Rama niset në Venecia:Në Bienale
me artistët kosovarë dhe shqiptarë

TIRANE - Kryeministri Edi Rama, përmes rrjeteve sociale, ka bërë të ditur nisjen e tij për në Venecia, ku do të jetë prezent në Bienalen ku Shqipëria do të përfaqësohet me artistët Edi Hila dhe Ardian Paci.
 
Në postimin e tij kryeministri Rama ka konfimuar prezencën e tij në Bienale, ku nesër do të prezantohet Pavioni shqiptar në Arsenale.
 
“Per Venezia. Neser Pavioni Shqiptar ne Arsenale,hapesira prestigjioze e Bienales ku paraqesim Edi Hilen&Ardian Pacin.” shkruan Rama në Twitter.


(Në foto: Postimi i Kryeministrit Edi Rama në Twitter) 

Ndërkaq në Bienalen e Venecias, do të jetë pjesëmarrëse edhe pavioni kosovar, e cila është komentuar edhe nga kryeminisri Rama në rrjetet sociale, duke u shprehur se shqiptarët do të jenë të vetmit që do të përfaqësohen me dy grupe artistësh.
 
“Ne Arsenale edhe Pavioni i Kosoves. Shqiptaret te vetmit me dy grupe artistesh.” shprehet Rama në Twitter

Javën e kaluar Ministrja e Kulturës Mirela Kumbaro ka prezantuar artistët pjesëmarrës Edi Hila dhe Ardian Paci, që do të përfaqësojnë vendin tonë në edicionin e 14-të Ekspozitës Ndërkombëtare në Binalen e Venecias.
 
Shqipëria do të marrë pjesë me pavijonin e saj të titulluar “Potential Monuments of Unrealised Futures” (Monumente të Mundshëm Ardhmërisht të Parealizuara). Edi Hila” do të prezantohet me një seri pikturash të quajtur “Penthouse)” Shtesat”) dhe Adrian Paci me një video-instalacion të quajtur “The Column“ (Kolona). Pjesëmarrja e Shqipërisë në këtë eveniment, vjen me mbështetjen e Ministrisë së Kulturës, Këshillit të Ministrave.
 
Në edicionin e 14-të të ekspozitës ndërkombëtare, marrin pjesë 40 shtete. 


(Në foto: Postimi i Kryeministrit Edi Rama në Twitter) 

Redaksia Online
(e.c/shqiptarja.com)