POP 5

Lajmet më të lexuara të 5 minutave të fundit

Politikë

Rama: S' bëjmë garë emrash
negociatat deri në raundin III

Në një intervistë të botuar sot për gazetën "Shekulli", të marrë menjëherë pas takimit me kryeministri Berisha, kryetari i Partisë Socialite, Edi Rama deklaron se negociatat mbeten të hapura deri në raundin e tretë dhe PS nuk do të bëhet palë apo pjesë aktive e procesit në rast se ai kalon në raundin e katërt ku hyn në lojë ballafaqimi i numrave. Me Berishën shtrëngimi i duarve i imponuar. Meta të na zgjerojë hapërisë
 
Rama: S' bëjmë garë emrash<br />negociatat deri në raundin III
TIRANE-   Në një intervistë të botuar sot për gazetën "Shekulli", të marrë menjëherë pas takimit me kryeministri Berisha, kryetari i Partisë Socialite, Edi Rama deklaron se negociatat mbeten të hapura deri në raundin e tretë dhe PS nuk do të bëhet palë apo pjesë aktive e procesit në rast se ai kalon në raundin e katërt ku hyn në lojë ballafaqimi i numrave.

“Opozita nuk i ka numrat për të zgjedhur Presidentin, as me 84 dhe as me 71 vota. Edhe sikur ti kishim ne do të vinim interesin e vendit për konsensus mbi logjikën e numrave. Ashtu sikundër ia thashë edhe kryeministrit ne nuk do të mbështesim kandidatin e njëanshëm dhe nga ana tjetër nuk do të bëhemi palë në një ballafaqim numrash.”- deklaroi Rama në intervistën e botuar sot në gazetën Shekulli.

Rama e cilësoi takimin e mbrëmshëm me kryeministrin “një shtrëngim duarsh i imponuar nga interesi madhor i vendit që kërkon që Presidenti të zgjidhet me konsensus” dhe domosdoshmëri e kërkuar nga procesi.

Kreu i PS-së nuk pranon të deklarojë se kush ishte ndërmjetësi por thotë se “takimi ishte i pashmangshëm dhe rezultat i përgjigjes së vonuar të ftesës së tij publike” dhe shpreh keqardhje se ai duhej të ishte bërë më parë”. Ai vlerëson se kreu i LSI-së Ilir Meta luajti një rol “të çmuar” për tiu dhënë një hapësirë procesit. “Hapësira është e vogël ka nevojë të zgjerohet dhe shpresoj se kreu i LSI-së do të kontribuojë për zgjerimin e saj”- nënvizoi Rama.

Ai sqaron se pozicioni i opozitës mbetet parimor për një kandidat që prodhohet nga tryeza e përbashkët përndryshe nuk do të bëhet palë, apo pjesë aktive nëse ai kalon në raundin e katërt e më tej e ku në lijë hyn matematika e votave.

Rama thotë se opozita “nuk hyn me emra konkretë dhe se PS do të përftonte një rol konkret në këtë drejtim në momentin kur konsensusi të ishte arritur paraprakisht.

“Ka një kandidat të paraqitur në mënyrë të njëanshme nga qeveria për të cilin ne thjesht jemi njoftuar një orë përpara raundit të parë. E ndërkohë opozita nuk ka arsye pse të hyjë në një garë emrash por ka të gjitha arsyet që emri të jetë produkt i procesit dhe jo procesi rezultat i emrave. “- deklaroi Rama në intervistën e botuar sot në gazetën Shekulli.
(sg/shqiptarja.com)
 

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta në Ukrainë/ Dezertori rus: Në shkurt 2022 ishim gati për sulm bërthamor

Lufta në Ukrainë/ Dezertori rus: Në shkurt 2022 ishim gati për sulm bërthamor

26 Nëntor, 16:24