POP 5

Lajmet më të lexuara të 5 minutave të fundit

Sociale

Mbi 1.5 mln shqiptarë preken nga mbyllja e TikTok, influencuesit gjejnë platformë të re

1 milionë e gjysmë shqiptarë kanë llogari në TikTok. Por teksa qeveria ka njoftuar mbylljen e kësaj platforme, personazhet e rrjeteve sociale kanë njoftuar kalimin e tyre në një platformë të ngjashme, të quajtur Clapper. Qeveria thotë se nuk mund të mbyllë gjithçka, por paralelisht ju ofron fëmijëve programe cilësore në shkolla për ta shpenzuar kohën në mënyrë produktive.

Mbyllja e rrjetit social Tik-Tok, do të prekë 1 milionë e gjysmë shqiptarë. Sipas faqes World Population Review, kaq është numri i llogarive që kjo platformë ka në Shqipëri.

Por teksa rrjeti kinez po shkon drejt mbylljes në vendin tonë, personazhet e famshëm që përdorin TikTok, ju kanë sugjeruar ndjekësve, të kalojnë në një platformë të ngjashme, të quajtur Clapper, deri tani thuajse të panjohur në Shqipëri.

Por çfarë është Clapper e si funksionon ajo? Kjo platformë u krijua në Amerikë në vitin 2020. Ai është konsideruar ndryshe si "TikTok për të rriturit".

Përmbajtja në Clapper pasqyron atë që do të gjenit në TikTok - skica komedi, shaka dhe video të tjera argëtuese. Megjithatë, Clapper është një platformë vetëm për të rritur, që kërkon që përdoruesit të jenë të paktën 17 vjeç, që do të thotë se disa përmbajtje mund të mos jenë të përshtatshme për audiencën më të re.

Suksesi në to varet nga origjinaliteti, sepse nuk lejohet të publikohen pamje të përsëritura apo të prodhuara nga të tjerët. Edhe në këtë platformë, përdoruesit mund të fitojnë para përmes suksesit të tyre në video të ndjekura apo lojëra të ndryshme.

As këtu nuk ka filtra dhe kufizime. Çfarë ngre shqetësimin, se risqet që vinin nga Tik-Tok, mund të jenë edhe në Clapper.

Qeveria, e pyetur nga gazetarët për këtë tendencë të re, që po e përqafojnë të rinjtë në Shqipëri, tha se po ju ofron të rinjve mundësi që pas mësimit të mos rrinë në rrjete sociale, por të veprojnë shëndetshëm.

Aktualisht nuk ka të dhëna se sa shqiptarë janë të regjistruar në “TikTok-un amerikan” të quajtur Clapper.

Xh.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57