Rama- kryebashkiakëve: Duhet të synoni që çdo bashki ta ktheni në pikë turistike

Në takimin me kryebashkiakët, kryeministri Edi Rama u tha atyre që duhet të synojnë që çdo bashki ta kthejnë në pikë turistike. Rama tha se nuk flet vetëm për ato bashki që kanë pozicion të favorshëm gjeografik.

“Çdo bashki duhet të synojë të jetë turistike. Kjo vlen jo vetëm për ata që i kanë bashkitë në brigje uji, qoftë liqen, det, as për ata që i kanë në male, por edhe për ata që i kanë në hapësirën fushore të Shqipërisë ose kodrinore. Duhet thelluar dhe duhet me e bërë me kulturën, trashëgiminë kulturore”, u shpreh Rama.  

LEXO EDHE:
VIDEO/ Meloni solidarizohet me Ramën e Shqipërinë pas emisionit 'Report' të Rai3: U linçuan se ndihmuan Italinë

Kryeministri është ndalur edhe tek sporti, ku u kërkoi kryebashkiakëve që të zhvillojnë jetën sportive në të mirë të fëmijëve.

“Pjesa e sporti, i gjithë programi i sportit duhet të përqafohet fort nga ju, duhet të bëhet një lëvizje e madhe sportive në të gjithë territorin për t’iu dhënë fëmijëve të përfshihen në një hapësirë të re. Paralelisht ka një dimension që çdo bashki duhet ti kushtojë vëmendje”, tha Rama.

Lajmi kryesor:

Rama: Gati plani për kursim, energjia me orar! Të mësojmë të jetojmë në kohë të vështira! Do ketë shkurtim punonjësish

SI.E./Shqiptarja.com

TAG:
• PS
• energjia elektrike
• kriza energjetike
• edi rama