Kryeministri Edi Rama ka postuar sot në faqen e tij Facebook një statistikë krahasuese të shifrave të krimit për periudhën 2013-2014, ku duket qartë se Policia e Shtetit ka qenë në krye të detyrës.

Statistika e shifrave krahasuese e publikuar nga Kryeministri Rama, hapet me posterin, Policia e Shtetit në krye të detyrës, duke treguar se " 61,5% është ulur numri i vrasjeve, 33.3% është ulur numri i aksidenteve, 400% më shumë marijuanë e sekuestruar, 216 persona në kërkim të kapur nga policia, 40% më shumë persona të proçeduar për trafiqe, 190% më shumë persona të proçeduar për korrupsion, 38,% më shumë persona të proçeduar për krimin ekonomik, 3 milionë euro sekuestrime e konfiskime për pastrim parash, 16,799 telefonata nga publiku në 129; konflikte të trajtuara nga policia 4004" ."Kemi më shumë për të bërë", shkruan Rama. /ATSH/