TIRANË- Komiteti Teknik i Ekspertëve deri më tani kishte punuar dhe raportuar mbi situatën jashtë vëmendjes së mediave, por pas sulmeve të bëra, kryeministri Edi Rama zhvilloi një mbledhje online, si një përgjigje ndaj 'kritikëve'. "Kujdes" nga një valë e dytë, ishte porosia e kreut të qeverisë ndaj anëtarëve, të cilët në raportimin që bën kishin një emërues të përbashkët: Që situata është në kontroll, por duhet të ruhet në maksimum vigjilenca.
"Nuk do të ketë një valë të dytë të COVID-it në vjeshtë", thonë ekspertët e komisionit teknik, por gjithçka mbetet në dorë të qytetarëve për të zbatuar me përpikmëri distancimin social e protokollet e sigurisë. Në një kohë kur pritet që pas 18 majit 90% e bizneseve të jetë e hapur, qeveria është ende pa një vendim se kur do të nisë transporti urban dhe ai ndërqytetas!
Ndalur këtu, kryetarja e komitetit Teknik të Ekspertëve, zv. ministrja e Shëndetësisë, Mira Rakacolli solli shifra, duke paralajmëruar se nëse do të arrihen në këto nivele do të bëhet prapakthehu. Megjithatë, për mjekun Tritan Kalo, kjo hapje nuk nënkupton "shqyrje", që do të thotë do të duhet patjetër të ndiqen në mënyrë rigoroze masat e marra dhe se qytetarët do të duhet të mësohen të bashkëjetojnë me koronavirusin.
Anëtarët e Komitetit Teknik të Ekspertëve
Kryetarja Mira Rakacolo (zv. ministrja e Shëndetësisë)
Anëtarë
Ministrja Oferta Manastilriu
Kreu i Urgjencës Skënder Brataj
Drejtoresha e ISHP-së Albana Fico
Shefja e Departamenti i Epidemiolgojise Silva Bino
Shefja e Infektivit Najada Çomo
Mjeku Tritan Kalo
Mjeku Andi Koraqi
Lidhur me deklaratat se virusi në Shqipëri ka hyrë para marsit, kryeministri Edi Rama për t'i dhënë fund debatit pyeti ekspertët e komitetit teknik. Shefi i laboratorit të mikrobiologjisë Andi Koraqi u shpreh “Nuk mendoj se kemi pasur COVID nga janari apo më parë, sëmundja ka ardhur nga Italia. Edhe nga rezultatet që shoh, nuk është një pjesë shumë e lartë e popullsisë që e ka kaluar”, u shpreh Koraqi.
Ndërkohë që shefja e Infektivit, Najada Çomo deklaroi se “Në janar ne kemi fluks të shtuar pacientësh për shkak të ekzistencës së gripit. Që në fund të janarit ne kemi pasur një vëmendje të shtuar, pasi kemi pasur persona të ardhur nga Kina, por nuk ka pasur raste. I përgjigjem zyrtarisht pyetjes, se në Shërbimin Infektiv nuk ka pasur kurrsesi persona të infektuar nga Covid-19 më herët” tha ajo.
Në kuadër të rihapjes graduale që po bëhet, kryeministri Edi Rama shprehu një tjetër shqetësim pas momentit të rinisjes së fluturimeve nga ajri dhe hyrjeve nga vendet e tjera nga kufijtë tokësorë. Për kryeministrin, sfidë do të jetë respektimi i rregullave të karantinimit.
"Do të konsultojmë me ju të gjitha masat. Deri në datë 18 janë ato që janë pastaj do të vijë procesi i hapjes dhe flukseve për të hyrë në Shqipëri nga ajri apo toka, aty do të jetë një tjetër sfidë për të respektuar rregullat e karantinimit në shtëpi për ata që do të hyjnë në Shqipëri. Do të ishte mirë që ministria e Shëndetësisë të përgatisë disa materiale sensibiluzuese për qytetarët në kushtet e rihapjes për kujdes dhe respektimin e masave" tha Rama.
Mira Rakacolli, kryetarja e Komitetit Teknik të Ekspertëve ka dhënë argumente se përse është marrë vendimi për lehtësimin e masav, duke folur me gjuhën e shifrave.
"Nuk do të kishim lehtësim të masave, nëse do të kishim 15 raste mbi mesataren, nëse numri i shtrimeve do të ishte te 90 dhe ato që do të ishin në terapi intensive mbi 20. Jemi brenda numrave, treguesit që janë flasin që e kemi të kontrolluar! Duke fuqizuar survejancës, duke shtuar kujdesin shëndetësor dhe njëkohësisht duke shkruar kontrollet. Ne mendojmë që strategjia që ju kemi propozuar ka ecur mirë, dhe të vazhdojmë kështu. Do të ketë edhe një vlerë, ajo që u prezantuar është problemi i studimit të imunizimit që të shikojmë si do të jetë vijimësia nëse do jemi përballë një vale të dytë apo që ky virus do të jetë në listën e infeksioneve të mundshme", tha Rakacolli.
Mira Rakacolli është kryetarja e Komitetit Teknik të Ekspertëve për COVID-19. Ajo është prezantuar nga kryeministri Edi Rama, i cili nuk i ka kursyer ironitë. “Po doktoreshë Mira, se ka pasur pyetje, kush është kryetari, na cmendën, është një grua, ja kush është”,-tha Rama.
Drejtori i Urgjencës, Skënder Brataj ka dhënë detaje lidhur numrin e telefonatave në shërbimin Urgjencës, teksa shprehet se ka një ndërgjegjësim të qytetarëve, të cilët nuk i drejtohen menjëherë spitalit.
"Pranë vijës së Urgjencës, numri i thirrjeve ka rënë shumë 222 mijë thirrje që nga 9 marsi! Një gjë pozitive është numri i uljes së vizitave, nga 600 është 300! Të sëmurët COVID-19 kërkojnë të trajnohen në banesë, janë ndërgjegjësuar, nuk duan të shkojnë në spital, e shohin që pjesa më e madhe janë asiptomatik. 2 ambulanca në Tiranë dhe 5 të tjera me respirator që i kemi përdorur shumë pak", tha Brataj.
Në datë 18 maj me futjen në fuqi të masave të reja lehtësuese për grupin e biznesit që do të rihapen, kryeministri Edi tha se shqetësimi i vetëm mbetet transporti brenda dhe ndërqytetas, ku po punohet për të gjetur një formulë. "Deri në 90% e kusur është liruar deri në datë 18 maj. E vetmja gjë që mbetet shqetësim mbetet transporti publik me autobusë apo furgonë ndërqytetas, apo në qytet, po shikojmë të gjejmë një formulë kompromisi lidhur me këtë. Nuk e dimë si mund të jetë. Pjesa tjetër po çlirohet duke evituar grumbullimet" tha ai.
Kryeministri Edi Rama kishte një tjetër apel për qytetarët që gjatë procesit të rihapjes graduale nuk duhet të harrojnë masat për COVID-in, pasi mund të kemi një valë të dytë. "Jam i shqetësuar për mundësinë që në kushtet e hapjes njerëzit të fillojnë të harrojnë që faktikisht jemi të hapur, por armikun e kemi mes nesh dhe nuk respektojmë rregullat e thjeshta, mund të biem pre një evazioni tjetër, sepse vala e dytë nuk është një riardhje e virusit, por një dorëzim i njerëzve për shkak të sjelljes së gabuar në pushtetin e virusit që është këtu. Kjo është sfidë e madhe, por shpresojmë që njerëzit do të vijojnë të bëjnë si duhet detyrat e tyre të thjeshta, sidomos kur hyjnë në mjedise të mbyllura, qendra tregtare, etj".
Doktoreshë Silva Bino theksoi gjatë mbledhjes se është trefishuar numri i testimeve për të zbuluar rastet aktive. "Situata duket jo keq, kemi trefishuar testimet këtë muaj dhe është 5% pozivititet. Për shembull kemi nën 5%, pra 3%, një indikator që duhet ta ruajmë, prandaj po marrim masat të rrisim numrin e testimeve dhe të gjejmë rastet aktive. Po përdorim disa metodika të reja për gjetjen aktive të rasteve, duke përfshirë mjekun e familjes. Aktualisht kemi dy qytete transmetim të virusit, Tirana dhe Kruja, dhe vetëm në Shkodër kemi evidentuar raste. Në zonat e gjelbra janë pa raste, pavarësisht rritjes së testimeve" tha ajo.
Edhe drejtoresha e ISHP-së, Albana Fico u shpreh se "Po rrisim testimet, por po angazhohemi për një fushatë komunikimi për masat lehtësuese. Duket sikur do të jetë një përsëritje e 'lani duart...etj.' Kanë përfunduar protokollet për grupimet e bizneseve të reja që do të vijojnë normalisht në monitorim. Dhe besoj se do të vijojmë me këto shifra inkurajuese, mbase do të jemi në gjendje që vlerësimi i lehtësimit të masave të mos bëhet në harkun e intervaleve dy javore, por një javore, më dinamikë" tha ajo.
Mjeku Tritan Kalo tha se kurba ka qenë pozitive, po theksoi se është shumë e rëndësishme që kjo hapje graduale të mos konsiderohet si "shqyrje", e ndërsa shtoi se qytetarët duhet të mësohen se COVID-19 do të bashkëjetoj me ne!
"Jemi në një stad për të vlerësuar 7 element, sjellja në mjedise familja,e sjellja në publik, distancimi publik, përdorimi i maskave, higjiena individuale ka bërë që të jemi në parameta normale. E rëndësishme, me hapjen graduale, ajo që mua si specialist më brengos që hapja të mos konsiderohet si shqyrje, por të respektojnë rregullat duke bindur veten që do jetojmë në një kohë ku rreth nesh ka COVID-19. Nëse do të bindemi, kam qartësinë e mendimit se do jemi në një situatë optimale! Nuk do të kemi kthim të valës së madhe të COVID në vjeshte, por do të jetë i përzërë me infeksione të tjera. Për sa kohë nuk kemi një vaksinë, do të jetë vetë imunizimi aktiv i popullatës që do të shkaktojë zhdukjen e koronavirusit. Jemi në momente të dobishme që duhen ruajtur", tha Kalo.
Kryeministri Edi Rama ka zhvilluar një mbledhje me ekspertët e Komitetit Teknik. Një mbledhje e cila mes qëllimeve të tjera, vjen si përgjigje për të gjithë ata që ditëve të fundit e kanë pasur këtë komitet në fokus të akuzave, me argumentin se nuk i njohin.
"Për fat të mirë rezultatet flasin vetë, ka sa që merren me komitetin. Kush janë, pse s'i njohim", tha mes të tjerave Rama.Në mbledhje janë mjeku Tritan Kalo, Andi Koraqi, Najada Çomo, Sila Bino, Albana Fico, Skënder Brataj, Mira Rakacolli, ministrja Ogerta Manastirliu, figura shumë të njohura.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47
Me atë mjeker si Mullahët hoxhallarë e prifti i Vlorësë
PërgjigjuO EDO E KE SHUME GABIM QE PO HAP TRANSPORTIN AJROR,,,,MIRE NE NUK KEMI SHUME TE SEMURE ME COVID,,,POR ITALIA,,,ANGLIA,FRANCA,GREQIA,GJERMANIA JANE PLOT ME NJEREZ TE INFEKTUAR ,,,ATJE NJEREZIT PO VDESIN PERDITE ME MIJERA,,,,,ATA DO VIJNE PER PUSHIME NE SHQIPERI DHE DO NA INFEKTOJNE NEVE KETU ME MIJERA,,,PRANDAJ ANULLO URDHERIN PER NE 18 MAJ DHE JEP URDHER TE FILLOJE TRANSPORTI AJROR DHE DETAR NE 1 KORRIK,,,,KURSE TRANSPORTI URBAN TE HAPET NE 1 GUSHT...TRANSPORTI VETJAK ME MAKINA TE HAPET NE 18 MAJ......
PërgjigjuNe dore te kujt eshte vendi.
PërgjigjuPse mod kete urban njerez po shkojne ne kembe dy orr ruge po ne svionr nuk mbushrn plot pse edi po tallesh md popullin urbani te vazhdojd si te gjithe mjetet pse atobusi megatek vazhdon e te gj te tjeret spo keni vazhdu punimet fuges Edhe ke bllokua njerezi
Përgjigju