Kryeministri Edi Rama ka marrë pjesë sot në Forumin e Medias për Evropën Juglindore që po mbahet ditën e sotme në Tiranë. Duke folur për sfidat e gazetarisë, Rama tha se e di shumë mirë çfarë do të thotë kur sulmohet një gazetar.
Rama tha se çdo sulm ndaj gazetarëve është i neveritshëm por shtoi se ajo që është në rrezik sot, është e vërteta dhe jo gazetaria, duke theksuar se ka shumë raste që në media janë publikuar lajme jo të vërteta.
“Do përpiqem të tregohem sa më i mirë që mundem, që jam i sigurt se nuk është mjaftueshëm dhe të ndaj me ju disa mendime rreth mbijetesës së gazetarisë dhe luftës për lirinë e fjalës. Nuk mendoj se pyetja është nëse gazetaria do të mbijetojë. Unë besoj se ajo që është në rrezik ditët e sotme është e vërteta dhe jo gazetaria. Gazetaria është bërë një përzierje shumë e madhe mes të vërtetës dhe gënjeshtrës. Dëgjova për 21 sulme, kërcënime kundër gazetarëve në Shqipëri. Problemi është se unë e di çfarë do të thotë sulmi kundër një gazetari, e di se e kam pësuar në lëkurë. Për shkak të rrethanave, historike e njoh luftën për lirinë e fjalës kur kjo luftë ishte duke u zhvilluar. Çdo kërcënim kundër gazetarëve, nuk ka asnjë diskutim që është diçka e neveritshme. Por sa sulme bëjnë gazetarët çdo ditë ndaj njerëzve? E di që politikanët nuk janë njerëz, por megjithatë...ka edhe pjesë njeriu në çdo politikan” – u shpreh Rama ndër të tjera.
Për të folur mbi gjysmë të vërtetat që mund të shpërndahen nga media të caktuara, Rama mori shembullin e marrëveshjes së firmosur me Italinë për pritjen e emigrantëve afrikanë. Ai tha se përkundër asaj çfarë thuhej në marrëveshje, disa media shpërndanë lajmin se në Shqipëri do të priten mbi 3 mijë meshkuj afrikanë dhe asnjë femër, gjë që ishte e pavërtetë.
“Kur kryeministrja italiane, Giorgia Meloni e shpjegoi marrëveshjen për shtypin, qartësoi se në këtë program përjashtohen fëmijët dhe gratë shtatzëna. Lajmi që doli ‘asnjë grua, vetëm 3 mijë burra afrikanë’. Pra lajmi është i përhapur, ndaj më është dashur ta shpjegoj, por ngelet e ngulitur në mendjet e njerëzve. Do vijnë afrikanët këtu të uritur seksualisht dhe Zoti e di çfarë do ndodhë kur të shfryjnë dëshirat e tyre një ditë te vajzat e bardha shqiptare. Deri në këtë pikë arriti. Çdokush pozicionohet në llogoren e vetë, është vetëm kjo prirja për të qëlluar. Ky është një shqetësim që kam dhe doja ta shprehja.”, u shpreh Rama përpara gazetarëve të pranishëm në forum.
Gjithashtu, ai shtoi se qeveria u tërhoq nga ligji për mediat online të ndërmarrë vite më parë me shpresën se do të kishte një vetërregullim, por kjo gjë nuk ndodhi sipas kryeministrit.
Duke folur për nismën e qeverisë të marrë disa vite më parë për rregullimin e medias online, kryeministri Edi Rama tha se u tërhoqën nga ligji për shkak se situata doli jashtë kontrollit.
Më tej ai shtoi se pavarësisht tërheqjes së qeverisë, nuk kishte pasur ndonjë vetërregullim nga ana e mediave online.
“Disa vite më parë kishim disa përballje të jashtëzakonshme për shkak të përpjekjeve të palës tonë politike për të rregulluar medien online, dhe kjo përpjekje vazhdon të më ndjekë pas si hije. Në sensin që edhe pse u tërhoqëm dhe hoqëm dorë prej saj, jo sepse kam ndryshuar mendje por sepse solli një lloj mosmarrëveshje jashtë përmasave normale që shkonte në të kundërt me atë që ne donim të rregullonim, asokohe përgjigja ishte se duhet vetërregullim. Ka kaluar ca kohë ku ne nuk kemi vetërregullim. Ka njerëz që bëjnë gazetari profesioniste dhe të tjerë që mendojnë se me të qenurit gazetar, kanë një dorë të lirë dhe mund të bëjnë çfarë të duan. Dhe numri i gënjeshtrave, i përhapjes së gjysmë të vërtetave është i jashtëzakonshëm”- tha kreu i ekzekutivit.
Kryeministri Edi Rama gjatë Forumit për Median në Evropën Juglindore folir edhe për marrëveshjen mes Italisë dhe Shqipërisë për emigrantët duke u shprehur se numri i gjysmë të vërtetave të përhapura ishte shumë i madh.
Rama komentoi lajmin e përhapur në media ku thuhej se në Shqipëri do të strehohen përkohësisht rreth 3 mijë persona vetëm burra.
“Kur kryeministrja italiane, Giorgia Meloni e shpjegoi marrëveshjen për shtypin, qartësoi se në këtë program përjashtohen fëmijët dhe gratë shtatzëna. Lajmi që doli ‘asnjë grua, vetëm 3 mijë burra afrikanë’. Pra lajmi është i përhapur, ndaj më është dashur ta shpjegoj, por ngelet e ngulitur në mendjet e njerëzve. Do vijnë afrikanët këtu të uritur seksualisht dhe Zoti e di çfarë do ndodhë kur të shfryjnë dëshirat e tyre një ditë te vajzat e bardha shqiptare. Deri në këtë pikë arriti. Çdokush pozicionohet në llogoren e vetë, është vetëm kjo prirja për të qëlluar. Ky është një shqetësim që kam dhe doja ta shprehja.”, u shpreh Rama.
Lajme të tjera
-
Rekord/ 54 mijë e 721 turistë vizituan muzetë kombëtarë gjatë 3 muajve të parë të vitit, 122% më shumë se në 2023
28 Prill, 16:30 -
Sauk/ Shpërthen bombula e gazit në një banesë, plagosen gjyshja, djali dhe nipi (EMRAT)
28 Prill, 14:11 -
Premtuan leje legalizimi dhe punësime për të votuar PS në zgjedhjet e 2019! Gjykata lë në burg zyrtarin e kadastrës dhe në arrest shtëpie kryeplakun e Saukut
28 Prill, 13:39 -
VIDEO/ Meloni solidarizohet me Ramën e Shqipërinë pas emisionit 'Report' të Rai3: U linçuan se ndihmuan Italinë
28 Prill, 13:11 -
Policia Rrugore e Tiranës: Javën që lamë pas 17 shoferë u arrestuan, afro 12 mijë gjoba dhe 8 automjete të bllokuara
28 Prill, 12:16 -
Tiranë/ Shkuan të vizitonin 'Shpellën e Pëllumbasit' mbesin të bllokuar 5 turistë britanikë, gjenden pas 5 orësh kërkime (VIDEO)
28 Prill, 10:51 -
Nga Shkodra në Tiranë me pistoletë në makinë, arrestohet në Vorë 43 vjeçari! Person i skeduar nga policia (EMRI+VIDEO)
28 Prill, 10:25 -
Bunk’Art 2 atraksioni kryesor në qendër të Tiranës! Shikoni radhën e gjatë të turistëve të huaj, presin të hyjnë tek ish bunkeri antibërthamor i Ministrisë së Brendshme
28 Prill, 08:11 -
Basketboll meshkuj/ Besëlidhja 'ia merr dorën' Tiranës, e mposht edhe në ndeshjen e dytë dhe shkon në finale
27 Prill, 22:10 -
Përballet në derbi si ish, Orges Shehi i Partizanit: S'ka rol të madh, më të rëndësishëm lojtarët që e nisin nga stoli
27 Prill, 18:28 -
Bllokim rrugësh dhe tifozët të shoqëruar nga policia, derbi Tirana - Partizani fut kryeqytetin në 'qytetrrethim'
27 Prill, 17:45 -
'Ndaj Partizanit vetëm tri pikë', Erbim Fagu para derbit: Duam të kthejmë buzëqeshjen te tifozët e Tiranës
27 Prill, 16:27
