Rama në Pragë: Jemi të dashuruar me Evropën, deri në fund me BE, nuk pranojmë ‘jo’! Marrëveshja me emigrantët? Nuk i themi dot jo Italisë

Nga Praga, kryeministri Edi Rama foli sërish për integrimin e Shqipërisë në Bashkimin Europian. Kreu i qeverisë mori pjesë në forumin e sigurisë GLOBSEC 2024, në një panel diskutimi me kryeministren e Danimarkës Mette Frederiksen dhe Presidentin e Finlandës, Alexander Stubb.

Sa i takon aspiratave të Shqipërisë për integrimin në BE, Rama tha se nuk i themi kurrë jo unionit, por kritika pati duke u shprehur se duhet bërë më shumë para se të jetë tepër vonë. "Jemi në mënyrë kokëfortë të dashuruar me Europën, nuk pranojmë Jo", tha Kryemnistri Edi Rama. Sipas tij, shqiptarët janë europianë dhe kjon uk vendoset në Bruksel.

“Këtë fakt nuk e vendosin sot në Bruksel, ne jemi një vend europian. Kjo nuk vendoset në Bruksel. Kam sidoqoftë një qasje pak ndryshe nga ajo e Aleksandrit. Për atë që tha se Macron ishte promovuesi më i madh i zgjerimit. Europës i duhej Vladimiri të sulmonte Ukrainën që të mos e merrte të mirëqenë që BP është aty. Mjafton tu thuash horizonti blu do jetë i juaji, por për momentin na duhet të bëjmë ca gjëra të tjera , po kjo është e bazuar në meritë. A është vërtetë e bazuar në meritë, për këtë nuk jam i sigurt. BP është këtu, nuk është zgjerim. Është bashkim.

LEXO EDHE:
Presidentja e Parlamentit të BE-së: Gjermania duhet t’i dërgojë Ukrainës raketa Taurus

Kur vjen fjala për Shqipërinë ne jemi euriopainë, në mënyrën kokëfortë të dashuruar me Europën. Nuk pranojmë jo për përgjigje, do jemi me BE deri në fund, siç ishim me Stalinin. Do jemi me BE edhe Kur be të zhduket. Do ftojmë të gjithë që ta nisin nga Shqipëria dhe të ndërtojmë një tjetër BE. S’ka shans që aktorë të tjerë si Rusia të na ndërrojnë mendjen. Rajoni është një hapësirë ku Rusia ka influencë. Para se të jete vonë duhet që disa gjëra ti bëjmë ndryshe. Duke nisur nga plani i rritjes që është diçka e re. Për vendet që nuk janë anëtarë u jepet mundësi të integrohen në tregun e përbashkët.

Rama gjithashtu ironizoi me faktin se çfarë quhet sot një eurooptimist dhe një europesimist.

“Një eurooptimist thotë që Turqia do të anëtarësohet në Evropë nën presidencën shqiptare, ndërkohë që europesimisti thotë që Shqipëria do të bëhet anëtare nën presidencën turke", tha Rama. 

Shefi i qeverisë shqiptare u ndal te mbështetja e Shqipërisë ndaj Ukrainës si një gjë e natyrshme, pasi Tirana zyrtare e ka kuptuar prej kohësh që nuk ka asnjë interes ta shohë Rusinë si një partner.

“Jemi i vetmi vend në Evropë që prej vitit 1990 nuk ka pasur asnjë vizitë nga autoritetet e larta tonat në Moskë, as nga autoritetet e larta të Moskës te ne. Të kuptuarit të fqinjësisë nuk mudn të zgjidhet duke dërguar një ushtri", vijoi Rama. 

Një koment e pati edhe për marrëveshjen me Italinë për emigrantë, ku së pari Rama tha se Shqipëria nuk i thotë dot jo Italisë, ndërsa së dyti sipas tij kjo marrëveshje tregon se të gjithë jemi europianë dhe duhet të sillemi si të tillë.

Së pari se nuk i themi dot jo Italisë, nuk i thua dot jo as Melonit, por si themi sot jo Italisë për shkak të historisë dhe faktit se sa shumë ka qenë e pranishme për ne Italia kur kemi qenë në situata shumë të këqija. Së dyti, sepse jemi të gjithë europianë dhe duhet të sillemi si europianë edhe pse po na vonojnë lejen për të qenë pjesë e kësaj familje të përbashkët europiane.

Në fillim, kreu i qeverisë nuk i kurseu batutat edhe për formatin e panelit në krah të kryeministres daneze dhe presidentit finlandez.

 “Zakonisht më vini në lokomotivën me avull me njerëz nga Ballkani, ndërsa tani jam në një makinë elektrike me dy nordikë. U ndjetë shumë vetëm në akull dhe do të donit pak diell nga Shqipëria për ta rritur pak temperaturën këtu”, tha Rama. 

Për tri ditë rresht, nga 30 Gushti deri më 1 Shtator dhjetëra udhëheqës po të diskutojnë çështjet kritike për sigurinë dhe mbrojtjen në këtë forum.

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• Çeki
• integrimi ne be
• edi rama
• prage
• BE