POP 5

Lajmet më të lexuara të 5 minutave të fundit

Politikë

Rama: Interesat e Berishës po
sakrifikojnë Parkun e Liqenit

Kryesocialisti Edi Rama denoncoi sot publikisht shkatërrimin e Parkut të Liqenit pranë Rrugës së Elbasanit për “interesa klienteliste” të mazhorancës. Sipas tij, ajo që po ndodh me këtë park është “përgjegjësi jo vetëm e Bashkisë së Tiranës por edhe e Qeverisë së vendit”, tha Rama ndërsa cilësoi prerjen e pemëve për zgjerimin e rrugës si diçka dramatike.
Rama: Interesat e Berishës po <br />sakrifikojnë Parkun e Liqenit
TIRANE – Kryesocialisti Edi Rama denoncoi sot publikisht shkatërrimin e Parkut të Liqenit pranë Rrugës së Elbasanit për “interesa klienteliste” të mazhorancës. Sipas tij, ajo që po ndodh me këtë park është “përgjegjësi jo vetëm e Bashkisë së Tiranës por edhe e Qeverisë së vendit”, tha Rama ndërsa cilësoi prerjen e pemëve për zgjerimin e rrugës si diçka dramatike.

“Autorët e kësaj masakre janë të vetëdijshëm për interesa të mirëfillta klienteliste dhe të errëta”, tha Rama, ndërsa shtoi se “ajo që po ndodh është e gjitha pjesë e një vizioni që po cenon të gjithë zonën e mbrojtur” te Liqeni.

Sipas tij, zgjerimi i Rrugës së Elbasanit “po përdoret si alibi për t’i hapur rrugën pushtetit të sotëm të Kryeministrit. Projekti është vënë në rrugën e realizimit pa përfunduar procedurat ligjore, pa marrë parasysh dëmin e pallogaritshëm që i bën jo vetëm sot por edhe nesër parkut kombëtar si një virus që rrezikon të përhapet më tej në park, duke e dëmtuar dhe ngushtuar këtë hapësirë kaq jetike për kryeqytetin”.

Gjatë konferencës për shtyp, Rama foli edhe prerjen e lisit 250-vjeçar te Galeria e Arteve, gjë që e cilësoi si “shprehje shembullore e një vizioni barbar që po kërcënon Tiranën dhe zhvillimin e qëndrueshëm të Tiranës.

Rama foli për një kryeqytet që ka humbur lidhjen me trashëgiminë kulturore. “Sot Tirana nuk e ka më sheshin e vet historik”, theksoi kryesocialisti.

(im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

Tensionohet protesta te Sheshi Uilson, Bledjon Nallbati kapet pas autobotit të ujit! Dhjetëra efektivë e rrethojnë, ujë dhe spraj me piper, përparon Policia

26 Nëntor, 18:25