Rama në Selanik: Qeveria ka
tradhtuar interesat kombëtare
Edi Rama gjatë takimit me emigrantët shqiptarë që jetojnë dhe punojnë në Selanik të Greqisë, është shprehur i vendosur se në vitin 2013 do të ndodhë rotacioni politik dhe opozita do të vijë në pushtet, sepse nuk mund të lejohet më një qeveri që ka tradhëtuar interesat kombëtare.
Kryetari i Partisë Socialiste, Edi Rama, është takuar me qindra shqiptarë që jetojnë dhe punojnë në qytetin e Selanikut. Rama në fillim të fjalës së tij ka vlerësuar fort të rëndësishëm kontributin ekonomik të gjithë këtyre viteve të emigrantëve, dhe ka kërkuar që ata të jenë kontributorë të drejtpërdrejtë të ndryshimit në vend duke votuar masivisht në vendlindje. Kryetari i PS u angazhua për emigrantët se kjo do jetë hera e fundit që ata do të vijnë për të votuar, pasi vitin e ardhshëm kur PS të jetë në qeverisje do të bëjë të mundur që emigrantët shqiptarë të votojnë aty ku ata jetojnë dhe punojnë. Kryetari socialist i ka hedhur poshtë me forcë tezat e propagandës së qeverisë e cila synon të barazojë të dy palët, duke vlerësuar në fjalën e tij se çdo qeveri vlerësohet me votë dhe se pushteti aktual e ka grisur tashmë kontratën me shqiptarët: "Një gjë është e sigurt që nuk mund të lihet më qeveria e sotme të vazhdojë të grabisë dhe të mbysë Shqipërinë me argumentin që 'po këta të tjerët çfarë do të bëjnë?'. Në fund të fundit kontratën populli e ka me ata që qeverisin. Janë ata që qeverisin që duhet të japin përgjigje një më një për çdo pikë të shkelur të kontratës. Kjo qeveri e ka grisur kontratën me popullin dhe për këtë arsye populli duhet ta flakë me votë në zgjedhjet e ardhshme.
Ndërkohë që pa asnjë dyshim duhet që qeverinë e re ta gjykojë vetëm përmes provave dhe në rast se edhe qeveria tjetër nuk i përmbush pikat e kontratës me popullin, populli përsëri e ndërron. Kjo është edhe ajo që e bën demokracinë të funksionojë, mundësia për ta ndryshuar qeverinë kur qeveria nuk respekton kontratën me popullin." Rama është ndalur në faktin se kryeministri dhe qeveria e tij janë tradhtarët realë të Shqipërisë, pasi ata kanë tradhtuar çdo interes kombëtar për interesat e klientëve të pushtetit: "Realisht besoj që kjo qeveri dhe kryeministri i saj kanë tradhtuar popullin, kanë tradhtuar interesat kombëtare, kanë tradhtuar interesin publik, kanë tradhtuar gjeneratën e re, kanë tradhtuar të moshuarit, kanë tradhtuar ish të përndjekurit, kanë tradhtuar pronarët, kanë tradhtuar sipërmarrjen, kanë tradhtuar të rejat dhe të rinjtë që shkojnë në universitete dhe në vend të diplomave marrin letra pa vlerë, kanë tradhtuar çdo shqiptar e shqiptare që meriton të jetojë në një Shqipëri të denjë brenda Bashkimit Europian dhe që fatkeqësisht jeton në një Shqipëri të kapur për fyti për shkak të interesave të një grushti njerëzish që janë oborrtarë dhe klientë drejtpërdrejtë të kryeministrit.
Ky është realiteti dramatik i vendit tonë dhe për ta ndryshuar këtë realitet duhet pjesëmarrje, pjesëmarrje, pjesëmarrje e çdo shqiptari e shqiptareje në procesin politik që me votë ne ta largojmë këtë flamë dhe t'i hapim rrugë një Rilindjeje Shqiptare.
Duke iu përgjigjur pyetjeve të shumta të shqiptarëve që jetojnë në Selanik Edi Rama ka përsëritur angazhimin se PS do të bëjë transparencë të plotë dhe do të prapësojë të gjitha aferat korruptive mbi pasuritë e vendit.
Sondazhi i ditës:
Skandali tek Onkologjiku, a duhet hetimet të shkojnë përtej mjekëve?
-
Po
92.4%
-
Jo
4.8%
-
Nuk e di
2.9%
Vota total: 105
Votat totale janë unike
Lajme të tjera
-
Euro 2024/ Spanja përmbys 4-1 surprizën Gjeorgji, në çerekfinale e pret Gjermania
30 Qershor, 22:51
-
'Nga tornitore, më bënë deputete, dhe nënkryetare e Kuvendit': Historia e pazakontë e Mine Gurit
30 Qershor, 22:36
-
Alvaro Morata bën rrëfimin tronditës: Isha në fund, gati të dorëzohesha! Më ndihmuan një psikolog dhe një psikiatër
30 Qershor, 22:31
-
Demokratët përjashtojnë mundësinë e zëvendësimit të Presidentit Biden pas thirrjeve për tërheqje nga gara
30 Qershor, 22:29
-
Fitorja e mundshme e Le Pen/ Demonstrata në Paris: Fashizmi është gangrenë
30 Qershor, 22:15
-
Mero Baze: Debati për Biden dhe debati për Berishën
30 Qershor, 22:03
-
Zgjedhjet në Francë/ E djathta ekstreme fituese e raundit e parë! Macron dhe e majta aleatë në raundin II të ndalin Le Pen të marrë shumicën absolute
30 Qershor, 21:55
-
Gabimet në Euro 2024, UEFA përjashton dy arbitra nga turneu i Gjermanisë
30 Qershor, 21:51
-
Pjesëmarrje rekord në Francë, mbi 65% morë pjesë në votime
30 Qershor, 21:43
-
Minuta Zero/ Spanjolli që jeton prej 11 vitesh në Shqipëri: Gjermania, pretendente për europianin! 'La Roja' luan ndryshe nga viti 2010, por më efektiv
30 Qershor, 21:32
-
Deputetët e Kosovës ‘poshtërojnë’ ata të Shqipërisë, fitojnë 5-0 në miqësoren e Prishtinës
30 Qershor, 21:20
-
Spalletti pas konfirmimit te Italia: Jemi në pikën zero, por e di se çfarë duhet të bëj
30 Qershor, 21:16