Rama mbledh të shtunën
Asamblenë e PS-se
Asambleja e Partisë Socialiste do të mblidhet ditën e shtunë nën drejtimin e kryetarit Edi Rama për të diskutuar situatën politike, ecurinë e anëtrësimeve në PS, regjitrimeve në parti, zgjedhjeve në njësitë vendore dhe përgatitja e trupës elektorale për zgjedhjet e ardhshme parlamentare.
TIRANE- Kryetari i Partisë Socialiste Edi Rama do të mbledhë ditën e shtunë Asamblenë Kombëtare të partisë për të diskutuar situatën politike në vend dhe ecurinë e punës për realizimin e vendimeve të kongresit të PS të vitit të kaluar. Dje janë njoftuar të gjithë anëtarët e Asamblesë që më 7 prill, në ambjentet e "Xibrakut" në periferi të Tiranës do të mblidhet forumi socialist, në të cilin kanë qënë të lutur të gjithë që të marrin pjesë, pasi do të ketë diskutime dhe vendime të rëndësishme për ecurinë e partisë në këtë vit elektoral. Duke zgjedhur ndoshta një ditë simbolike, pikërisht 7 prillin, forumi i lartë socialist do të marrë në analizë ecurinë e punës për zgjedhjet në 117 njësitë vendore në të gjithë vendin, kryesisht në kryeqytet dhe në zona të tjera të vendit. Njëherësh do të bëhet dhe një bilanc i detyrës së lënë për shtimin e anëtarësisë me të rinj dhe të reja, ku me sa duket kryetari Rama por dhe krerët e degëve të PS nëpër rrethe kanë çfarë tregojnë, pasi në të gjitha vizitat dhe takimet e tyre me rininë, anëtarësimet kanë qënë në nivelet më të larta të realizuara deri më tani. Njëherësh do të informohet Asambleja nga ana e kryetarëve të degëve të PS në rrethe dhe në bashkitë dhe komunat në lidhje me përfundimin e procesit të riregjistrimit të anëtarësisë së PS në të gjithë vendin, një proces që do të sjellë dhe krijimin e një database për ta përdorur më pas për zgjedhjet parlamentare të vitit të ardhshëm. Nga ana tjetër, në këtë mbledhje të radhës të Asamblesë së PS do të diskutohet në lidhje me përgatitjet e Partisë Socialiste për sfidën elektorale të vitit të ardhshëm, pasi është deklaruar se periudha deri në zgjedhje do të cilësohet një vit elektoral dhe gjithë përgatitja e strukturave të bazës në PS do të jetë në funksion të fitorës në këto zgjedhje. Bëhet e ditur se në mbledhjen e Asamblesë së ditës së shtunë do të japin një informacion të detajuar dhe të deleguarit e kryesisë dhe të Asamblesë, sëbashku me deputetët për rivitalizimin e strukturave të PS dhe krijimit të shtabeve elektorale për të maksimalizuar, sipas tyre fitoren në zgjedhjet e ardhshme parlamentare përballë mazhorancës qeverisëse. Njëherësh në Asamble do të kërkohet dhe përcaktimi i kritereve që tani të përzgjedhjes së kandidatëve për deputetë, përmes një testimi të gjatë dhe rigoroz në të gjitha zonat elektorale në vend, në mënyrë që në listat shumëemërore të PS të jenë figurat me mbështetjen më të madhe në komunitet dhe ata që thithin më shumë vota për PS. Një testim që ka si qëllim përshpejtimin e punës, pasi bëhet e ditur nga burimet e këtij forumi, nuk përjashtohet mundësia e lëvizjeve të befasishme politike në vjeshtë të këtij viti, përfshirë këtu dhe mundësinë e zgjedhjeve të parakohëshme, e paralajmëruar herë pas herë në takime nga lidershipi i PS. Mësohet se një element bazë që do të diskutohet në Asamble është dhe zbritja e bashkëpunimit me aleatët opozitarë dhe në bazë, për krijimin e njësive të përbashkëta zgjedhore, që do të përkthehen më pas me vota për tërë koalicionin, përballë të të djathtëve të Berishës. Pritet që në mbledhjen e Asamblesë së PS të ditës së shtunë të këtë dhe ndonjë kooptim në këtë forum të lartë drejtues të PS.
(sg/shqiptarja.com)
Sondazhi i ditës:
Censi 2023, popullsia u tkurr me 419 mijë në 12 vite, cili është shkaku?
-
Emigrimi
78.8%
-
Lindshmëria
17.5%
-
Vdekshmëria
3.7%
Vota total: 2770
Votat totale janë unike
Lajme të tjera
-
Euro 2024/ Spanja përmbys 4-1 surprizën Gjeorgji, në çerekfinale e pret Gjermania
30 Qershor, 22:51
-
'Nga tornitore, më bënë deputete, dhe nënkryetare e Kuvendit': Historia e pazakontë e Mine Gurit
30 Qershor, 22:36
-
Alvaro Morata bën rrëfimin tronditës: Isha në fund, gati të dorëzohesha! Më ndihmuan një psikolog dhe një psikiatër
30 Qershor, 22:31
-
Demokratët përjashtojnë mundësinë e zëvendësimit të Presidentit Biden pas thirrjeve për tërheqje nga gara
30 Qershor, 22:29
-
Fitorja e mundshme e Le Pen/ Demonstrata në Paris: Fashizmi është gangrenë
30 Qershor, 22:15
-
Mero Baze: Debati për Biden dhe debati për Berishën
30 Qershor, 22:03
-
Përfundojnë zgjedhjet në Francë/ Marine Le Pen projektohet e para, e majta përparon e dyta! Forca e Macron zbret në të tretin
30 Qershor, 21:55
-
Gabimet në Euro 2024, UEFA përjashton dy arbitra nga turneu i Gjermanisë
30 Qershor, 21:51
-
Pjesëmarrje rekord në Francë, mbi 65% morë pjesë në votime
30 Qershor, 21:43
-
Minuta Zero/ Spanjolli që jeton prej 11 vitesh në Shqipëri: Gjermania, pretendente për europianin! 'La Roja' luan ndryshe nga viti 2010, por më efektiv
30 Qershor, 21:32
-
Deputetët e Kosovës ‘poshtërojnë’ ata të Shqipërisë, fitojnë 5-0 në miqësoren e Prishtinës
30 Qershor, 21:20
-
Spalletti pas konfirmimit te Italia: Jemi në pikën zero, por e di se çfarë duhet të bëj
30 Qershor, 21:16