TIRANË- Një ditë pasi Report Tv zbardhi draftin e propozuar nga Shqipëria për asociacionin e komunave me shumicë serbe në veri të Kosovës, kryeministri Edi Rama thotë se ndihet krenar për kontributin konkret që ka dhënë në këtë proces. Kosova është dakordësuar me draftin e ri modern të BE-së, ndërsa përmes një postimi në rrjetet sociale, kreu i qeverisë shprehet se Shqipëria ka pasur një rol konkret në këtë draft, por ai thekson se propozimi në fund mbetet i unionit.
“Nuk mund të jem më krenar për kontributin e vendosur dhe konkret të Shqipërisë në procesin e vështirë të normalizimit të marrëdhënieve ndërmjet Kosovës dhe Serbisë. Megjithatë, draft-statuti i ASMM-së i pranuar nga Kosova dhe Serbia si dokument i përshtatshëm pune është draft i BE-së”, shkruan Rama.
Kryeministri shkruan se do të jetë në krah të Kosovës në këtë rrugëtim dhe pikërisht për të treguar këtë mbështetje, Rama paralajmëron një vizitë së shpejti në Prishtinë.
![](https://shqiptarja.com/template/img/NO_ALFA_Kuadrate shqiptarja.png)
"Shqipëria do të mbështesë fuqishëm Kosovën në zbatimin e Marrëveshjes Themelore dhe do të vazhdojë të luajë rolin e saj në promovimin e paqes, stabilitetit dhe bashkëpunimit rajonal ndërmjet të gjitha vendeve të fqinjësisë sonë. Së shpejti do të shkoj në Prishtinë për të treguar personalisht mbështetjen time”, shkruan Rama.
Drafti i ri i propozuar nga BE ka referim edhe propozimin e kryeministrit Edi Rama më 8 qershor 2023, për të cilin tha se është konsultuar nga ekspertët e lartë amerikanë dhe evropianë. Pasi Shqipëria ia dërgoi autoriteteve në SHBA, Francë, Gjermani dhe Bashkim Evropian, ndërsa Brukseli në një reagim tha se kontributi i kryeministrit Rama është shkruar me shumë seriozitet. Për herë të parë, një draft i një kryeministri shqiptar bëhet referim i dokumenti të Bashkimit Evropian për një marrëveshje të tillë, të këtij kalibri, për normalizimin e raportit mes dy shteteve.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Ki krieministri shqiptare merret me gjèra shume te medha me rendesi globale....po harron se eshte zgjedhur per te punuar ne shqiperi(per keto gjera te vogla)...korrupsioni i eshte kthyer në pandemi...Ki më duket...hahahaha lëre lëre nuk po e them sot...
Përgjigju