Rama:Prokuroria të hetojë
mikun tim Shpëtim Gjika

TIRANE- Lidhur me akuzën e “Falcifikimit të dokumentave”, të ngritur nga prokuroria e Vlorës për kryebashkiakun Shpëtim Gjika, ka reaguar dhe kryeministri i vendit Edi Rama, që njëherësh njihet dhe si mik i ngushtë i Gjikës. Në deklaratën e tij Rama ka inkurajuar prokurorinë të vijojë punën hetimore dhe këtë çështje të çojë deri në fund, ndërkohë që edhe nga ana tjetër kryeministri është shprehur se do të ndihej tepër i gëzuar nëse, do shihte mikun e tij Gjika që do provonte me argumenta dhe fakte konkrete pafajësinë e tij në gjykatë.

“Shpëtim Gjika është mik dhe figurë e lartë e PS në krye të një prej qyteteve më të rëndësishëm të Shqipërisë. Akuza tejet e rëndë dhe faktet tejet të rënda. Të gjithë ndihemi keq nga abuzimi dhe duam të shpresojmë se një abuzim kaq skandaloz me detyrën nuk qëndron”,-ka thënë paraprakisht Rama. Por pas keqardhjes, kryeministri ka deklaruar para publikut se “ndihemi të detyruar ndaj 1 milion shqiptarëve, që na zgjodhën për të luftuar korrupsionin në të gjitha nivelet, se sot kërkojmë nga drejtësia të kryejë detyrën pa asnjë lloj pengese”. Më tej Rama shtoi se ai kërkon një Shqipëri të drejtë dhe të barabartë për këdo dhe me këdo.

Shkrimi u publikua sot (29.10.2013) në gazetën Shqiptarja.com (print)

Redaksia Online
(d.d/shqiptarja.com)