Kryeministri Edi Rama ndodhet për një vizitë zyrtare në Spanjë ku merr pjesë në punimet e Samitit të NATO-s që zhvillohet sot dhe nesër në Madrid. Kryeministri Edi Rama dhe bashkëshortja e tij Linda Rama ishin të ftuar dje në darkën mbretërore gala organizuar nga Madhëria e Tij, Mbreti Felipe VI i Spanjës dhe Mbretëresha Letizia në Pallatin Mbretëror të Madridit, ku morën pjesë kryetarët e qeverive dhe të shteteve anëtare të NATO-s.

Kryeministri ka bërë me dije se Presidenti Joe Biden i ka thënë fjalët më të mira për Shqipërinë dhe rolin e saj në Këshillin e Sigurimit e në NATO, si dha ka shprehur dëshirën e tij për të organizuar diçka bashkërisht me rastin e 100 vjetorit të vendosjes së marrëdhënieve diplomatike të Shqipëri-SHBA.

Rama ka shkruar se i ka bërë thirrje anëtarëve të tjerë të NATO që Kosova të ftohet menjëherë në mekanizmin e Partneritetit për Paqe Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën - pavarësisht se Ukraina nuk e ka njohur ende Kosovën. 

Rama, së bashku me pjesëmarrësit e tjerë në Samit është mirëpritur nga Sekretari i Përgjithshëm i NATO-s  z. Jens Stoltenberg dhe Presidenti i qeverisë së Mbretërisë së Spanjës Pedro Sanchez. Në vijim, Kryeministri Rama do të ndjekë seancën plenare të Samitit, ku të pranishëm do të jenë edhe Ministrja për Evropën dhe Punët e Jashtme Olta Xhaçka dhe Ministri i Mbrojtjes Niko Peleshi. Fjala e hapjes së Samitit do të mbahet nga Sekretari i Përgjithshëm i NATO-s  z. Jens Stoltenberg, ndërsa Presidenti i qeverisë së Mbretërisë së Spanjës Pedro Sanchez, do të mbajë një fjalë përshëndetëse.

Samitit iu adresua online edhe Presidenti i Ukrainës Volodymyr Zelensky. Pasditen e së mërkurës, Kryeministri Rama dhe bashkëshortja e tij Linda Rama do të vizitojnë Muzeun Kombëtar Prado, në Madrid, e më pas kryeministri Rama do të marrë pjesë në darkën e shtruar nga Presidenti i qeverisë së Mbretërisë së Spanjës Pedro Sanchez.

Samiti i NATO-s do të vijojë punimet të enjten, në ditën e dytë të tij, ku Kryeministri Edi Rama do të marrë pjesë, së bashku me Ministren për Europën dhe Punët e Jashtme Olta Xhaçka dhe Ministrin e Mbrojtjes Niko Peleshi.

Në këtë seancë, Samitit do t’i drejtohet edhe Presidenti i Asamblesë Parlamentare të NATO-s Gerald Connolly.  Në përfundim, Rama do të marrë pjesë në ceremoninë e nënshkrimit të marrëveshjes me Enagás, e cila është një kompani spanjolle energjetike dhe operator evropian i sistemit të transmetimit, i cili zotëron dhe operon rrjetin e gazit të Spanjës. 
Rendit zhvillimet sipas orarit:
Ora 21:56
Rama publikon VIDEON nga pritja për darkën e punës nga samiti i Madridit! Kujdeset të filmojë çdo gjë

 

Krerët e vendeve anëtare të NATO-s janë mbledhur në Madrid. Kryeministri Edi Rama ka ndarë nga Facebook-u i tij çaste nga darka e punës, ku duket se është i gatshëm të filmojë çdo gjë. Në videon e publikuar shfaqen liderë të cilët takohen me njëri-tjetrin si dhe shkëmbejnë biseda. 

'Me krerët e vendeve të NATO-s në pritjen për darkën e punës së shtruar nga kryeministri i Spanjës, Pedro Sánchez, në Muzeun e famshëm Prado'- shkruan Rama.

G.MO/Shqiptarja.com

Ora 19:24
Ministrja e Jashtme takon homologun e saj të Finlandës: Shqipëria mbështet plotësisht anëtarësimin e në NATO

Ministrja për Evropën dhe Punët e Jashtme, ka takuar homologun e saj të Finlandës Pekka Haavisto gjatë Samitit të NATO-s në Madrid.

'Takimi i shkëlqyer me Ministrin e Punëve të Jashtme të Finlandës Pekka Haavisto gjatë Samitit të NATO-s në Madrid. Shqipëria mbështet plotësisht anëtarësimin e Finlandës në NATO. 

E mirëpritur marrëveshja e suksesshme mes  Turqisë, Finlandës dhe Suedisë që hap rrugën për anëtarësimin e dy vendeve në aleancë.

BASHKË MË TË FORTË!'- shkruan Xhaçka.   

G.MO/Shqiptarja.com

Ora 18:52
Samiti i NATO-s, Rama: Biden fjalët më të mira për Shqipërinë! Kosova të ftohet në mekanizmin e Partneritetit për Paqe

Presidenti amerikan Joe Biden ka thënë fjalët më të mirat për Shqipërinë dhe rolin e saj në NATO. Ka qenë Kryeministri Rama i cili përmes një postimi në Tëitter ka bërë me dije pikat kryesore të pjesëmarrjes së tij në Samitin e NATO-s në Madrid.

"Dëgjova nga Presidenti Joe Biden fjalët më të mira për Shqipërinë dhe rolin e saj në Këshillin e Sigurimit e në NATO, si edhe shprehjen e dëshirës së tij për të organizuar diçka bashkërisht me rastin e 100 vjetorit të vendosjes së marrëdhënieve diplomatike të Shqipëri-SHBA.  Vlerësova marrëveshjen e arritur mes Suedisë, Finlandës dhe Turqisë, duke çmuar qasjen e drejtpërdrejtë të Presidentit Erdogan në funksion të një shqetësimi shumë serioz të shtetit turk dhe nënvizuar se kjo marrëveshje është një shembull për zgjidhjet e problemeve mes aleatësh

SOT në NATO: Kërkova që Kosova të ftohet menjëherë në mekanizmin e Partneritetit për Paqe Vendet që nuk e njohin ende Kosovën duhet të vlerësojnë qëndrimin e saj krejt të njehsuar me BE-në ndaj agresionit rus mbi Ukrainën - pavarësisht se Ukraina nuk e ka njohur ende Kosovën”, ka shkruar Kryeministri.

K.T./Shqiptarja.com

Ora 17:25
Ministrja e Jashtme takon homologun e saj në Holandë: Ndajmë të njëjtin mendim për domosdoshmërinë e negociatave

Ministrja për Evropën dhe Punët e Jashtme, Olta Xhaçka në samitin e Madridit ka takuar homologun e saj në Holandë Wope Hoekstra. Ministrja sqaroi se, ndajnë të njëjtin mendim lidhur me domosdoshmërinë e hapjes së negociatave për anëtarësimin në BE.

'Diskutim mjaft i mirë me Ministrin e Punëve të Jashtme të Holandës, Wope Hoekstra.

Ndamë të njëjtin mendim për domosdoshmërinë e fillimit sa më shpejt të jetë e mundur të negociatave për anëtarësim në Bashkimin Evropian, në mënyrë që të rikthehet besueshmëria e procesit. - shkruan ministrja në Facebook.

G.MO/Shqiptarja.com

Ora 11:48
Rama takohet me Stoltenberg dhe kryeministrin e Spanjës në samitin e NATO-s

1656496203_74b0f79554b44d348965872dfad4ac07.jpg

Kryeministri Edi Rama është takuar me homologun spanjoll Pedro Sanchez dhe sekretarin e përgjithshëm të NATO, Jens Stoltenberg. Rama ndodhet në Spanjë për samitin e NATO-s që zhvillohet sot dhe nesër në Madrid.

Ora 11:44
Samiti i NATO-s/ Rama takon Joe Biden (VIDEO)

Kryeministri Edi Rama takon presidentin amerikan, Joe Biden në samitin e NATO-s. Vetë kreu i qeverisë ka ndarë një video në rrjetet sociale ku afrohet pranë Biden duke biseduar dhe e shoqëron për disa hapa.

B.K./Shqiptarja.com

Ora 08:19
Rama publikon pamjet, ja momenti kur dorë për dore me Linda Ramën priten nga Mbreti Felipe VI i Spanjës e Mbretëresha Letizia

 

Kryeministri Edi Rama, ka ndarë në Facebook një video, ku tregon një moment nga pritja e organizuar mbrëmë nga Mreti Filipe V li Spanjës dhe Mbretëresha Letizia. Ai shfaqet teksa ecën dorë për dore me bashkëshorten e tij, Linda Rama. 

1656483907_WhatsAppImage20220629at8.05.12AM.jpeg

B.K./Shqiptarja.com