Rama inspekton punimet e Lungomares në Vlorë, s’komenton vendimet e GJKKO për Sali Berishën dhe dhëndrin e tij

Dhërmiu është ndalesa e radhës e kryeministrit Rama gjatë inspektimit të sotëm në terren.

Aktualisht dhe në vijim, në të gjithë bregdetin e kësaj zone do të ndërmerren masa të domosdoshme për parapërgatitjen e sezonit të ardhshëm turistik, duke filluar nga sistemimi e pastrimi i hapësirave për të ruajtur estetikën e vijës së bregdetit, në mënyrë që të jetë destinacioni i padiskutueshëm i pushuesve në një tjetër vit të suksesshëm për industrinë e turizmit në vend.

“Praktikisht sado që është ndërtuar, prapë është i gjithi brezi në rikualifikim. Ne mund të bëjmë një projekt rikualifikimi të ndarjes së hapësirave private me gjithë pjesën publike. Mund të konceptojmë 2-3 modele që të jenë të harmonizuara dhe nëpërmjet bashkisë  ju jepet pronarëve që t’i ribëjnë me 2-3 modele që janë të miratuara.”- u shpreh Ministrja e Turizmit dhe Mjedisit Mirela Kumbaro, gjatë inspektimit.

Ndërsa, Kryeministri Rama theksoi se në sezonin e ardhshëm turistik gjithçka duhet të jetë e kompletuar nga pikëpamja e infrastrukturës.

Kryemistri Edi Rama ishte sot në Vlorë për të inspektuar punimet e Lungomares 3.

Rama bëri dhe një batutë me gazetarët për vlonjatët

Pjesa e tretë të Lungomares wshtw nga Tuneli i Ujit të Ftohtë në Vlorë e deri në Orikum. Punimet pritet të përfundojnë në prill të 2024-ës, ndërsa projekti kap vlerën e 15 milionë euro me bashkëfinancim të qeverisë saudite.

"S’më ndahet Vlora mua. Vazhdojnë punët. Do ta çojmë Lungomaren deri në fund të botës. Dmth një vlonjat kur të niset po të dojë mund të shkojë deri në fund të botës" tha Rama.

Rama kërkoi që projekti të mbyllet para pranverës 2024.