TIRANE-Rreth 300 milionë euro është paketa me shtatë pika e qeverisë shqiptare për të përballuar pasojat dhe luftën me koronavirusin në të gjitha frontet, shëndetësi, por edhe bizneset dhe individët. Pasditen e sotme, kryeministri Edi Rama shpalosi planin. 20 milionë euro i janë vendosur në dispozicion Ministrisë së Shëndetësisë për të përballuar emergjencën për pajisje dhe personelin.
Për kompanitë e mëdha në vështirësi për pagat e punonjësve do të jepen 80 mln euro, që do të sigurohen përmes një huaje shtetërore (garanci sovrane, eurobond i ri). Kjo do të thotë se çdo punonjës që punon në privat dhe që ka munguar duke u vetëizoluar për shkak të koronavirusit do të marrë pagën e munguar. "Nëse aktiviteti është i hapur dhe nuk shkojnë në punë, nuk do të kompensohen" tha Rama.
Për, biznesin e vogël, shtresat në nevojë dhe papunësinë, kategoritë më të prekura nga situata e krijuar qeveria ka akorduar në total 53 milionë euro. 16 milionë euro do të jenë në dispozicion të Ministrisë së Mbrojtjes për operacionet humanitare. Qeveria ka menduar që 8 mln euro t'i mbajë rezervë për cdo situatë që mund të dalë në vijim. Një tjetër pikë ishte edhe fshirja e kamatëvonesave të energjisë elektrike për 211024 abonentë me efekt 120 mln euro në buxhetin e shtetit.
Pika e fundit e planit ishte riskedulimi i tatim fitimit për të gjithë biznesin nga 2-14 mln lekë xhiro. Në total paketa është 2.13% e PBB, pa garancinë sovrane 1.56% e PBB. Ky, tha kryeministri është vetëm plani 'A', që kërkon edhe rishikim të buxhetit të vitit 2020, duke uruar që kjo gjendje e krijuar të mbarojë sa më shpejt, pa shkuar te 'D'-ja. "Nesër, datë 20.03.2020, ky plan do të hyjë në fuqi si Akti Normativ i ndryshimeve në Buxhetin 2020" tha Rama. Sa i përket planit me tetë pika të PD-së, Rama tha se e ka studiuar me ekspertët dhe se fatura ishte 1 miliard e 177 mln euro.
7 masat e qeverisë për koronavirusin
1) 2.5 miliardë lekë (20 mln euro) për luftën në vijën e zjarrit, që vihen në dispozicion të Ministrisë së Shëndetësisë, për pajisje e materiale mjekësore apo mbështetje të stafeve mjekësore.
2) 10 miliardë lekë (80 mln euro) përmes instrumentit të një garancie sovrane për kompanitë që kanë vështirësi objektive për të paguar pagat e punonjësve.
3) 6.5 miliardë lekë (53 mln euro) për nevojat më imediate:
o Për shtresat më në nevojë;
o Për biznesin e vogël;
o Për papunësinë e mundshme për shkak të luftës
4) 2 miliardë lekë (16 mln euro) që vihet në dispozicion të Ministrisë së Mbrojtjes, për Operacionin Humanitar.
5) 1 miliardë lekë (8 mln euro) si fond rezervë për Këshillin e Ministrave, për cdo urgjencë të paparashikueshme.
Gjithashtu:
6) Do të fshijmë përgjithmonë kamatvonesat për debitorët aktivë që kanë konsum energjie sot, familjarë apo biznes i vogël, me efekt financiar deri në 15 miliardë lekë (120 mln euro). Nga kjo masë do të përfitojnë 211 mijë e 24 abonentë.
7) Do të riskedulojmë në 6 mujorin e dytë të vitit 2020 dhe në vazhdim, tatim fitimin për të gjithë biznesin deri në fashën nga 2 deri në 14 milionë lekë, ose nga 20 deri në 140 mijë dollarë xhiro. Shtyrja e dorëzimit të bilanceve për një periudhë deri në 1 qershor të këtij viti për bizneset që dorëzojnë bilancet në QKB online ose drejtë për drejtë.
Lexo këtu fjalën e plotë të kryeministrit Edi Rama
Masat e marra nga qeveria për përballimin e situatës nga koronavirusi kanë prekur edhe qeverinë e deputetët që do u përgjysmohet paga. Kur erdhi fjala te Presidenti, 'armët' u ulën duke lënë pas krahëve luftën politike, kryeministri tha se nuk ia përgjysmoi pagën për të shmangur keqkuptimet, ndërsa e falenderoi publikisht për mesazhet që ka përcjellë në këto kohë të vështira.
'Ekonomia jonë nuk mund të zbatojë ëndrrat opozitare apo atyre që nuk dinë tablat e shumëzimit. Do të financojmë mbijetesën në luftë, të atyre nga ne që do të përfundojnë në kthetrat e armikut, atyre që nuk shkojnë në punë, atyre që pa biznesin e vogël mbijetojnë nesër.
Këta janë ata që kanë më shumë nevojë në këtë moment, të tjerët jo vetëm që nuk duhet të kërkojnë, por të hapim nëse duhet të kalojmë në planin B. Sepse të parët ata me halle reale nuk duhet ti lëmë vetëm, të dytët të bëjnë luftën e tyre si të gjithë të tjerët dhe ekonomikisht ndryshe nga të tjerët.
Unë doja që në planin A të impononim dicka nga vetja, si biznesi i madh apo kanë një pagë të lartë, por më bindën si mesazh i gabuar, ku do të dilte se shteti nuk ka para. Nuk do të presim asnjë pagë përveç të këshillit të ministrave dhe deputetëve që do të marrin gjysmë e rrogës deri në fund. Nuk duam të krijojmë keqkuptim duke përgjusmuar pagën e presidentit, që haka e do që ti bëj një falenderim publik se po ndihmon si sa dhe si mundet. Drejtuesit e lartë e kanë në dorën e tyre ta bëjnë apo" tha Rama.
7 masat e qeverisë për koronavirusin
1. 2.5 mld lekë (20 mln euro) për Ministrinë e Shëndetësisë për luftën në vijën e zjarrit për pajisje dhe mbështetje për personelin
2. 10 mld lekë (80 mln euro) për garanci sovrane për kompanitë që kanë vështirësi për pagat
3. 6.5 mld lekë (53 mln euro) për nevojat imediate për shtresat në nevojë për biznesin dhe papunësinë
4. 2 mld lekë (16 mln euro) për mbrojtjen për operacionet humanitare
5. 1 mld lekë (8 mln euro) për qeverinë për cdo urgjencë
6. Do të fshijmë përgjithmonë kamat-vonesat për energjinë me efekt 15 mld lekë (120 mln euro) do të përfitojnë 211024 abonentë
7. Do të riskedulojmë tatim fitimin për të gjithë biznesin nga 2-14 mln lekë xhiro.
Pas planit 'A', kryeministri Edi Rama tha se ka një rezervë edhe për një tjetër 'B' apo 'C', por uroi që të mos ketë një plan 'D', pasi shtoi se po arritëm në atë pikë vetëm Zoti e di se cfarë do të ndodhë. "Ka edhe disa allasoj që thonë ja Trump, Merkel dhe të tjerët hapën thasët. Po unë që duhet ti dëgjoj të gjithë duke lundruar me sy në komentet tuaja që më mbyllen në 3 apo 4 të mëngjesit. Unë jam sot këtu, që kjo luftë e ktheu popullin në një familje. Jo unë, por askush në botë, nuk e dimë se deri kur vazhdon kjo luftë prandaj edhe plani ynë do të jetë, A me një rezervë B dhe një C dhe nëse armiku nuk do të largohet për 6 muaj do të vijmë te një plan D, Zoti e di se cfarë forme ka një plan D. Askush nuk e ka një plan të shkruar. Të gjithë besojnë se kjo cudi do të zgjasë 3 muaj. Me të dalë ku të dalë nuk dalim nga shtëpia nesër dhe të biem në një gropë të hapur që të mos dalim as për tre vjet. Plani që do të zbatojmë nuk është ecje qorrazi. Plani unë është nga poshtë lart me kategori dhe shtresat, për më të dobëtit".
Kreu i qeverisë u shpreh se ndryshe nga solidariteti që u tregua nga vendet e ndryshme të botës pas tërmetit tragjik, këtë herë përballë koronavirusit, jemi të vetëm në këtë luftë. "Në këtë luftë për ekzistencë jemi vetëm. Nuk jemi si pas tërmetit kur riprogramuam buxhetin, morëm rrugët e botës me dorën shtrirë si hallexhinj dhe hapëm dyert duke garantuar fondet e rindërtimit. Jo! Nuk jemi si pas tërmetit, na ka hyrë në shtëpi një armik që rrezikon të na marrë qindra nëse nuk e ndajmë mendjen se jemi vetëm. Nuk kemi kujt ti shtrijmë dorën askujt tjetër, sepse askush nuk e shikon hallin tonë. Nuk ka mbetur më derë në botë që nuk është mbyllur".
Në fjalimin e tij të gjatë drejtuar shqiptarëve, kryeministri Rama sulmoi edhe opozitën për planin që propozoi dhe deklaratat kundër qeverisë. "Ju dua shumë si të shtëpisë sime, por mos më kërkoni fjalë të sheqerosura. Luftoni pa pushim me zakonet e jetës së përditshme. Nuk duhet të jemi si me pushime dhe të presim nga qeveria si në ditët e bekuara. E di që ka plot nga ju që nuk e kuptojnë se nuk duhet të dalin në shëtitje, ka edhe nga ata që mendojnë se po i tremb duke thënë luftë, luftë, luftë. Por në fakt, kjo është e para luftë, që e ka zbukuruar botën si nuse, nuk ka asnjë këmbë ushtari në rrugë. Prandaj ju lutem dhe u kërkoj ndjesë mos prisni nga unë që të mos ua përsëris pa pushim; luftërat nuk vijnë për të mos na dëmtuar apo për ta bërë detin kos.
Bashkë me rrezikun sjellin edhe rrezikun e vdekjes ekonomike. Kjo luftë është e para në histori që e kthen një popull të mbyllur brenda mureve të shtetit të tij dhe e bën shtëpinë e përbashkët. Kjo do të thotë sesa do të kërkoni dhe unë tu plotësoj, në këtë shtëpinë tonë të përbashkët në lagjen me të varfër të Europës, qeveria do të bëjë gjithcka mundet, por cdo anëtar i familjes sonë duhet të ndërgjegjësohet, se gjithckja nuk mund të përfshijë shumëcka në kohën e paqes. Qeveria mbledh edhe administron të ardhurat nga puna e secilit prej nesh. Rriten të ardhurat, ka më shumë për shtëpinë, bien të ardhurat ka më pak. Shteti mbahet me taksa, jo me frymën e shenjtë. Në këtë luftë të ardhurat e shtetit do të bien në një pikiatë po aq të hatashme dhe më dëgjoni. Nuk dimë dot se në cfarë pike do të na bien të ardhurat. Nuk mund të jetë një plan për ti kënaqur të gjithë sot dhe për ti lënë me gisht në gojë nesër. Platformat e opozitës e kthejnë detin në kos.
Ekonomia jonë nuk mund të zbatojë ëndrrat opozitare apo atyre që nuk dinë tablat e shumëzimit. Do të financojmë mbijetesën në luftë, të atyre nga ne që do të përfundojnë në kthetrat e armikut, atyre që nuk shkojnë në punë, atyre që pa biznesin e vogël mbijetojnë nesër. Këta janë ata që kanë më shumë nevojë në këtë moment, të tjerët jo vetëm që nuk duhet të kërkojnë, por të hapim nëse duhet të kalojmë në planin B. Sepse të parët ata me halle reale nuk duhet ti lëmë vetëm, të dytët të bëjnë luftën e tyre si të gjithë të tjerët dhe ekonomikisht ndryshe nga të tjerët" tha Rama.
Kryeministri Edi Rama kërkoi nga të gjithë qytetarët që të qëndrojnë bashkë në këtë luftë kundër koronavirusit, pasi në të kundërt, ai solli shembullin e asaj që po ndodh në Bergamo të Italisë, ku tha se nuk do të ketë më kush të na varrosë, jo më kush të na qajë. "Pa pushim dhe ngurrim deri sa të mbarojë kjo luftë. Fjalët e sheqerosura janë një tradhti. Shikoni cfarë po ndodh në vendet shumë më të zhvilluara nga Shqipëria, po e paguajnë iluzionin se kjo është një ëndërr që do të mbarojë. Një armik i rënë mbi kokat e tyre u ka zhvlerësuar trilionat e bombave dhe armatimeve në depo, pa shtretër, maska dhe aparatura, e deri pa numër mjekësh të specializuar kundër asfiksimit të qenies njerëzore.
Si Shqipëria si Amerika gjenden në të njëjtën anije në det të hapur dhe kanë një armë të vetme, rezistencën e popullit të tyre, një armë që ka një fishek, unitetin dhe një objektiv atë që ke në shtëpi, punë e rrugë që duhet ta mbash më larg. Si ushtria amerikane si ajo shqiptare kanë të njëjtën forcë goditëse, zero! Asnjë aleancë mes shteteve nuk ekziston dhe nuk duket, secili në vete dhe Zoti mbi të gjithë. Ndajeni mendjen, ose luftojmë bashkë, ose të gjithë bashkë si popull do të biem në humnerë, si në Bergamo nuk do të ketë më kush të na varrosë, jo më kush të na qajë".
Komente
Lajme të tjera
-
FOTOLAJM/ Rama shijon diellin e Korçës mbas Hallouinit
2 Nëntor, 12:53 -
FOTOT/ Lungomare 3, i dhuron Vlorës shëtitoren më të gjatë në Mesdhe
2 Nëntor, 12:50 -
Ervin Salianji letër nga burgu i përgjigjet Ramës: Më paracaktove dënimin! Je arkitekti i bashkerendimit të punëve me kriminelët për votën
2 Nëntor, 11:09 -
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Ilir Meta ‘ndjek’ Ramën nga burgu: Ekzaltimi fals i kryeministrit për negociatat, procesi duhej të ishte mbyllur prej kohësh
1 Nëntor, 19:00 -
Rama ndoshta është si Hiroito!
1 Nëntor, 18:59
-
'Gjetëm skemë pensionesh skandaloze, bëmë reformë', Rama në Korçë me pensionistët: Kush punon ende, sigurimi shoqëror do jetë në funksion të pensionit të vet
1 Nëntor, 18:20 -
Të dielën me shqiptarët në Selanik, Rama: Rikthehem atje ku historia na ka lidhur me 1 mijë fije me fqinjët tanë jugorë
1 Nëntor, 15:48 -
PD çon Ligjin për ‘Zonat e Mbrojtura’ në Kushtetuese, Zhupa për Report TV: Kthehen në beton, s’është politikë! S’mund të shndërrohen në vilat e oligarkëve
1 Nëntor, 14:42 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
Projekti ‘Lungomare’, drejt përfundimit ‘Uji i Ftohtë’-Radhimë, Rama: Po punohet edhe për projektin e bregdetit të Orikumit (VIDEO)
1 Nëntor, 08:39 -
A do negociojë BE dialogun Pozitë - Opozitë? Gonzato: Më pëlqen muzika por nuk jam dirigjent i mirë! Rama: Zgjedhja për të vrarë veten, legjitime nuk ndalohet dot, më vjen keq
31 Tetor, 11:51
Z. Rama, bëni ju lutem atë që po bëjnë dhe vende të tjera si Brukseli, ndërgjegjësoni personat që kanë lënë me qera ambientet e tyre për bizneset e vogla, pra për të vetëpunësuarit që të mos u marrin për një, apo dy muaj qeranë. Dhe shpalleni këtë si një akt solidariteti me krizën e madhe që po kalon vendi. Ju faleminderit
PërgjigjuDUHEJ TE kishe marre masa mor fytyre-qen,,,duhej te kishe para ne fondin reserve,,ose ne fondin e emergjences duhej te kishe 10 milliard euro.....na trego sa leke ke,,,,jam I sigurt qe nuk e kalon 2 milion dollar...
PërgjigjuNqs e le arken e shtetit plot ta vjedhin te tjeret, kshq me mire ta boshatisesh vete.
Keto masat e marra nga qeveria u ben si pralla dhe per ata te termetit,shikoni faturimet e dritave ujit keto muaj se aty do tua kepusin ndihmen kryesore.kjo situat do vej keq pas virusit dhe ne si komb kopjacesh do ngrihemi si italianet,francezet se fundja virusi te veten do bente po ju per ca i moret votat e taksat,ca sfunksionojn me qeverisjen europiane ne ndryshim nga ajo lindore.
PërgjigjuKOT SHPRESONI TEK EDI RAMA,,,KY ESHTE NJE HAJDUT ,,KY E KA MENDJEN TE VJEDHE,,EDHE LEKET PER KETE SITUATE DO I VJEDHE,,MUND TE LERE NJA 3 MILION EURO...PO TE KISHTE PARA NUK E PRISHTE KONCESIONIN E CHECK-UPIN DJE,,,LEKET I KA VJEDHUR,,ME SE PO BEHEN pallatet qe ndertohen nxitimthi ne tirane e durres,,pa plan urbanistik...nuk e shikoni qe nuk kane para te lajne dhe dezifektojne rruget- bizneset-shkollat-lokalet-restorantet ,zyrat,,nuk jane ne gjendje per asgje,,sot duhet te kishin 20 mjete qe te benin dezifektim perdite ne tirane ...cfare pret nga cuni i kurves...
PërgjigjuPo të ishte luftë me armë, ku do përplaseshit? Do prisnit qeveria t'ju ndihmonte? Ku do futeshit? Në strehimoret që i keni prishur? Do ju thërrisnin nën armë e ku i dihet ku do e mbanit vrapin. Tani, edhe kjo luftë është, bile më e rrezikshme se nuk e sheh armikun. Atëherë do kavërdisesh me dhjamin tënd, do bësh fasule gjithë ditët e do mbijetosh, luftë për ekzistencë është kjo. Prandaj bëni atë që duhet bërë, respektoni njëri-tjetrin, bëni detyrën si qytetarë ti bindeni rregullave e ligjit, ju të vilave ndihmoni ata që kanë nevojë...vetëm prisni që t'i zgjidhin të tjerët. Iku koha kur i zgjidhte shteti, as nuk vjen më, por mos kujtoni se bota i fal kamatvonesa, flijeni mëndjen, duhet të jeni mirënjohës për punën që po bëhet, bëhuni më njerëzorë!
PërgjigjuKu do i gjesh keto para o debil kokoe bosh
PërgjigjuLajmi fundit ishte qe do benin xhep te Unaza hahahah. Po pse o shoku vetem komente negative? Rendsi ka qe shteti po e ben dicka dhe bravo i qoft, nuk ka rendsi kush eshte? Por dhe masat drastike duhen ne raste te jashtzakonshme sic ndodhet bota ne kto momente. Ti lem negativitet dhe popullit te behet nje. Vetem me dashuri e mirkuptim kalohen gjerat se situata eshte kjo qe eshte.
Flamur Noka per shef I emrgjencave civile do ishte nje person I I duhur per ate pune.
PërgjigjuPo tallesh besoj apo jo
Faleminderit Zotit ne rradhe te pare qe ne kete kohe tejet te veshtire shkroi per ne fatin te kemi kete Kryeminister. Artist, idealist, atdhetar e diplomat.
PërgjigjuZoti KM, ne sektori turizmit dhe i sherbimit qe kemi qe ne daten 9 mars qe kemi mbyllur aktivitetin per arsye sepse dhe aeroporti eshte mbyllur rruget jane bllokuar, ku te plasemi te gjenerojme te ardhurat per te paguar detyrimet e shtetit per muajin Mars, taksat e qerase per zyrat ne aeroport, kestet e kredive qe i “shtyve”, por qe vendos banka per shtyrjen ose jo, hap syte zoti KM se ne vajtem ne fund fare. Pagat e punonjesve per kete muaj ku ti gjejme qe ti paguajme. Keto dil e thuaj bizneseve dhe jo perralla kot. Jemi duke u munduar me mish e me shpirt me sakrifica per mbijetese per te ngritur dicka ne kete shqiperi te bukur qe cdo gje na kerkohet dhe asgje sna ofrohet. Fillo mendo dhe llogjiko me kembe ne toke dhe jo me mendime ne ajer. Sepse dihet shume mire qe barkengopuri nuk pjerdh per barketharin.
PërgjigjuO doktor te kesh nje rrog dhe te kesh nje mal me detyrime e borxhe per te paguar eshte pak ndryshe po ti do jesh urolog per meshkujt shkurt doktor kari.
Shko ore pirdhu, paske biznes ti dhe nuk paske asnje lloj mundesie mbijetese..po ata qe kane vec nje rroge si ja bejne? do vec te fusesh n xhep ti spaske deshire per te shpenzuar.. eshte kohe epidemie debil, po vdesin njerez, nuk flitet per para...mbylle dhe ha buke me djath si te gjithe..idiot!
Fjalim i sakte me zemer ne dore. Eshte kohe e sakrificave per te gjithe. Jemi ne lufte me mbijetesen. Flm z. KM per gjithshka po beni.
PërgjigjuKa shume menyra per te kursyer z.Rama.nese nuk dini, merrni konsulente te huaj, te paanshem politikisht,sigurisht jo aq te afte sa z.Ahmetaj,po ama qimen nga qulli do e nxjerrin. E nese se ben, dmth qe ke fut doren ne thes e se nxjerr dot. Se per modifikim shpenzimesh e zakonesh, filloje nga qeveria dhe administrata, se syte ne balle i kemi e po i shohim se si ata nepunesa publik po pasurohen, e populli e privati po varferohet. Eshte mekata qe tregoni perralla. Tju vij turp
PërgjigjuPo mire e ke ti...more zoteri...eksperte te huaj...po do i paguash ti ata ekspertet e huaj...(apo paguhen pak ata...) sic duket sheh endrra ne diell ose nuk e ke idene sesi mund te pranojne te punojne te huajt....
Nje bravo e madhe per KM Rama me te mirin ne 30 vite.Zoti te bekofte per te miren e familjes dhe gjithe popullit Shqipetar qe ka besim tek ju. -Kemi shume besim se do ja dalish edhe kete here me sukses. -Forco me shume masat ndaj te pabindurve qe luften e marrin si shaka portokallie apo Al pazari.
PërgjigjuZoti Kryeminister te falenderojme per mes qe na jep dhe per masat qe kini marre deri tani. Duhet ti shtrengoni dhe me shume . Punetoret e ndertimit po punojne. Njerezit kane halle dhe shkojne por ju si qeveri duhet te mendoni dhe ti ndihmoni. Shkojne punetoret nga Tirana ne rrethet e tjera per te punuar. Duhet te merrni masa urgjente per te gjithe . Nuk duhet ti lejoni sipermarresi qe ti detyrojne punetoret te shkojne ne pune.Si mund te mbrohen ata dhe familjet e tyre duke udhetuar nga 3 apo 4 veta ne nje makine me njerez te ndryshem. Duhet te veproni sa me shpejt ne menyre qe keta sipermarres te pa pergjegjshen te mos marin me qafe jeten e njerezve qe punojne per buken e gojes. Duhet te mbyllen kantieret e ndertimit ashtu si jane mbyllur dhe shume bisnese te tjere.
Përgjigju