Rama mbledh online krerët e bankave: Vihet në zbatim garancia sovrane për pagat e kujt s'shkon dot në punë! Në prill zgjerohet paketa

Foto nga mbledhja online

TIRANË- Bankat e nivelit të dytë kanë rënë dakord me qeverinë për t'u dhënë kredi pronarëve të bizneseve që kanë hasur vështirësi ekonomike si pasojë e COVID-19, për të paguar pagat e punonjësve, pa asnjë rrezik pasi shteti del garant. Një marrëveshje e tillë është arritur ditën e sotme në mbledhjen e zhvilluar online me guvernatorin e Bankës së Shqipërisë, Gent Sejko dhe përfaqësuesit e bankave të nivelit të dytë, e drejtuar nga kryeministri Edi Rama. Që do të thotë se bizneset e vogla, të mesme apo të mëdha tashmë mund të trokasin në derën e bankave për kredi, por Rama nuk ka dhënë shumë detaje se si do të funksionojë, kriteret apo normën e interesit. 

"Me bankat për paketën financiare të luftës; Vënien menjëherë në lëvizje të instrumentit të garancisë sovrane për pagat e punonjësve që nuk shkojnë dot në punë; Zgjerimin e paketës gjatë muajit prill", shkruan Rama. 

Fondi i garancisë sovrane vendosur nga qeveria është 100 milionë dollarë me qëllim që çdo punonjës të marrë pagën e munguar, në një kohë kur puna ka qenë e mbyllur për shkak të masave parandaluese për përhapje e koronavirusit. Në deklaratën që ka bërë më herët shefi i kabinetit qeveritar, ky fond është i mjaftueshëm për të përballuar nevojat për 3 muaj.  Megjithatë, nuk dihet ende konkretisht nëse çdo punonjës do të paguhet aq sa ka rrogën apo mbështetja do të jetë deri në 1 pagë minimale.

Ndërkohë, kreu i shtetit ka njoftuar gjithashtu se paketa financiare e prezantuar më herët për të përballuar pasojat ekonomike të COVID-19 do të zgjerohet në muajin prill. Plani aktual prej 7 pikash për të përballuar pasojat dhe luftën me koronavirusin në të gjitha frontet kap shifrën prej 300 milionë eurosh. Zgjerimi i kësaj pakete, ka qenë edhe një nga kërkesat kryesore të Partisë Demokratike, artikuluar nga kryedemokrati Lulzim Basha, i cili ka kërkuar 3-fishimin e saj, duke theksuar se është krejtësisht e mundur. 

Foto nga mbledhja online

B.K./G.M./Shqiptarja.com
  • Sondazhi i ditës:

    A duhet të ketë një takim Rama-Basha për të finalizuar reformën zgjedhore?

Komento

Komente

  • Ggg: 01/04/2020 14:34

    O njerez me vjen shume keq qe nuk e kuptoni..... Asnjeri nuk do marre asgje sepse keto jane lojera kastile qe te mos perfitoje askush dhe nga ana tjeter keta te dalin si shpetimtare, po te shikoni listen e bizneseve qe lejohen te punojne do e kuptoni shume mire kete gje dhe me e forta eshte qe nuk ka leje per te qarkulluar per ato biznese qe lejohen, edhe ato pak leje qe merren jepen duke paguar lek nen dore..... E vetmja shprese per ne eshte qe te mbaroje sa me shpejt kjo situate sepse qeveria jone eshte vetem per fasada....

    Përgjigju
  • Bes: 01/04/2020 13:51

    Kjo eshte show rradhes. Qeveria e ka listen e personave qe paguajn sigurime dhe shume kollaj mund ti shperndaj leket ose duke ja kaluar ne nr e llogaris aktuale qe kan dhe njoftohen me sms ose opsioni dyte te shperndahen neper pikat e postes per ata qe kan pune ne te zez ti bashkoj me personat qe marin ndime sociale dhe tju japi ose nje shume fikse per te mbyllur muajn min jetik. Po realisht kjo eshte nje tallje totale. Nuk ke si detyron pronarin te mari kredi kur ti nuk jep nje afat sa zgjat kriza. Fut ne konflikt pundhesin punemarsin me dinakeri dashakeqse per te heq pergjegjsine nga vetja ku shkatari kufizimeve je ti jo pundhensi. Ateher po ke merak per punemarsir kaloju rrogen automatikisht mos u tall. Banka si ka leket e veta i ka te atyre qe kan depozita ku ti gjej leket banka sikur neser njerzit te kerkojn te terheqin depozitat???? Nuk do marin se banka ska ku ti gjej se nuk prodho leke fitimin e nxjer nga qarkullimi. Qarkullim ska pra as likuditet skan as bankat. Prandaj mos krijo situata me diversant ku fajtori je ti per kolapsin qe po krijon.

    Përgjigju
  • Sefer Daja: 01/04/2020 13:46

    Sqaroni si do veprohet per ata te punesuar qe nuk kan nje nr.llogarie.Per te shmangur rradhet e teperta a nuk do ish me mire te kalohej pagesa tek nr.llogarise se punedhenesit ? Pse te punesuarur duhet te dalin nga shtepite 2 here ? A e kuptoni rradhet qe do krijoheshin ne sportelet e bangave?

    Përgjigju
  • Luli: 01/04/2020 13:41

    Ky vrepim eshte nje hap nga falimenti i bizneseve! KREDI PER PAGAT!

    Përgjigju


×

Lajmi i fundit

John

Matje temperature, higjienizim të duarve dhe këpucëve në çerdhe dhe kopshte, Veliaj: Bashkëpunim me prindërit për të mos rrezikuar asnjë