponentë të PD, si Albana Vokshi, Agron Shehaj, Edmond Spaho, Edi Paloka, Gazmend Bardhi etj. Në protestën e sotme ra në sy edhe ish-kryebashkiakja e Shkodrës Voltana Ademi, ndërkohë që të pranishëm ishin edhe Kastriot Çipi, Robert Budina, Jul Deda që janë anëtarë të Partisë Demokratike.
Ndërkaq sekretari organizativ i PD, Sait Dollapi po organizon gjithë degët e Tiranës të shkojnë me urgjencë para godinës së Teatrit. Ndërkaq, edhe LSI ka dërguar njerëzit e saj, ndërsa me organizimin po merret Petrit Vasili. Në mungesë të përkrahjes së artistëve të cilët janë shprehur në favor të nismës për t’i dhënë qytetit por edhe spektatorëve artdashës një teatër të ri modern, PD ka zgjedhur strategjinë që të organizojë simpatizantët e sj duke kryer turne me rotacion për ta mbajtur si kauzë pas dështimit në zgjedhjet 30 qershorit.
Është ndërprerë furnizimi me energji elektrike në Teatrin Kombëtar. Artistët vijojnë të qëndrojnë në errësirë në ambinetet e brendshme të tij.
Teksa aktivistë të djathtë dhe artistë vijojnë qëndresën tek Teatri Kombëtar, një person ende i paidentifikuar ka hedhur disa kapsollë i cili ka shkaktuar një zhurmë të madhe në zonë, në pishinën pranë godinës së Teatrit.
Kryedemokrati Lulzim Basha është larguar nga Teatri Kombëtar. Ai është shprehur se nesër do të firmoset marrëveshja me Teatrin Kombëtar. Basha shpjegoi se po largohet me një drekë me diplomatët pavarësisht se ishte shprehur se do të qëndronte deri në fund me artistët.
"Nesër firmoset marrëveshja mes PD dhe Teatrit Kombëtar.Po largohem se kam një takim me kryetarët e bashkive dhe një drekë me diplomatët. Mbështetja jonë do të vazhdojë", tha Basha.
Pas nismës së socialistëve për shkarkimin e tij nga postin në Bankën e Shqipërisë, Arben Malaj iu bashkua protestës para Teatrit Kombetar.
Ai ftoi socialistët e vjetër Pandeli Majko dhe Erjon Braçe të zgjidhin situatën. Ashtu si Basha, edhe Malaj i kërkoi ministrisë së Kulturës që të tërheqë policët.
”Të dashur protestues, të dashur police, kam ardhur këtu me mesazhin e Nënë Terezës, e cila thotë: “Në vend që të mallkoni errësirën, ndizni një qiri’. Ministria e Kulturës të heqë sa më parë policët nga rrethimi i institucionit. E dyta Ministri Pandeli Majko dhe socialisti shumë i mirë Erjon Brace të kërkojë një vendim qarkullues qe per te gjithe periudhen derisa te kete kontrate per fillim punimesh të bllokohet rrethimi nga policia dhe të bllokohet aktiviteti në Teatrin Kombëtar. Pra te dy palet te gjejne nje pozicion qetesimi.
Kjo mund te behet me akt normativ qarkullues. Nëse Majko e Brace e duan këtë vend ai bëhet gati për 20 minuta. Kjo i jep mundësi policisë të luftojnë kundra krimit dhe artistëve të vendit tim të pushojnë si gjithë shqiptarët.Nëse qeveria nuk e bën këtë gjë është në detyrimin moral të Gramoz Ruçit të mbledhë. Nëse qeveria nuk bën vendim qarkullues që të bllokojë deri ditën e fillimit të punimeve, që mund të jetë dy vite, mos prekjen e teatrit dhe dhënien e qetësisë vendit tim i takon kuvendit. I takon Gramoz Rucit të mbledhë deputetet qe janë me pushim dhe të marrë një ligj vetëm me një paragraf.
Ndalohet nderhyrja tek Teatri dhe ndalohen aktivitetet ne TK. Pas kësaj të gjithë së bashku të bëjmë maksimumin për zgjidhjen më të mirë që mbron pasurite tona”, shprehet Malaj
Jo vetëm PD. Edhe ish-deputetë të LSI kanë shkuar ditën e sotme tek ambientet e Teatrit Kombëtar, në mbështetje të artistëve që kërkojnë mos shembjen e tij. Të pranishëm kanë qenë ish-deputetët Endrit Braimllari, Floida Kërpaçi dhe Petrit Vasili.
Aktori i mirënjohur Neritan Liçaj është përlotur paraditen e sotme ndërkohë që qëndronte përballë godinës së Teatrit Kombëtar i cili sot është rrethuar nga forca të shumta policie. Ai ka mbajtur në dorë edhe një letër ku shkruan 'Unë jam teatri'.
Pasi janë futur në ambientet e brendshme të Teatrit Kombëtar, kryedemokrati Lulzim Basha bashkë me ish-deputetët demokratë janë ulur në vendin e spektatorëve ku disa artistë kanë mbajtur edhe fjalën e tyre të shoqëruar me duartrokitje nga të pranishmit në sallë... por jo nga Lulzim Basha. Ky i fundit është parë gjatë gjithë kohës me celular në dorë, pa vëmendje tek artistët.
Gjatë momentit kur demokratët bashkë me disa aktivistë janë futur në ambientet e brendshme të Tetarit Kombëtar, një person ka humbur ekuilibrin duke rënë në pishinën që ndodhet pranë godinës. Ai ka qëndruar për disa momente pa ndjenja por më pas është përmendur. Ambulanca ka mbërritur në vendngjarje duke i dhënë edhe ndihmën e parë mjekësore.
Aktivistë të PD me në krye liderin demokrat Lulzim Basha kanë hyrë në ambientet e brendshme të Teatrit Kombëtar duke kundërshtuar forcat e policisë. Ish-deputetët demokratë janë parë pranë artistëve ndërkohë që kryedemokrati kka qëndrur më i tërhequr me komunikime të vazhdueshme përmes celularit të tij
Basha ka postuar edhe foto nga ambientet e brendshme të teatrit në faqen e tij zyrtare. "Brenda Teatrit Kombetar ku Banda e Edi Ramës kishte nisur cmontimin. Aleanca per Teatrin dhe qytetaret i larguan dhe u futen brenda. Krenar per forcen e qytetareve te bashkuar!", shkruan Basha.
Presidenti Ilir Meta ka reaguar lidhur me rrethimin e godinës së Teatrit Kombëtar nga forcat e policisë për të shmangur konfrontimet e provokuara nga aktivistë të PD. Meta i bën thirrje policisë që të respektojë artistët.
"Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.
I bëj thirrje Policisë së Shtetit të respektojë artistët dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.
As sampistët e Ramiz Alisë nuk e kanë prekur me dorë Edmond Budinën në dhjetor '90!
Shumë turp! Shumë turp! Shumë turp!",shkruan Meta.
Kryedemokrati Lulzim Basha ka mbërritur pranë Teatrit Kombëtar ku aktivistë dhe drejtues të tjerë të PD vijojnë të shtyhen me policinë duke tentuar edhe të futen në ambientet e brendshme të tij. Basha është shoqëruar edhe nga sekretari i Përgjithshëm i PD, Gazment Bardhi, dhe ish-deputetët Ervin Salianji, Albana Vokshi, Klevis Balliu.
Basha u shpreh se qeveria po paston paratë e drogës me Teatrin Kombëtar. Ai tha se PD do vijojë të mbështesë aksionin e Aleancës për Teatrin për të mbrojtur godinën.
"Me teatrin po pastrohen paratë e drogës. Para çdo shqiptari duket se nuk kemi qeveri por një bandë. Duhet të bëhemi gati për t'i dhënë një përgjigje ashtu si më 30 qershor. Aleanca për Teatrin ka përcaktuar të gjithë aksionin këtu. ne do jemi këtu për ta mbështetur", tha Basha.
Janë shënuar disa incidente përpara Teatrit Kombëtar ku disa aktivistë vijojnë qëndresën prej disa ditësh. Disa prej tyre janë shtyrë me policinë. Ndërsa për një moment kanë arritur të hapin edhe derën e teatrit. Forcat e shumta të policisë janë përpjekur të neutralizojnë situatën. Gjatë shtyrjeve me policinë i pranishëm ka qenë edhe regjisori Edmond Budina.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Sondazhi i Report Tv/ PS merr 9 mandate dhe PD me 5 deputetë në Qarkun e Elbasanit
20 Nëntor, 21:11
Teatri do behet doni apo zdoni po PD dhe LSI e kane bere tem pune cdo gje do behet me protesta me te plagosur ashtu si ka ndodhur ne shum raste si tek liqeni artificial e shum vende te tjera po kto jan deme qe na vin ne qytetareve jo shpellareve te Lulit e atyre aktoreve qe rrin vetem tallavave
PërgjigjuTe ngujohet dhe luli atje mbase i vine mente
PërgjigjuSHKO O LULASH NESER ASNJE POLIC NUK DO GJESH ATY IK RRINI PIQUNI CA NE DJELL E NE FUND KENDONI ATE KENGEN QE TI JA MERR MIRE
PërgjigjuOrganizatoret e protestes sot jane b**h q**et e PDse&LSIse.jo populli se popullit nuk ja ndin fare te bohet a mos te bohet Teatri.
PërgjigjuNe shqipnin u shkatrruan uzine e fabrika ushtrija pyje toka dhe nuk protestoj kush. Kurse sote merren me nje nertes pa stadar per kohen.
PërgjigjuO edmond budina në kohën e diktaturës nuk të tërhiqte ty njeri zvar se ti dhe vllezërit e tu i lëpinit bythën diktaturës. E vllai jot gjergjbudina ishte komonist një njeri i pështir e servil ordiner. E sot ju u bët demokrat. Pik e zez me kta tipa ordiner langaraq.
PërgjigjuEmigranti stupid from USA Ne Porto Rico nuk ishte k/ministri per guvernatori .Lulushi shikon tek teatri shpetimin e fundit qe do te jape llogari tek Vetting Drejtesi and SPAK .Lere ate bastard te beje ca Show ,dhe me vone do te ngujohet per Jete
PërgjigjuPA HUMBUR KOHE DUHETTE FILLOJE PROTESTA E MADHE NE MBESHTETJE TE ARTISTEVE DHE NDALIMIN E PRISHJES SE TEATRIT
Përgjigjune cfare ore do behet kjo protesta e madhe per ata artist qe na hiqen si artist dhe qe e kane bere si hale ate teater,??/buke te marrim me vehte?sa analfabet ka kjo dynja edhe matan oqeaneve.
Me Bashen shokun tuaj meruni ju o bandite o kriminele. Me ate meruni dhe bejani koken dhalle popullit dele qe ju ndjek akoma. Do perfundoni ne burg nje w nga nje moa keni merak po ju vjen ora e minuta. Asgje sdo gezoni dot cfare keni grabitur e po vazhdoni deri ne minuten e fundit!
PërgjigjuMe bllok ne fore qan hallin e artisteve panxhar Meta
PërgjigjuNE PORTÒ RIKO KRYEMINISTRI SAPO DHA DORHEQJE NGA PROTESTAT E POPULLIT O BURRA EDHE KETU NE SHQIPERI DUHEN PROTESTA TE FUQISHME PER RREZIMIN E DIKTATORIT LE TE SHERBEJE SHKENDIJA E TEATRIT KOMBETARE PER FILLIMIN E PROTESTES MBARE KOMBETARE PER RUAJTJEN E DEMOKRACISE
PërgjigjuRri ne amerike ti dhe fol... Ben mire te shohesh punen tende se me politike ka kush merret ketu
I kemi pare keto skena te te gjitha punet e mira qe jane bere ne kete vend e te cilat 99% e shqiptareve i duan te bera, keshtu te Sheshi, te Pazari, te Parku, te Unaza, te Teatri. Shteti ka ligje dhe organe qe vendosin, organe te cilat mbajne tere pergjegjesine per vendimet qe marrin. Neser PD, kur te vije ne pushtet, ne se i gjen ne shkelje keto vendime, le ti denoncoje pergjegjesit. Por keshtu , jo. Nuk eshte e drejte qe policia te merret me keto grupime te paligjeshme dhe te braktisi rendin dhe qytetaret qe kane nevoje per sherbimet e saj ne keto dite vere shume te ngarkuara.
PërgjigjuNe rastin me te mire je kelluf... ne rastin me te keq sherbetor gjakprishur...yyyytttt
Jane mbledhur ne proteste gjithe ata qe nuk e kane pare ndonjehere deren e teatrit
PërgjigjuZvarranike mbeten keta te PD-se gjithe jeten,njerez pa ide pa vizion,vetem tek sherri e tek guret jane faqezinjte,asgje me shume nuk dine te vjedhin e te vrasin.
PërgjigjuLukunia e ujqeve ne lufte me shtetin.Luli po kerkon nje kauze tjeter me shpresen qe ti shpetoje burgut.
PërgjigjuKy zhulshi Neritan Licaj te shkoje te lahet se qelbet.... Budina dihet qe eshte plere nuk ju realizua te behej drejtor teatri dhe tani ben sikur eshte artist i madh.... Shko ne Itali te gruaja se po ja punojne " bacen " komshinjte....
PërgjigjuKapeni per zhelesh dhe plasini Brenda me gjithe shalngjiturin bashke me Julian malokun
PërgjigjuU bot bajat rrini ter diten ku te gjeni nje kauz dhe turruni te gjith atje...ose kshu behet opozit kauzat jan aty nuk presin qe ti ngrini na hici..gjeni me ca te merreni o njerez justifikoni rrogen qe merrni..njerez parazita..me shendet nga njerezit qe merren me pun e jo llafe..
PërgjigjuFilluan si me parkun te Liqeni kur thonin do bëhen kulla tëlarta dhe në fund kur u bë Park lojërash për fëmijë nuk gjetën as kurajon për. Të thënë na falni. O të Mjerrë që nuk dini ku të kapeni qqë vetëm e vetëm të bëni rrëmuja për interesat tuaja të dhjera.
PërgjigjuZ. Basha, ne rast se ju keni informacione per larje parash ne kete projekt, ju lutem ti dorezoni keto ne prokurori.
Përgjigjupo komandanti i naziskineve te Mamurrasit kryegangsteri i pd-lesheli Flamur Herman Geringu a ndodhet i pranishem aty? Se ai eshte per situata te tilla, sidomos kur ndodhet afer bunkereve ka shume qejf tu vere zjarrin dhe te zgerdhihet nga larg me dy gishtat lart taman si naziskin apo si oficer gestapo....
PërgjigjuFlamur Noka vellai magjarit gigure hostprike
ca materialesh?? hahah
Përgjigju