VELIPOJË- 80% e drejtorëve të Bashkive në qarkun e Shkodrës do të largohen nga puna. Ka qenë ky urdhri i kryeministrit Edi Rama gjatë mbledhjes që kreu i qeverisë ka zhvilluar me drejtues të rajonit të Veriut në Velipojë. Report Tv mëson se Rama ka kërkuar largimin e tyre në varësi të vlerësimit të performancës dhe institucioneve me varësi nga qendra.
"80% e drejtorëve do ikin. Për të gjitha bashkite e Qarkut Shkodër do të bëhet vlerësim performance i institucioneve me varësi nga qendra. Njëkohësisht do të bëhet analizë e buxhetit të bashkive, borxhet dhe projektet aktuale që të evidentohet se ku jemi aktualisht”- mësohet të ketë thënë Rama gjatë mbledhjes.
Rama ka pranuar dorëheqjen e katër drejtorëve, Myzafer Bushit, drejtor i Drejtërisë së Thesarit, drejtor i Hetimit Tatimor Agim Shima, drejtori i ARRSH Shkëlqim Sterkaj dhe drejtrorit të ENT-it të banesave Brian Murriqi. Ai është shprehur se të gjithë drejtorët kanë dhënë dorëheqjen, por do bëhet vlerësimi i performancës, për të bërë seleksionim pasi e rëndësishme është që bashkia të përfaqësohet me profesionalizëm. Gjatë mbledhjes theksi për këtë reformë është vënë te qarku i Shkodrës, por nuk janë përjashtuar bashkitë e tjera si ajo e Kukësit.
Pjesë e mbledhjes ishin ministri i Brendshëm Sandër Lleshaj i cili është njëhkohësisht edhe koordinator politik i PS për qarkun Lezhës, kryetari i Bashkisë Lezhë Pjerin Ndreu dhe deputetët Paulin Sterkaj, Luan Harusha dhe Tom Doshi. Në mbledhje mori pjesë edhe kryebashiaku i Vaut të Dejës Mark Babani, i akuzuar nga PD se është arrestuar në Itali për vjedhje të makinave, por mësohet se kjo çështje nuk ka qenë në fokus të diskutimeve.
Partia Socialiste ka ngritur dy komisione (një prej të cilëve qytetar) për zgjedhjen e drejtorëve të rinj në qarkun e Shkodrës. Ngritja e komisioneve erdhi pas largimit të Valdrin Pjetrit nga posti i koordinatorit politik të Shkodrës pas akuzave që PD ngriti ndaj tij për fshehje të dënimit në Itali në formularin e dekriminalizimit. Komisionet kanë përpiluar një listë kandidatësh për të zëvendësuar drejtorët e dorëhequr, që do t'i paraqitet kryeministrit Edi Rama.
Rama udhëroi dorëheqjen e të gjithë drejtorëve burra ndërsa deklaroi se për disa nga gratë do të rishikohet pozicioni. Kreu i qeverisë u shpreh se këto ndryshime nuk bëhen për shkaqe personale por bëhen për të krijuar një imazh të ri të PS në Shkodër.
Report Tv zbardh debatet në mbledhjen e drejtuesve të rajonit të Veriut në Velipojë. Mësohet se gjatë mbledhjes Tom Doshi dhe Paulin Sterkaj i janë ankuar kryeministrit Edi Rama për emërimet e drejtorëve në Shkodër duke thënë se nuk janë pyetur nga deputetët Senida Mesi dhe Luan Harusha për emërimin e drejtorëve të rinj.
Rama i ka kërkuar të dy palëve që të ulen bashkë, duke thënë se kur ai ulet me Metën dhe Berishën, pse ata nuk ulen me njëri-tjetrin?
"Pse nuk uleni bashkë? Tomën e kemi aleat. Sterkaj është i Malësisë së Madhe por ka të drejtë të jap mendim për drejtorët rajonalë. Kur unë ulem me Ilir Metën dhe Sali Berishën, ju pse nuk uleni me njëri tjetrin të flisni?", mësohet të jetë përgjigjur Rama.
Shkodra do vijojë të koordinohet nga dy komisionet e përkohshme të ngritura për emërimin e drejtorëve të rinj. Pas mbledhjes së drejtuesve të rajonit të Veriut në një prononcim për mediat sekretari organizativ i PS për Shkodrën Arben Pëllumbi u shpreh se nuk është vendosur asgjë e re lidhur me këtë qark. I pyetur nëse në mbledhja u diskutua çështja Tahiri, Pëllumbi u shpreh se kjo nuk ka qenë pjesë e diskutimeve, të cilat ishin të orientuara në dhënien e opinioneve për çështjet që kanë nevojë për përmirësim.
"U diskutuan opinionet për ato që duhen bërë mirë. Për Shkodrën nuk ka asgjë të re. Këshilli i Veriut ka detyrat e veta specifike. Rendi i ditës ishte ajo që ishte", u shpreh Pëllumbi.
Deputetja socialiste Senida Mesi ka folur pas mbledhjes së drejtuesve të rajonit të veriut me kryeministrin Edi Rama. Mesi deklaroi se në mbledhje u diskutua për problematika dhe shërbimet që do të ofrohen nga bashkitë. Ajo tha se mbledhja nuk kishte fokus ngërçin e krijuar në Bashkinë e Shkodrës.
"Diskutuam problematika mbi shërbimet që do të ofrohen nga bashkitë. Në këtë mbledhje nuk është diskutuar ngërçi në lidhje me kryetarin e bashkisë Shkodër. Janë diskutuar në sërë problematikash. U diskutua edhe elementi i organizmit të strukurave të PS për të bërë të mundur zgjerimin e partisë me ata individë që duan të jenë pjesë e vendimmarrjes", u shpreh Mesi.
Report Tv mëson se kryeministri Edi Rama ka urdhëruar largmin e 80% të drejtorëve në të gjitha bashkitë e qarkut Shkodër në varësi të vlerësimit të performancës dhe institucioneve me varësi nga qendra. Ai ka kërkuar një analizë e buxhetit të bashkive, borxheve dhe projekteve aktuale që të evidentohet se në çfarë gjendje jemi aktualisht.
Kreu i qeverisë është shprehur se të gjithë drejtorët kanë dhënë dorëheqjen por do bëhet vlerësimi i performancës, për të bërë seleksionim pasi e rëndësishme është që bashkia të përfaqësohet me profesionalizëm.
Gjatë mbledhjes theksi për këtë reformë është vënë te qarku i Shkodrës, por nuk janë përjashtuar bashkitë e tjera si ajo e Kukësit.
Në mbledhjen e sotme që kryeministri Edi Rama po zhvillon me drejtues të rajonit të Veriut i është pranuar dorëheqja drejtorëve të cilët paraqitën kërkesën për t'u tërhequr nga posti pas urdhrit të kreut të qeverisë Edi Rama. Është pranuar dorëheqja e Myzafer Bushit, drejtor i Drejtërisë së Thesarit, drejtor i Hetimit Tatimor Agim Shima, drejtori i ARRSH Shkëlqim Sterkaj dhe drejtrorit të ENT-it të banesave Brian Murriqi.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
Lufta per pushtet ka len kryeqendren e veriu pa koke dhe me keshill bashkiak inegzistent.Per Ramen qe e katandisi kete katrahur Shkodra esht mir ne doren e Voltanes dhe nuk jep asnje zgjidhje.I vetmi shpetim eshte per tu larguar sa me par nga Shqiperia se ktu nuk jetohet me
PërgjigjuTurp i madh na ka ra per hise, me na drejtu Toma me Paulinin, nuk ka zhgenjim ma te madh si per socialistat ashtu dhe per demokratet qytetare te shkodres, fatkeqesi per femijet tane.
PërgjigjuShume mire kryetar!! Emro dashnoret e deputeteve dhe trafikanteve neper drejtori se e bejne mire permbi dhe nen tavolina!!
PërgjigjuVaj medet zotit kur ka ngel Shkodra e djepit te kultures kombetare te udhehiqet, drejtohet e shantazhohet prej analfabeteve.
PërgjigjuKe lene kryeqendren e veriut pa kryetar dhe as qe e diskuton fare.Eshte qyteti me i varfer qe ka nevoj per investime dhe per interesa partiake nuk e rru fare.Zoti te vraft ty e cfar ke per zemer o kryeminister
PërgjigjuNa kenaqi. Ka sh vende tjera ku duhet fillu imazhi i ri ne Shkoder ne fakt mjeksia, arsimi, legalizimet etj. Ia paska pranu atyre qe i njeh nje Shkoder mbar qe jane nder te paktit qe punojne pa u perly. Qe nga kandidati qe nxori ne Shkoder ne fakt behen llogarite direkt se cfare imazhit te ri ka pas dhe ka deshire me sjell :) Ne pritje te ketij imazhi spektakel
Përgjigju