Rama: Mandati i dytë i PS-së më i jashtëzakonshmi në historinë e pluralizimit, jemi në ‘luftë’ duhet të fitojmë ‘betejën’ (VIDEO)

Mandati i qytë i qeverisjes së Partisë Socialiste është më i jashtëzakonshmi në historinë e pluralizmit në Shqipëri. Kështu ka deklaruar nga Fieri kreu i qeverisë i cili po zhvillon një takim me përfaqësuesit e biznesit, ku ju referuar tërmetit të 26 nëntorit dhe pandemisë globale COVID.

Rama tha se nuk jemi në një kohë normale por jemi në një luftë, dhe në këtë luftë duhet të fitojmë betejat.

‘Organizatorët u detyruan që të largojnë disa prej jush, jemi në një kohë ku duhet të bëjmë kujdes maksimal për shëndetin. Flitet sikur është një kohë normale. Ku secili do të marrë lugën me detin që do të bëhet kos. Mandati jonë i dytë një mandat i jashtëzakonshëm, më i jashtëzakonshmi në historinë e pluralizmit, dhe do jetë edhe për shumë dekada të tjera. Në një mandat qeverisësh të kesh një tërmet që na ndodhi dhe një pandemi je në kushte kur je në luftë dhe duhet të mobilizosh të gjitha forcat për tu përballur. Do të fshijmë nga faqja e dheut të gjitha gjurmët e tërmetit. Duhet të dalim sa më shpejt nga tuneli i pandemisë, dhe duhet të kujdesemi me distancim. Me lehtësimin e sezonit turistik të gjithë sipërmarrësit të fillojnë të marrin frymë më thellë në këtë periudhë të vështirë. Biznesi i vogël sot e ka taksën 0 angazhimi ynë është shumë i qartë 0 do të mbetet deri në vitin 2029. Nëse në këtë dekadë i japim të gjithë lirinë që të veprojë do të kemi një hapësirë të punësimit dhe vetpunësimit nga biznesi i vogel. Jo vetëm taksa dhe TVSH do të mbeten 0, por procesi me fiskalizimin po ecën shumë shpejt dhe nuk do të keni më asnjë lloj kontakti fizik me shtetin.’- tha Rama.

LEXO EDHE:
Studiues shqiptarë dhe të huaj kërkojnë nga qeveria të përfshijë Deltën e Lumit Vjosa në Parkun Kombëtar: Jo ndërtimeve në Zvernec!

Lajmi kryesor:

Fier/Rama me biznesin e vogël: Taksa e TVSH është zero për ju deri në 2029! S'ka logjikë pse më keni mua inat të paguash 9 % taksë të sheshtë që Luli të flejë në Kryeministri

M.Q./b.ha./Shqiptarja.com

TAG:
• edi rama
• PS
• Fier
• biznesi i vogel
• fushata elektorale
• zgjedhjet parlamentare 2021