Në vitin e ri shkollor në arsimin e ri parauniversitar do të nisë edhe Programi Kombëtar në Shkolla. 

Përmes këtij programi njoftohen se do të përfshihen 12 mijë nxënës që do të marrin pjesë në disiplina të ndryshme sportive.

Lajmi është bërë i ditur përmes një postimi në Facebook-un e Kryeministrit Rama. Në program theksohet se disiplinat do të zhvillohen në ambientet e palestrave moderne dhe në terrenet e reja sportive. 

"Programi Kombëtar i Ekipeve Sportive në Shkolla. Çdo shkollë e re në Shqipëri ofron terrene sportive dhe palestra moderne. Këto investime kanë ndikim të drejtpërdrejtë në rritjen e numrit të nxënësve që do të marrin pjesë në Program, ku vetëm këtë vit do të përfshihen rreth 12 mijë nxënës përmes disiplinave të ndryshme sportive", shkruan Rama. 

Kujtojmë se Kryeministri e ka njoftuar planin për krijimin e një Programi Kombëtar në Shkolla që në 11 Janar të vitit 2022 gjatë një aktiviteti publik në Kryeministri me Komitetin Olimpik Shqiptar.

Programi ka synimin që të identifikojë talentet e reja sportive në shkolla dhe të nxisë të rinjtë merren edhe më shumë me edukim fizik. Synimi është që të ndërtojmë skuadrat në çdo shkollë 9-vjecare, gjimnaz, universitet dhe të krijojmë edhe kompeticione sportive në nivel qarku e në nivel kombëtar.

Programi është miratuar këtë vit nga Ministria e Arsimit dhe Sportit për tu zhvilluar në të gjitha shkollat e arsimit parauniversitar.

G.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera