TIRANË- Kryeministri Edi Rama e ka lënë të hapur si mundësi shtyrjen e afatit të ID deri më 30 prill, kërkesë kjo e bërë nga opozita. Për kreun e qeverisë, kjo është një kërkesë që bën sens pasi është në të mirë të procesit zgjedhor, e për pasojë ka deklaruar se do të shqyrtohet si mundësi.
Në përfundim të mbledhjes së përjavshme me drejtuesit politik të qarqeve, Rama nuk ka lënë pa komentuar edhe kundërshtarët politik, përfshirë këtu edhe presidentin Ilir Meta. Për këtë të fundit, ai ka përsëritur akuzat e tij se po bën fushatë për LSI-së duke theksuar se “veprimtaria e tij ilegale është në sytë e të gjithëve”. Nisur nga kjo, ai shprehet i bindur se qytetarët do e ndëshkojnë në 25 prill. Për Ramën, “Meta është një person që ka humbur marrëdhënien me trutë e kokës”.
Nga ana tjetër, teksa tha se PS-ja do të bëjë koalicion vetëm me qytetarët, nuk i ka kursyer ironitë për opozitën e bashkuar të cilën e quajti “një hibrid të papërtypshëm”.
Në fund, edhe një përgjigje për të gjithë ata që e kanë sulmuar për nisjen e procesit të vaksinimit të personalitetet për mbi 80 vjeç. Kritikat, i ka quajtur të turpshme, duke thënës se po bëhet përpjekje për të marrë sa më shumë doza të vaksinës, që të kenë mundësi që të vaksinohen të gjithë.
VIDEO/Fjala e plotë e kryeministrit Edi Rama
Kryeministri Rama i është përgjigjur akuzave lidhur me vaksinimin e personaliteteve mbi moshën 80-vjeçare. Ai e ka konsideruar të turpshme teksa deklaroi se qeveria po vijon punën për të siguruar sa më shumë doza vaksinash.
"Nuk kam thënë asnjëherë që do vaksinohen personalitete që janë jashtë kësaj kategorie. Kjo është një zallamahi e krijuar nga zëdhënësit e opinionit publik. Lëshuan një ofensivë të turpshme pa kuptim pse po vaksinohen disa njerëz 80 vjeçarë plus që janë mbi moshën 80 vjeçare. Që të bëhet gjithë kjo për 30 njerëz që kanë dhënë gjithçka kanë pasur dhe që kanë dhënë vlera morale historike të këtij vendi, kjo është e turpshme. Nëse do kishim bërë një grup personalitetesh pa bërë këtë kategori por njerëz të moshave të ndryshme, kjo do ishte e debatueshme. Ne po luftojmë ditë dhe natë për të marrë dozat e vaksinave. 70% e vaksinave të prodhuara në botë janë marrë nga 10 vende kryesore. Ne kemi pak doza por ne e kemi filluar vaksinimin ndërsa sfida jonë është të mos ndalemi për shkak të mungesës së dozave. Duhet të provojmë që kur të bie një hall në vend, ka vetëm një adresë dhe ajo është PS-ja dhe Edi Rama" - tha Rama.
Kryeministri Edi Rama ka vijuar me akuzat e tij për presidentin Ilir Meta se po bën fushatë për LSI-në.
“Nuk ka nevojë për komente, veprimtaria ilegale e Metës është në sytë e të gjithëve. Meta nuk është në lartësinë e detyrës që i ngarkon kushtetuta, por është nën çdo nivel të justifikueshëm edhe për një person që ka humbur marrëdhënien me trutë e kokës, një president që bën propagandë kundër qeverisë, që flet me një gjuhë rruge, që lëviz ditën e natën për qëllime elektorale, që e ka vënë Presidencën në dispozicion të LSI dhe që çdo ditë humbet nivel në raport me detyrën nuk ka nevojë ta komentojë unë, se të gjithë e shohin dhe e ndjejnë dhe të gjithë do e dënojnë në 25 prill”, tha Rama.
Koalicionin e opozitës së bashkuar, kryeministri Edi Rama e ka quajtur një hibrid të pangrënshëm dhe të patretshëm”, duke theksuar se PS do shkojë e vetme në zgjedhje.
“Sistemi që kemi zgjedhur është një sistem kur çdo parti garon me simbolin e saj, ose bën një koalicion me një simbol dhe një skuadër të përbashkët. Ne e kemi pasur të qartë që ne koalicionin e kemi me njerëzit dhe shumicën e kemi me njerëzit, kështu që nuk kemi asnjë diskutim në këtë pikë. Në kampin tjetër po punohet për një hibrid të pangrënshëm dhe të patretshëm”, tha Rama.
Kryeministri Edi Rama ka lënë mundësinë e hapur për të shtyrë afatin e kartave të Identitetit deri më 30 prill, kërkesë kjo e opozitës.
“Kur bëhet fjala për zgjedhjet, zgjedhjet janë të përbashkëta, rregullat janë bashkërisht dhe çdo propozim i arsyeshëm që secila palë bën dhe është në interes të procesi zgjedhor, është i mirëseardhur. Bën sens dhe do të trajtohet me seriozitetin e duhur që të gjitha palët të jenë të barabarta”, tha Rama.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59
Ben vertet sens puna e afatit te IDve. Pra argumenti i tij dhe dallkaukeve te tij se opozita fle gjume, jane kot, farse. Duhet ta kerkonin shtyrjen e afatit e jo ta mendonte vete ky mendjelliu i madh. Sa per te ashtuquajtur personalitetet, ky do te jete nje turp qe do ti ndjeke nga pas dhe qe desjmonnper papergjegjshmerine dhe nepotizmin edhe ne kohe pandemie. Ne fushate nuk po shohim programe, sikunder po ben PD, por lufte qensh ndermjet Rames dhe Metes, PS dhe LSI, kush ti vjedhi njeri tjetrit.
Përgjigju