POP 5

Lajmet më të lexuara të 5 minutave të fundit

Politikë

Rama-Malaj, debat në
Grup PS për qarkun Fie

Grupi parlamentar i PS ka pasur debate lidhur me qarkun e Fierit e kushtëzimit që i është bërë miratimit të tre ligjeve me shumicë të cilësuar, një kërkesë e KE. Malaj e Rama kanë pasur debate, ndërsa kreu i PS ka thënë se s'do ketë miratim ligji pa Fierin.
Rama-Malaj, debat në<br />Grup PS për qarkun Fie
Mbledhja e grupit parlamentar të PS nuk ka kaluar e qetë dje pas mbylljes së dyerve për gazetarët. Që në fillim ka qënë deputeti i qarkut të Vlorës dhe anëtar i kryesisë socialiste Arben Malaj ai që i ka kërkuar kreut socialist Edi Rama që të votohen tre ligjet me shumicë të cilësuar që janë kërkesë dhe e BE për marrjen e statusit të vendit kandidat dhe të mos kushtëzohet me zgjidhjen e problemit të qarkut të Fierit.

 Kërkesë e cila ka hasur në reagimin kundër të Ramës por dhe të kreut të grupit Gramoz Ruçi, të cilët kanë kërkuar madje dhe evitimin e deklaratave lart e poshtë jashtë qëndrimit të grupit. "Mos e kushtëzoni votimin në Kuvend për ligjin për Gjykatën e lartë dhe dy ligjet e tjera me qëndrimin ndaj zgjidhjes në qarkun e Fierit. Pasi është shumë i rëndësishëm për vendin marrja e statusit për në BE", mësohet të ketë thënë deputeti Malaj dje në mbledhjen e grupit parlamentar të PS. Kërkesë e cila ka hasur në kundërshtimin e kreut të PS, që mësohet të jetë kundërpërgjigjur me deklaratën se "ne nuk mund të votojmë, kur nuk zbatohen vendimet e gjykatave dhe në rastin konkret të Gjykatës së Lartë. Madje nuk ka asnjë sinjal as nga ndërkombëtarët se na kanë keqkuptuar". Por debati ka vijuar sërish duke u përfshirë në faktin se po prishen raportet me ndërkombëtarët për një qark si Fieri. "Nuk duhet të prishim raportin e mirë që kemi me ndërkombëtarët për një qark, pasi ne do të fitojmë në zgjedhjet e vitit 2013", mësohet të ketë thënë Malaj. Duke hasur sërish në reagimin e Ramës, që ka përmendur qëndrimin e grupit për të vijuar në këtë linjë. "Nuk ka asnjë qëndrim grupi për këtë punë dhe nuk janë dakort që të hiqet ky kusht", mësohet të ketë thënë Rama. I cili është pasuar dhe nga ndërhyrja e kreut të grupit të PS, Ruçi.

 "Ne nuk kemi marrë asnjë vendim dhe nuk duhet të japim opinione dhe jashtë mbledhjes së grupit", mësohet të ketë thënë kreu i grupit Ruçi. Ndërsa është vendosur për deputetët që do të diskutojnë në seancën e radhës në Kuvend. Kurse në fillim të mbledhjes së grupit, kreu i PS Rama ka folur publikisht në lidhje me qëndrimin kundër votimit të ligjeve pa arritur më parë zbatimin e vendimit të Gjykatës së lartë për qarkun e Fierit.

 "Jemi gati të marrim pjesë në diskutimin për përmirësimin e drafteve ekzistuese dhe t'i votojmë këto ligje, në momentin që mandati i marrë nga zgjedhjet e majit të shkuar për administrimin e qarkut të Fierit do shkojë në duart e atyre që populli i Fierit i ka përcaktuar si administratorët e këtyre katër viteve që janë të zgjedhurit e PS e të opozitës shqiptare", tha Rama. Sipas kryesocialistit s'ka asnjë kuptim që të vazhdohet me miratim ligjesh, ndërsa zbatueshmëria e ligjit jo vetëm është në nivelin më të ulët por në rastin konkret cenon drejtpërdrejt një vendim të formës së prerë të gjykatës. Lidhur me çështjen e reformës parlamentare, Rama tha se opozita është në pritje të palës tjetër që të pranojë variantin e dakordësuar dhe me ekspertët ndërkombëtarë, duke pranuar parimin e trajtimit të barabartë të shumicës dhe të pakicës në sallën e parlamentit.
(ad.ti/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

Champions League/ Man. City lëshon tre gola epërsi, barazohet për 15 minuta! Goleada nga Leverkusen, Arsenal e Atl. Madrid! Inter i falet autogolit, Milan, Bayern e Barça tri pikë

26 Nëntor, 22:57