Lokalet do të hapen edhe në ambientet e brendshme të tyre, ndërsa gjatë ditës së sotme ministria do të jap edhe detajet dhe kushtet e hapjes së tyre.
Gjatë inspektimit të bizneseve në qytetin e Vlorës, Kryeministri Edi Rama tha lajmin se ditën e sotme Ministria e Shëndetësisë do të njoftojë për hapjen e ambienteve të brendshme të lokaleve për klientët, të cilat deri më sot qëndronin të mbyllura si pasojë e masave anti-covid. Rama u shpreh se Ministria e Shëndetësisë do të japë udhëzimet për lokalet të cilat do të kenë mundësi të punojnë edhe brenda, pasi koha po ftohet dhe qytetarët do ta kenë të pamundur për të qëndruar jashtë.
“Sot do të dalë njoftimi i ministrisë së Shëndetësisë për hapjen brenda të lokaleve, se është problem tani që fillon koha më e ftohtë, por duke respektuar masat”, tha Rama.
Kryeministri ndërsa inspektoi disa biznese të zonës duke theksuar edhe çlirimin e tyre nga tatim fitimi dhe TVSH-ja, tha se nuk do të ketë më inspektime, por vetëm mbikëqyrje kundër punës në të zezë, duke respektuar punën e punonjësve. Rama ka zhvilluar takime me bizneset ndërsa ka folur me ta për situatën që ndodhet biznesi dhe sesi ka ecur sezoni i tyre turistik gjatë pandemisë.
"Heqja e TVSH ishte gjëja më e mirë për biznesin. E nisëm deri në 80 milionë që bëmë një zbritje të fortë gjysmë për gjysmë të taksës që ishte më parë dhe pastaj e shtrimë në 120 milionë. Tani e çuam në 140 milion . Deri tek 100 pa taksa, pa TVSH, tek 140 milionë pa taksa por me TVSH. Gjeja më e rëndësishme është se do shpëtoni nga çdo kontroll inspektimi dhe faturë, por duke monitoruar respektimin për punonjësit sigurimet shëndetësore e shoqërore" tha Rama.
Gjatë vizitës në qytetin e Vlorës për t'u takuar me strukturat e Partisë Socialiste dhe bizneset në Vlorë, kryeministri Edi Rama është ndalur për të zhvilluar një bisedë me gjyshet vlonjate, në një lokal të zonës.
Rama ka publikuar një foto në rrjetet sociale, ku duket i qeshur me disa gjyshe në Vlorë.
“Me gjyshet vlonjate dhe nipat e mbesat e tyre”, shkruan Rama.
Gjatë inspektimit të disa bizneseve në Vlorë, kryeministri Rama nuk ka kursyer as batutat me pronarët e bizneseve. Duke folur për zerimin e taksave dhe TVSH, Rama ka shtuar se "PD në Vlorë e kemi si hudhrën që e vendosim aty për të mos marrë mësysh"
Biseda e kryeministrit me pronarin e biznesit të akulloreve
Edi Rama: Si je, çfarë thonë akulloret?
Biznesmeni: Deri tani na kanë shkuar gjërat mirë
Edi Rama: Kanë ardhur inspektorët të hanë akullore?
Biznesmeni: Për të ngrënë nuk kanë ngrënë, por për të ardhur kanë ardhur
Edi Rama: Tani nuk ka më inspektorë, se gjithë biznesi i vogël nuk do të ketë taksa dhe TVSH dhe inspektorë që të vijnë t’ju nxijnë jetën. Do të monitorohet vetëm paga, sigurimet shoqërore dhe shëndetësore të atyre që ke pas banakut. Do zoti i thërrisni pak mendjes t’ua rrisni pak rrogën.
Biznesmeni: Mendjes i kemi thirrur, nga një kam bërë 3 lokale pas 5 viteve, kemi punë më shumë vendi është bërë shumë më mirë. Unë nuk shikoj ngjyrën PD-PS, por njeriun që punon.
Edi Rama: PD në Vlorë e kemi si hudhrën që e vendosim aty për të mos marrë mësysh
Komente
Lajme të tjera
-
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor, 20:35 -
2-vjeçari me tumor priti mbi 10 ditë për ilaçin e kimioterapisë, Partia e Lirisë: Duhet hetim, sistemi shëndetësor ka degraduar
26 Dhjetor, 20:00 -
Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes! Hetime dhe për zjarrvënie të qëllimshme (VIDEO)
26 Dhjetor, 16:23
-
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
Zyrtare/ Bruno Telushi rikthehet në shtëpi pas 7 vitesh, firmos me Flamurtarin
26 Dhjetor, 10:55 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Krimi në familje në Sarandë, e arrestuara shtang hetuesit: Tentova ta vrisja dhe më parë bashkëshortin, nuk kisha arsye!
25 Dhjetor, 15:53
