Rama me shoqatat e transportit: Gati plani i kursimit, opsione e hëna dita pa makina dhe puna nga shtëpia! 500 mln lekë për të mos rritur çmimin e biletës

Ministrja e Energjetikës, Belinda Balluku, gjatë mbledhjes së zhvilluar me me përfaqësues të shoqatave të transportit, tha se qeveria do të kompensojë me 100 lekë për çdo litër naftë ofruesit e shërbimit të transportit publik. Ajo ritheksoi faktin që bileta e autobusit nuk do të rritet në këtë moment mjaft delikat për të gjithë.

“Për ne rritja e çmimit të biletës nuk është e pranueshme. Do të kompensojmë me 100 lekë çdo litër naftë qe ju përdorni për transportin tuaj. Kompensimi do bëhet në drejtorinë e tatimeve. Do bëjmë kompensimin real të naftës.

Kompensimi do të vijë nëpërmjet Drejtorisë së Tatimve, duke qenë se ata kanë të gjitha të dhënat. Dhe ne do u referohemi të dhënave nga konsumi që keni pasur një vit më parë, pasi është e pamundur që ne t’i referohemi konsumit aktual. Do kishte vonesë dhe do kishte abuzime.

Kështu që duke u referuar konsumit të një viti më parë dhe Drejtorisë së Tatimeve ne do të arrijmë që të bëjmë kompensimin real të naftës bazuar mbi shifrat që ju keni përdorur në të njëjtën kohë në vitin e shkuar”, tha Balluku.

Kryeministri Edi Rama zbuloi një ndër pika e draftit të papublikuar të qeverisë lidhur me përballimin e krizës, duke thënë se ditët e hëna do të jenë pa makina dhe kjo për të kursyer.

Ai tha se do të ketë edhe ditë kur do të duhet të punojmë nga shtëpia për të kursyer.

"Agjencia ka nxjerr një plan me pika, disa prej të cilave ne i kemi në draftin tonë të kursimit të energjisë, dhe do ta bëjmë. Sot kemi mbledhjen e qeverisë, se do bëjmë ditën e hënë pushim. Pas kësaj do bëjmë një tjetër mbledhje për të bërë ditën e hënë pa makina, por do të vijë gradualisht. Agjencia thotë të dielën pa makina, pra do ta bëjmë dhe ne si ata, për të kursyer, jo për ekologji. Ose flasim për 3 mosvajtje në punë njëlloj si me COVID, por jo më për infeksioni por për krizën", u shpreh ai.

 

Kryeministri Edi Rama ka hedhur akuza ndaj atyre që nxisin protestë duke i cilësuar si delirantë dhe sharlatanë që yshtin popullin për të nxitur përçarje në një kohë që duhet të jenë të bashkuar

"Thelbi në këtë përpjeke tonë ne nuk mund ti bëjmë të gjithëve të gjitha ato që do të duheshin për të mos ndjerë se këtu ka luftë, problemi është se lufta me bomba  për ne është në televizor, ama është  kotë dhe kundërproduktive që të mos e pranojmë së bashku dhe jo të ndahemi shumicë dhe pakicë për hir të disa deliranteve dhe sharlatanëve të pashpirt që dhe kur dinë duan ta shfrytëzojnë këtë sirtarë për të yshtur popullin duke nxitur urrejtje dhe përçarje që të jemi bashkë të gjithë në fakte. Për zgjidhjet është normale që të kemi opinione të ndryshme , tek faktet duhet të jemi bashkë", tha Rama.

Kryeministri Edi Rama gjatë fjalës së tij solli në vëmendje njoftimin e Agjencisë Ndërkombëtare të Energjisë, ku thuhej se bota do të përballet me mungesa dhe se ky është problemi kryesor, jo shtrenjtimi.

Rama iu referua krizës së 1974 kur Shqipëria sipas tij nuk ishte pjesë e botës, por e bunkierëve.

"Agjencia ndërkombëtare e energjisë kishte dal me një lajm që s'është pozitiv, por që konfirmon atë që kemi thënë disa herë. Problemi në këtë situatë nuk është kaq sa shohim dhe kaq sa duket, sepse ndërkohë që ne diskutojmë çmimet këtu, rreziku me naftën dhe energjinë është mungesa. Agjencia Ndërkombëtare e Energjisë zyrtarisht ka paralajmëruar mundësinë e shokut më të madhtë energjisë në dekada. Ajo që i referohen 1974, ne s'ishim pjesë e botës, ishim në bunkier, por bota ka përballuar një krizë shumë të madhe të naftës. Agjencia ka nxjerr një plan me pika, disa prej të cilave ne i kemi në draftin tonë të kursimit të energjisë. Por i kemi mbajtur që mos të na hidhen në fut. Është problem kur njeriu nuk do të pranojë faktet, është problem. " , tha Rama.

Kryeministri Edi Rama gjatë takimit që zhvilloi me përfaqësuesit e shoqatave të transportit tha se edhe nëse do të kishin rritur çmimin e biletës, nuk do ia kishin dalë të përballonin krizë. Ai theksoi faktin se qeveria ka dhënë fondin prej 5000 milionë lekësh pikërisht për të mbrojtur konsumatorin e thjesht.

"Nuk i prekim taksat e naftës dhe sigurisht i kemi studiuar të gjitha rrugët e mundshme për të adresuar këtë situatë. Duke qenë se më parë kemi marrë një vendim të prerë dhe pa na shkuar në asnjë formë mendja se mund të fillonte edhe një luftë me një nga prodhuesit kryesor të energjisë në botë, gazit në këtë rast, po janë të lidhur bashkë. Se nuk do ta prekim energjinë për familjet dhe bizneset e vogla. Do të mbrojmë ata që përdorin transportin publik. Duke dëgjuar edhe avokatin tuaj, Blendi Gonxhe, nuk dilte hesapi edhe nëse do të bënit rritje të çmimet të biletës që do të ishte e papërballueshme për njerëzit, prapë së prapë kapaciteti juaj për të rezistuar do të ishte i dobët. Ndaj vendosën 500 milionë lekë.", u shpreh kryeministri.