POP 5

Lajmet më të lexuara të 5 minutave të fundit

Politikë

Rama: Mashtrimi me turizmin
minus 140 mln Euro nga 2009

Edi Rama citon Bankën e Shqipërisë: nga 2009 rënia e të ardhurave nga turizmi është 140 milionë Euro. Sipas Kryeministrit – shkruan Rama në Twitter – numri i turistëve në vitin 2011 u rrit me 550 mijë turistë, “por sipas Bankës së Shqipërisë 60 milionë Euro më pak” hynë në vendin tonë. Në faqen e Ministrisë, Arra e Babë Myslymit përkthyer në anglisht si "Baba nuts Myslymit".
Rama: Mashtrimi me turizmin <br />minus 140 mln Euro nga 2009
TIRANE – Edi Rama citon Bankën e Shqipërisë: nga 2009 rënia e të ardhurave nga turizmi është 140 milionë Euro. Sipas Kryeministrit – shkruan Rama në Twitter – numri i turistëve në vitin 2011 u rrit me 550 mijë turistë, “por sipas Bankës së Shqipërisë 60 milionë Euro më pak” hynë në vendin tonë.

Rama tha se socialistët po zhvillojnë një tryezë në Durrës në lidhje me “turizmin e të nesërmes”. Ai ironizoi Ministrinë e Turizmit në faqen online të së cilës “Tirana u shfaqet të huajve me foton e një arre të emërtuar në një anglishte fantastike: Baba Nuts Myslimi”. “Në gusht-shtator 1944, në kulm të luftës, Shqipëria kishte reviztë zyrtare për turizmin. Sot nuk ka, por ka një ministri me një website qesharak”, shtoi lideri socialist.

Rama vazhdoi më tej me krahasimet me të kaluarën: “Në vitet 30 edhe në Theth kishte zyrë turizmi, sot nuk ka as mjek për 15 mijë vizitorë që shkojnë në Theth falë vetorganizimit të mikpritësve”.

Sipas kreut të PS, “politika jonë e re turistike do të ndërtohet duke mos e marrë parasysh kufirin e Shqipërisë me Kosovën. Kështu do kemi ofertë për 12 muaj. Shqipëria ka 1000 vendndodhje të trashëgimisë kulturore, shtuar ato të Kosovës të dy shtetet mund të fitojnë shumë me politikë të përbashkët”.

Arra e Babë Myslymit në anglisht
Në foto: Arra e Babë Myslymit, përkthyer automatikisht në anglisht, del "Baba nuts Myslymit". Prova që Ministria e Turizmit nuk ka një version të faqes në anglisht por e përkthen atë nëpërmjet Google Translate!

(im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Juventusi në emergjencë totale, jashtë Vlahovic dhe McKennie! Weah mundësi për majën e sulmit

Juventusi në emergjencë totale, jashtë Vlahovic dhe McKennie! Weah mundësi për majën e sulmit

26 Nëntor, 15:31